1 Bene Kolinto 13:6 - Baibo Busansulushi Bwa Libuku Ili

⁶ Lusuno talulengeshiiwo muntu kusangalala mububi, sombi mushalushinisho.

1 Bene Kolinto 13:6 ပူးပေါင်းရင်းမြစ်များ

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulumbaisha 119:136

Amubone minsonshi yangu mboitookunka anga ngumulonga, ceebo ca bantu kusuula milawo yanu.

Kulonga 18:9

Jetulo ndyaakanyumfwa makani oonse aya, wakasangalala

Tushimpi 14:9

Baluya balaseka muntu ulyaambilila shibiibi, sombi baluleme balisuni kulekelelwa.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 20:10

Nebo ndanyumfwa maswi aanji kaatepeta ayi, “Kuli mapensho ayoosha kumbasu shoonse! Aaluulwe! Ee, atumuluule!” Beensuma boonse batoolindilila ayi ndubye akwaamba ayi, “Mpashi inga weendwa kumaano, lyalo inga twamucata akumubooshesha cishole.”

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Osiya 4:8

Mwebo mulabilila pakubisha kwa bantu bangu. Paceebo ceeco mulisuni ayi kababisha lyoonse.

Osiya 7:3

Mwaami Lesa waamba ayi, “Bantu balabeca mwaami abwikaalo bwabo bubiibi, bacinenenene balabasangalasha kububeshi bwabo.

Mika 7:8

Nobalwani besu, mutalisumpuli pali ndiswe. Nabi twawa, tulaakubuka. Nabi tube mumunshinshe, Mwaami Lesa ulaakuba mumuni wesu.

Mateyo 18:13

Na weecana, ntoomulwiita calushinisho ayi ulakondwa abuumbi pambelele yomwi ilya, kwiinda sheesho shili makumi osanwe aone alimwi ashosanwe ashone shitakwe kusoweka.

Luka 22:5

Mpomunyaawo bakakondwa abuumbi, lyalo bakasuminishanya kwaamba ayi inga bamulipila maali.

Bene Loma 1:32

Balishi mulawo wakwe Lesa wakwaamba ayi bantu bacita shintu sha mushobo uyu balyeelete kufwa. Nakubi boobo tabacitibo shintu ishi, sombi balalumbaisha abaabo bashicita.

Bene Loma 12:9

Mulyeelete kuba alusuno lwalushinisho. Amupate bubi akusunisha kucita shintu shibotu.

Bene Filipi 1:18

Tacicite mulandu! Cintu cinene ncakwaamba ayi mububeshi nabi mulushinisho Jesu Klistu utooshimikilwa. Paceebo ceeco ndisangalete. Ee, ndanoosangaletebo lyoonse

Bene Filipi 1:4

Mumipailo yangu yoonse njeemupaililaako, ndalumba Lesa akusangalala

Bene Filipi 3:18

Ndamulwiita lyoonse mankanda maanji alimwi ntekubooshaawo kaandila. Kuli bantu baanji batondesha mubuumi bwabo ayi mbalwani kumakani akwe Klistu pamucilingano.

2 Bene Tesalonika 2:12

Aboobo abo boonse batakwe kushoma shiluleme, bakakondwa shibiibi, Lesa ulaakubapa mulandu.

2 Joni 1:4

Ndakasangalala abuumbi kucana kwaamba ayi bana bako bamwi batokweenda mulushinisho, bweenka mbwaakatulasha Ishiwesu.