1 Bene Kolinto 13:4 - Baibo Busansulushi Bwa Libuku Ili

⁴ Lusuno lulakalika moyo akulengesha nkumbu alimwi talupi munyono, kulilumbaisha nabi kulisumpula.

1 Bene Kolinto 13:4 ပူးပေါင်းရင်းမြစ်များ

Matalikilo 30:1

Sombi Lakelo taakwe kushalila Jakobo mwaana, paceebo ceeco wakafwita munyono mukwabo akwaambila Jakobo ayi, “Mpe baana, kwabula boobo ntoofwa.”

Matalikilo 37:11

Bamakwabo Josefu bakafwa munyono, sombi baishi, cikani ici bakalinga kuciyeeya lyoonse.

Neyemiya 9:17

Bakakaka kunyumfwila alimwi bakaluba shintu shoonse nshemwakacita. Bakaluba shaankamiko isho nshemwakabacitila. Mukulisumpula kwabo bakasala mutanjilili kwaamba ayi ababooshe mubusha mucishi ca Ijipiti. Sombi mwebo muli baLesa balekelela shibiibi, bacite luse alusuno alimwi batafwambaani kukalala. Nkuumbu shanu shilakankamika, aboobo tamukwe kubafutatilaawo, sobwe.

Kulumbaisha 10:5

Sombi balo balaswitilila mushintu shoonse. Aboobo milawo yakwe Lesa ili kulaale ambabo. Paceebo ceeco balwani babo boonse balababonabo anga ngukabwa wamucila.

Tushimpi 10:12

Lupato lulalengesha kwaambana, sombi lusuno lulapa kulekelela shilubo shoonse.

Tushimpi 13:10

Kulisumpula kulaletabo kwaambana amapensho, sombi busongo bulacanwa mubaabo banyumfwa kwaambilwa.

Tushimpi 17:14

Kubalamuna kwaambana kuli anga nkutulula bulyango mumukuti wa cishiba. Anu ncibotu kucilekabo kwaamba pacikani ico kacitana kuya kunembo.

Tushimpi 17:9

Uyo ulekelela mubye mulandu ngayi ulisuni cibusa, sombi uya cibandika cilubo ca mubye ulalengesha cibusa kumana.

Tushimpi 19:22

Cintu cinene ciyandika kumuntu nkushomeka. Anu kuba mukandu ncibotu kwiinda kuba mubeshi.

Tushimpi 31:20

Ulafungulula lyaansa kubakandu, ncakwiila bapengete ulabacafwa.

Tushimpi 31:26

Lakwe ngumuntu waamba cabusongo alimwi ulapa milasho cakushomeka.

Shikushimikila 10:4

Na muleli wakukalalila, utatakati mulimo wako. Mukwiinga kukalika moyo kulamana milandu inene.

Mateyo 27:18

Mukwiinga Pilato wakalinga kwishi ayi bakatola Jesu kuli nguwe ceebo bakamufwita munyono.

Milimo ya Batumwi 7:9

“Bana bakwe Jakobo aba, bakanyumfwila munyono Josefu mukwababo akumuulisha kubantu abo bakaya mukumuulisha ayi akabe musha muIjipiti. Sombi Lesa wakalinga kumucafwa

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

Bene Loma 13:13

Atwikale kabotu mbuli bantu bekala mumumuni. Tatweelete kwikala mubucakolwa bupusenepusene, bufuule alimwi akutalilemeka. Tatweelete kulwana alimwi akunyumfwilana munyono.

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

1 Bene Kolinto 4:18

Bamwi batalika kulisumpula anga teshi nkeseeko uko.

1 Bene Kolinto 4:6

Mumakani oonse aya ngondaamba nobamakwesu, ndasebensesha liina lyangu alyakwe Apolosi mbuli citondesho ayi mwishibe caamba makani ayo aamba ayi, “Amubambe shaamba Malembo akwe Lesa.” Lyalo mutanoolisumpula ceebo ca muntu womwi akusuula umwi.

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

2 Bene Kolinto 12:20

Ceebo ntooloonda kwaamba ayi ndaakwisa uko ndaakumucana kamutabete mbuli mbondakalinga kumuyeeyela, nabi mwebo kumbona mbomutasuni. Ntooloonda ayi ndaakucana kwaambana, munyono, bukali, kulisuna, matushi, kufuya, kulisumpula akunyonyongana.

