1 Bene Kolinto 14:16 - Baibo Busansulushi Bwa Libuku Ili

¹⁶ Ono na walumbabo Lesa mumuuya, shikukutikabo utaaku mbwaabete uliimo mulibungano, inga waamba buyani ayi, “Ameni” pakukutika kulumba kwanu? Ceebo nshemutokwaamba taashishiiwo.

1 Bene Kolinto 14:16 ပူးပေါင်းရင်းမြစ်များ

1 Baami 1:36

Benaiya wakakumbula ayi, “Citoocitwa bweenka ubo, alimwi Mwaami Lesa, Lesa wanu aasuminishe ayi cibe boobo.

1 Makani 16:36

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Lyalo bantu boonse bakaamba ayi, “Ameni,” akulemeka Mwaami Lesa.

Neyemiya 5:13

Mpeeke ndakafutula nkomwe shangu akwaamba ayi, “Munshila yeenka iyi muntu uli woonse uyo weshi akabule kucita kweelana ambwaashomesha, Lesa mbweshi akacite kuli nguwe. Ulaakumunyaya maandaanu ashintu shoonse nshemucite alimwi ulaakumushiya maansaabo.” Bantu boonse bakakumbula ayi, “Ameni!” Mpeeke bakalumbaisha Mwaami Lesa akucita kweelana ambobakashomesha.

Neyemiya 8:6

Mpomunyaawo Esila wakaamba ayi, “Aalumbaishikwe Mwaami Lesa, Lesa munene!” Lyalo bantu boonse bakanyamuna maansaabo akukumbula ayi, “Ameni! Ameni!” Mpeeke bakafukama akulambila Mwaami Lesa cakushisha shiwa panshi.

Kulumbaisha 106:48

Aalumbaishikwe Mwaami Lesa, Lesa wa bene Isilaeli. Amumulumbaishe lyoonse alyoonse. Bantu boonse abaambe ayi, “Ameni!” Aalumbaishikwe Mwaami Lesa!

Kulumbaisha 41:13

Aalumbaishikwe Mwaami Lesa, Lesa wa bene Isilaeli, aalumbaishikwe lyoonse alyoonse. Ameni alimwi ameni.

Kulumbaisha 72:19

Alilumbaishikwe lyoonse alyoonse liina lyakwe lya bulemu. Bulemu bwakwe abumwaike akukwanabo cishi coonse. Ameni! Ameni!

Kulumbaisha 89:52

Mwaami Lesa alumbaishikwe lyoonse alyoonse! Ameni! Ameni!

Jelemiya 11:5

Lyalo ndaakucita kweelana ambondakashomesha cakulumbila kubamashali banu bakulukulu. Ncakwiila ndaakubapa cishi muli bubile abulongo bubotu, cishi ico ncemushiiteemo bulya.’ ” Mpomunyaawo ndakakumbula ayi, “Akube boobo, Nkambo.”

Jelemiya 28:6

Ndakaamba ayi, “Akube boobo! Mwaami Lesa aacite bweenka ubo! Mwaami Lesa aacite kweelana amaswi ngowaamba mukuboosha shisebensesho sha Ŋanda yakwe pantu pomwi abantu boonse abo bakatolwa busha kuBabiloni kumusena uno.

Shakubelenga 5:22

Maanshi aya pakwinjila mulifumo lyako aalishimbishe akulengesha bwanakashi bwako kunyana.’ Alakwe mwanakashi ulaakukumbula ayi, ‘Ndasumina. Mwaami Lesa aacite mbomunya ubo.’

Mateyo 15:36

Lyalo wakabwesa shinkwa wosanwe awobilo uyo alimwi atuswi, ndyaakamana kulumba Lesa, wakakomoona shinkwa akupa bashikwiiya bakwe ayi baabile bantu. Abalo bashikwiiya bakwe bakabaabila.

Mateyo 28:20

Mukabeeishe kukonkela akucita shintu shoonse nshendakamulwiita. Nebo nanooli amwebo lyoonse kushikila kumamanino a cishi.”

Mateyo 6:13

Mutatwinjishi mumasunko, sombi mutufuune kuswa kuMubiibi ulya. [Mukwiinga Bweene, nkusu abulemu nshanu muyayaya. Ameni.’]

Maako 16:20

Bashikwiiya bakaya cishimika Makani Abotu koonse koonse. Alakwe Mwaami wakabapa nkusu shakucita shaankamiko, kutondesha bantu ayi maswi akwe ngancinencine.]

Joni 21:25

Ono nkoshili ashimwi shiinji isho Jesu nshaakacita. Nicakaba cakulemba shoonse neenga mabuku ashini akalembwe abula musena mucishi ca panshi.

Joni 7:15

Bamaloba ba baJuda bakakankamana abuumbi akwaamba ayi, “Ino muntu uyu ulishi buyani shintu shoonse ishi nabi taana kuyaawo amukushiiya.”

Milimo ya Batumwi 4:13

Ono boomboloshi ndibakabona ayi Pita aJoni bakalinga kwaamba cakubula boowa, bakakankamana abuumbi ceebo bakeshiba ayi tebakalinga kwiiteewo, bakalinga bantubo. Mpeeke bakeshiba ayi bakekala bunene aJesu.

1 Bene Kolinto 11:24

walumba Lesa, wacikomoona akwaamba ayi, “Uyu ngumubili wangu uyo waabwa ceebo ca ndimwe. Kamucita bobulya mukunjibaluka.”

1 Bene Kolinto 14:14

Ceebo na ndapaila mumulaka weensu, muuya ulapaila cancinencine, sombi maano angu taabiiko lubasu.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 16:24

Lusuno lwangu lube amwebo noonse muli Klistu Jesu.

2 Bene Kolinto 1:20

Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.

Ciyubululo 22:20

Uyo woonse usumina makani aya oonse ulaamba ayi, “Ee ncalushinisho! Ntoofwambaana kwisa!” Acibe boobo. Kosa oMwaami Jesu!

Ciyubululo 5:14

Mpeeke shilengwa shuumi shili shone shakakumbula ayi, “Ameni!” Lyalo bamaloba abo bakafukama akulambila.

Ciyubululo 7:12

kabaamba ayi, “Ameni! Lesa wesu aalumbaishikwe, aapekwe bulemu abusongo, aalumbwe alimwi akupekwa nkusu abweendeleshi lyoonse alyoonse. Ameni!”