1 Bene Kolinto 14:26 - Baibo Busansulushi Bwa Libuku Ili

²⁶ Ncentokwaamba nobamakwesu nceeci. Ndimubungana ayi mulambile, womwi inga kaacite lwiimbo, umwi cakwiisha, umwi kaacite maswi akamuyubulwita Lesa, umwi maswi mumilaka yeensu aumwi kaacite busansulushi bwa milaka yeensu iyo. Ono shoonse shilyeelete kusebenseshekwa kwaamba ayi shicafwe coonde kukula mulushomo.

1 Bene Kolinto 14:26 ပူးပေါင်းရင်းမြစ်များ

Bene Loma 1:13

Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Bene Loma 12:7

Na Lesa wakatupa cipo cakusebensa, atusebense. Na nkwiisha, tulyeelete kwiisha.

Bene Loma 14:19

Anu lyoonse tulyeelete kucita shintu shileta luumuno pabantu alimwi akucafwa bene Klistu kuyuma mulushomo.

Bene Loma 15:2

Sombi uli woonse pakati kesu ulyeelete kukondelesha muKlistunyina akumucitila shintu shibotu kwaamba ayi amuyuumye mulushomo.

1 Bene Kolinto 14:15

Ono ndyeelete kucita buyani? Ndanoopaila amuuya wangu, ono alimwi ndanoopaila amaano angu. Ndanokwiimba amuuya wangu, ono sombi ndanokwiimba amaano angu.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 14:27

Na pali baliiwo basuni kwaamba mumilaka yeensu, bobilo nabi botatwe mbaanji, inga baamba cakupaana ciindi nkokwaamba ayi umwi amanisha pesa umwi. Ono palyeelete kuba ashikusansulula shitokwaambwa.

1 Bene Kolinto 14:40

Shintu shoonse shilyeelete kucitwa munshila ibotu alimwi mumulawo.

2 Bene Kolinto 12:19

Mpashi mulayeeya kwaamba ayi lyoonse ili twakalinga kunooliimikaninabo kuli ndimwe. Sobwe! Tulaamba kweelana abuyanda Klistu pameenso akwe Lesa alimwi shoonse nshetucita shilacitwa kwaamba ayi mwebo nomusunikwi, mucafwikwe.

2 Bene Kolinto 13:10

Ndamulembela ishi kaantana kwisa uko, kwaamba ayi ndaakwisa uko, ntakasebenseshi nkusu shangu cabukali. Mwaami wakampa nkusu isho ayi njake coonde kuteshi kumwaya.

Bene Efeso 4:12

Wakacita boobo kwaamba ayi bantu boonse bashoma muli Lesa bakanoolibambite kusebensa mukuyumya bashomi abo bali ngomubili wakwe Klistu.

Bene Efeso 4:16

Lakwe ngooendelesha shipansha shoonse sha mubili akushicatanya pantu pomwi. Ono na cipansha cili coonse casebensa mulimo wa ncico, mubili woonse ulakula akuliyaka mulusuno.

Bene Efeso 4:29

Mutabi beshimyaambo ibiibi, sombi kamwaambabo maswi acafwa, akonsha kuyaka akuleta ciyandika kwaamba ayi boonse batoonyumfwaako bacanemo bubotu.

Bene Efeso 5:19

Mulyeelete kwaamba kuli womwi awomwi mumaswi a kulumbaisha, nyimbo sha kulemeka alimwi ashimwi sha kulumbaisha Lesa. Kamwiimbila Mwaami cakukondwa amoyo woonse.

1 Bene Tesalonika 5:11

Aboobo kamuyuminishanya akucafwana womwi awomwi bweenka mbuli mbomutoocita.