2 Bene Kolinto 6:6

Alimwi kwiinda mubuumi bwesu butacite kampenda, lushibo lwesu, kukalika moyo kwesu, inkumbu nshetucite, muMushimu Usalashi, mulusuno lwancinencine,

Bene Galatiya 5:26

Tatweelete kunoolisumpula, kunookalashanya nabi kunoonyumfwilana munyono.

Bene Efeso 4:2

Amuliceeshe, mulibombye alimwi amukomenye myoyo lyoonse. Kamulekelelana kwiinda mulusuno.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Bene Filipi 1:15

Ncakwiila nkobali bamwi bashimikila pali Klistu mukwiinga wa munyono akusuna kupikishanya, sombi nkobali bamwi bashimikila amoyo woonse.

Bene Kolose 1:11

Lesa amuyuumye kwiinda munkusu shakwe shiinji kwaamba ayi mutolelele mukutaboola pesule amukukomenya moyo. Cakusangalala

Bene Kolose 2:18

Kutabi muntu nabi womwi weshi amupe mulandu ceebo lakwe ulayeeya ayi ngumunene mukwiinga ulabona shimwi shili anga nsha muciloto. Bantu ba mushobo wooyu balalibombya cakubeca alimwi balisunibo kwaamba ayi bantu kabalambila baanjelo. Balalisumpula pashintu shitacite ncito mukwiinga balakonkela shintu sha buntu.

Bene Kolose 3:12

Mwebo muli bantu abo Lesa mbwaakasuna akumusala kwaamba ayi mube bantu bakwe. Paceebo ceeco, mulyeelete kuba beshinkumbu, bacita kabotu, baliceesha, balibombya akuba bantu bacata myoyo.

1 Bene Tesalonika 5:14

Twamusenga alimwi nobamakwesu, ayi mucenjeshe batolo. Amuyumyeyumye beshiboowa, mucafwe balefukite alimwi bantu boonse kamubakalikila myoyo.

1 Timoti 6:4

ngushikulisumpula alimwi taaku nceeshi. Ono ulisunishibo kupikisha akwaambana pamaswi. Ici cilaletabo munyono, kupikishanya, matushi, kuyeeyela shibiibi

2 Timoti 2:25

muntu ulibombya pakulwiita beshikumupikisha, mukwishiba kwaamba ayi mpashi Lesa inga wabapa ciindi cakusanduka kuswa kushibiibi shabo akwishiba shalushinisho.

2 Timoti 3:10

Ono webo ulishi kabotu mboonjiisha, micito yangu, muyeeyo wangu, lushomo, bushimoyonteeka, lusuno, kutaboola pesule,

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.

Taitasi 3:3

Ceebo nabi swebo sobeene twakalinga baluya, batanyumfwili alimwi balubite. Twakalinga basha ba lunkumbwa lwa mubili alimwi ashakulisangalasha shipusenepusene. Twakalinga kwikala mubuumi bwa miyeeyo ya lupato amunyono. Bantu bakalinga kutupatite aswebo katubapatite.

Jemusi 4:5

Mutayeeyi ayi Malembo akwe Lesa alabeca ndyaamba ayi, “Muuya Lesa ngwaakabika muli ndiswe ulayandishisha shamubili.”

1 Pita 2:1

Aboobo amucileeke bubi boonse, bubeshi, kwaamba nshemutaciti, munyono alimwi amusebaanyo wa mushobo woonse.

1 Pita 3:8

Cakweelaako, noonse amucatane amoyo womwi akuba amyoyo ibombu. Mulyeelete kusunana abashominyinaanu akunoonyumfwilana nkumbu alimwi akuliceesha.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

2 Pita 1:7

Pabuumi bwakupaila kwiine kwiine, mwiilikewo lusuno lwa bwanabwankashi, apalo palusuno lwa bwanabwankashi ulo, mwiilikewo lusuno kubantu boonse.

1 Joni 4:11

Nomusunikwi ono mukwiinga Lesa wakatusuna abuumbi, aswebo tulyeelete kusunana.