1 Bene Kolinto 13:1 - Baibo Busansulushi Bwa Libuku Ili

¹ Nebo inga kaancikonsha kwaamba milaka yaamba bantu nabibo yaamba baanjelo, ono na kaantacite lusuno kwaamba kwangu kuli anga nkulila kwa mulangu nabibo cinshimbi citokuumwa.

1 Bene Kolinto 13:1 ပူးပေါင်းရင်းမြစ်များ

Kulumbaisha 150:5

Amumulumbaishe kamulisha atusenke tuselebete. Amumulumbaishe kamulisha atusenke tuselebete tulila bunene.

Mateyo 25:45

Lakwe Mwaami ulaakubakumbula ayi, ‘Ntoomulwiita calushinisho ayi, lyoonse ilyo ndimwakakaka kucafwa womwi wa baaba bataaku mbobabete, mwakakakila ndime.’

Maako 16:17

Abo bashoma balaakuba ashitondesho ishi: Balaakunookusha bashikaswa muliina lyangu, balaakunokwaamba milaka imwi ipusenepusene.

Bene Loma 14:15

Na ncoolya cilalengesha muKlistunyoko kubisha, nkokwaamba ayi micito yako taitootanjililwa alusuno. Utanyonyooli bantu abo Klistu mbwaakafwita mukulya kwako.

1 Bene Kolinto 12:10

Mushimu ulapa umwi nkusu shakucita shaankamiko, umwi ulamupa nkusu shakwaamba maswi akwe Lesa. Umwi ulamupa nkusu shakwishiba bupusano bwa shipo shiswa kuMushimu Usalashi ashimwibo. Umwi ulamupa nkusu shakwaamba milaka yeensu, sombi umwi ulamupa nkusu shakupandulula milaka iyo.

1 Bene Kolinto 12:16

Nabi na kutwi kwaamba ayi, “Mboontabete liinso nshibete cipansha ca mubili,” ino sa ico inga calengesha kwaamba ayi citabi cipansha ca mubili?

1 Bene Kolinto 12:8

Mushimu Usalashi ulapa muntu umwi cipo cakwaamba cabusongo, sombi Mushimu weenka uyo ulapa muntu umwi cipo cakupanda maano bamwi.

1 Bene Kolinto 13:8

Lusuno ndwamuyayaya, sombi cipo cakwaamba maswi akwe Lesa cilaakweela, kwaamba milaka yeensu kulaakumana alwalo lushibo lulaakuloba.

1 Bene Kolinto 14:2

Mukwiinga waamba mumulaka weensu taambi kubantu, sombi kuli Lesa ceebo taaku muntu nabi womwi umunyumfwa. Mushimu Usalashi ngoomwaambisha makani akwe Lesa ashisitwe.

1 Bene Kolinto 14:4

Uyo waamba mumulaka weensu ulalicafwa mwiine, sombi waamba maswi akwe Lesa ulacafwa bamucoonde boonse kukula mulushomo.

1 Bene Kolinto 14:5

Ndisuni ayi noonse kamwaamba mumilaka yeensu. Nakubi boobo ndisuni bunene bunene kwaamba ayi noonse kamucite cipo cakwaamba maswi akwe Lesa. Ceebo uyo waamba maswi akwe Lesa uleendaawo pawooyo shikwaamba mumilaka yeensu citobo kapaliiwo shikusansulula nshaamba kwaamba ayi bantu boonse mucoonde bacafwikwe.

1 Bene Kolinto 8:1

Ono kweelana amwiipusho ngomwakalemba pashakulya shipekwa kushibumbwabumbwa, ndushinisho kwaamba ayi soonse tulicite lushibo. Ono lushibo ulo lweenka lulalengesha bantu kulisumpula, sombi lusuno ndoluyaka.

2 Bene Kolinto 12:4

Kumusena uko wakanyumfwa shintu isho muntu nshaatakonshi kusansulula alimwi nshaatakwe kusuminishikwa kwaamba.

Bene Galatiya 5:22

Sombi shisepo sha Mushimu Usalashi, ndusuno, kusangalala, luumuno, kukomenya moyo, nkumbu, kubota moyo, kushomeka,

Bene Galatiya 5:6

Mukwiinga swebo sotuli muli Klistu Jesu, kupalulwa nabi kutapalulwa taaku mbokubete, sombi cinene nkuba alushomo kwiinda mulusuno.

1 Timoti 1:5

Mulasho uyu uliimfwi palusuno ulo luswa mumoyo usalalite, miyeeyo iluleme alimwi alushomo lwalushinisho.

1 Pita 4:8

Cinene ncakwaamba ayi musunane cankusu ceebo na mwasunana, inga kamulibambite kulekelelana shibiibi.

2 Pita 2:18

Balaamba maswi akulisumpula atacite ncito alimwi kwiinda mulunkumbwa lwa bufuule, balalengesha kubisha abo batooya cilubuka pakati ka bamucita shibi.

Ciyubululo 14:2

Mpeeke ndakanyumfwa liswi kuswa kwiculu lyakalinga kunyumfwika anga ngamaanshi atoowoota alimwi anga ncilulumo cinene. Liswi ili lyakalinga kunyumfwika anga mbeshikulisha tulumbu baanji batoolisha.