1 Bene Kolinto 14:20 - Baibo Busansulushi Bwa Libuku Ili

²⁰ Nobamakwesu mutabi anga mbaana mumiyeeyo, sombi mube anga mbaana mukubula shibiibi, munooli bamanene mumiyeeyo.

1 Bene Kolinto 14:20 ပူးပေါင်းရင်းမြစ်များ

Neyemiya 4:13

Mpomunyaawo ndakabika bantu mumisena itana kumana kuyakululwa. Bakaya mushipani sha mumikowa yabo kabacite mipeeni, masumo alimwi amata.

Kulumbaisha 119:99

Ndicite maano akunyumfwa kwiinda bamafundishi bangu boonse, ceebo ndayeeyabo pakwiisha kwanu.

Isaya 11:3

Ncakwiila alakwe ulaakunoosangalala mukuloonda Mwaami Lesa. Lakwe teshi akanokoombolosha kwiinda mukulangilishabo muntu, nabi kwiinda mushintu shakunyumfwanyumfwabo.

Jelemiya 4:22

Mwaami Lesa waamba ayi, “Bantu bangu mbaluya, tabenshiiwo. Mbaana bafwite mitwi, tabacite maano akunyumfwisha shintu. Balicibwenebo kucita shibiibi, sombi kucita shibotu kulabaalila.”

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 18:3

Lyalo wakabaambila ayi, “Ntoomulwiita calushinisho ayi na mubule kuba mbuli mwanike muniini wa mbuli wooyu, teshi mukenjile muBweene bwa kwiculu.

Mateyo 19:14

Mpomunyaawo Jesu wakabaambila ayi, “Amuleke baana baniini bese kuli ndime. Mutanoobakasha ceebo Bweene bwa kwiculu mbwa baabo bali mbuli baaba.”

Mateyo 19:4

Jesu wakakumbula ayi, “Sa tamuna kubelengaawo ayi kumatalikilo Lesa wakabalenga musankwa amwanakashi?

Maako 10:15

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Luka 18:17

Ntoomulwiita calushinisho ayi uyo woonse utatambuli Bweene bwakwe Lesa anga ngumwaana, ncakwiila teshi akenjileemo.”

Bene Loma 1:13

Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Bene Loma 16:19

Bantu boonse bakanyumfwa mpuwo yanu yakushoma Makani Abotu. Paceebo ceeco ndikondetwe ceebo ca ndimwe, sombi ndisuni kwaamba ayi mube basongo kwiinda mukushiba shibotu, mutafulunganishikwi abubi.

1 Bene Kolinto 13:11

Kaancili mwanike kwaamba akuyeeya koonse kwakalinga kwa bwanike. Ono ingayi nkule, nshila sha bwanike shoonse ndakashileka.

1 Bene Kolinto 14:19

Sombi mucoonde cilambotela kwaamba maswi alibo osanwe ayo akonsha kunyumfwa bantu kwaamba ayi njiishe bamwi, kwiinda kwaamba maswi ali shuulu likumi mumilaka yeensu.

1 Bene Kolinto 2:6

Sombi tulaamba shabusongo kubaabo bayumu mulushomo. Nakubi boobo teshi busongo bwa buntu nabi bwa beendeleshi ba mucishi ca panshi ubo bumana.

Bene Efeso 4:13

Nkokwaamba ayi soonse tulaakubabo anga ngumuntu womwi mukushoma kwesu alimwi akwishiba Mwanaakwe Lesa. Tulaakuba bantu bashoma cancinencine akuba bwakalinga Klistu.

Bene Filipi 1:9

Ndapaila ayi mukomene mulusuno, lushibo lwancinencine alimwi akunyumfwishisha kwanu kwa shintu shoonse,

Bene Filipi 3:15

Ono soonse sotukomete mulushomo tulyeelete kuba amiyeeyo ya mushobo uyu. Na kakuli bamwi pakati kanu bacite miyeeyo ipusene, shoonse isho Lesa ulaakumuyubulwita.

1 Pita 2:2

Ono mbuli bakateta mbobalilila mukupa, muyandishishe mukupa wiine wiine wa mushimu, kwaamba ayi kwiinda mukuunwa mukomene akupuluka,

2 Pita 3:18

Sombi mwebo amutolelele kukula muluse alimwi alushibo lwa Mwaami Jesu Klistu, Mupulushi wesu. Bulemu bube kuli nguwe bulya alimwi amuyayaya! Ameni.