1 Bene Kolinto 14:27 - Baibo Busansulushi Bwa Libuku Ili

²⁷ Na pali baliiwo basuni kwaamba mumilaka yeensu, bobilo nabi botatwe mbaanji, inga baamba cakupaana ciindi nkokwaamba ayi umwi amanisha pesa umwi. Ono palyeelete kuba ashikusansulula shitokwaambwa.

1 Bene Kolinto 14:27 ပူးပေါင်းရင်းမြစ်များ

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

1 Bene Kolinto 14:13

Anu muntu waamba mumulaka weensu ulyeelete kupaila kwaamba ayi apekwe acipo cakusansulula nshaamba.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 14:26

Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

1 Bene Kolinto 14:28

Na taapuuwo ukonsha kusansulula, uyo waamba mumilaka yeensu, ulyeelete kuumuna akulibandikilabo mwiine alimwi aLesa.

1 Bene Kolinto 14:5

Ndisuni ayi noonse kamwaamba mumilaka yeensu. Nakubi boobo ndisuni bunene bunene kwaamba ayi noonse kamucite cipo cakwaamba maswi akwe Lesa. Ceebo uyo waamba maswi akwe Lesa uleendaawo pawooyo shikwaamba mumilaka yeensu citobo kapaliiwo shikusansulula nshaamba kwaamba ayi bantu boonse mucoonde bacafwikwe.