1 Bene Kolinto 12:9 - Baibo Busansulushi Bwa Libuku Ili

⁹ Mushimu weenka womwi uyo ulapa umwi lushomo, aumwi ulamupa nkusu shakushilika.

1 Bene Kolinto 12:9 ပူးပေါင်းရင်းမြစ်များ

Mateyo 10:8

Mukashilike balwashi, mukabushe bafu, akushilika bashimanata, alimwi akukusha bashikaswa. Mwapekwabo, amwebo mukapebo.

Mateyo 21:21

Jesu wakabakumbula ayi, “Ntoomulwiita calushinisho ayi na mulashoma cakutatonsha, inga mwacita bweenka mbuli mbondacita mukuyu uyu. Sombi teshi ceeci ceenka, mulakonsha nabi kwaambila kalundu aka ayi, ‘Swaawo apo mpoobete uye uliwaale mulweenge,’ cilaakucitika.

Maako 16:18

Na bakabwese nsoka teshi bakalumweewo, nabi na bakanwe musamu ukola, teshi ukabacaaye. Balaakubika maansaabo pabalwashi, abalo balaakuba kabotu.”

Maako 6:13

Bakakusha bashikaswa baanji alimwi bakananika mafuta bantu balwashi baanji akubashilika.

Luka 10:9

Mukashilike balwashi mundabala iyo alimwi akubaambila bantu uko ayi, ‘Bweene bwakwe Lesa bwasena pafwaafwi amwebo.’

Luka 9:2

Lyalo Jesu wakabatuma mukushimikila shaBweene bwakwe Lesa akushilika balwashi.

Milimo ya Batumwi 10:38

Mulishi makani akwe Jesu wa kuNasaleti, mbuli Lesa mbwaakamusala akumupa Mushimu Usalashi ankusu. Mukwiinga Lesa wakalinga anguwe, wakeenda koonse koonse kaaya bucita shibotu kubantu akushilika baabo boonse bakalinga munkusu shakwe Satana.

Milimo ya Batumwi 5:15

Ceebo ca shitondesho sha nkusu sha kwiculu shakacita batumwi, bantu baanji bakatola balwashi baanji akubooneka pamalo ampasa mumikwakwa mucanika bantu baanji kwaamba ayi Pita pakwiinda, cimfule cakwe mpashi inga ceenda pabalwashi bamwi.

1 Bene Kolinto 12:28

Mucoonde, Lesa wakataanguna kubika batumwi, kuboolaawo balaluki, kubolaawo bafundishi. Lyalo ndipakesa abo bantu beshikucita shaankamiko, bamwi abo bakapekwa nkusu shakushilika, kucafwa bamwi, kweendelesha ncito nabi kwaamba milaka yeensu.

1 Bene Kolinto 12:30

Sa boonse balicite shipo shakushilika? Sa boonse balaamba mumilaka yeensu? Sa boonse balakonsha kusansulula milaka imwi? Shoonse ishi tabwishi mboshibete, tau.

1 Bene Kolinto 13:2

Na kaancite cipo cakwaamba maswi akwe Lesa, akwishiba lushinisho lushisitwe akuba alushibo lwa shintu shoonse alimwi na kaancite lushomo lukonsha kutuntulusha kalundu, sombi kaantacite lusuno, ingayi taaku mboombete.

2 Bene Kolinto 4:13

Malembo akwe Lesa alaamba ayi, “Ndakashoma, aboobo ndakaamba.” Mumushimu weenka uyo walushomo ngotucite aswebo tulaamba ceebo tulashoma.

Bene Efeso 2:8

Mwakapulushikwa aluse lwakwe Lesa kwiinda mulushomo. Teshi munkusu shanu nobeene, sombi ncipo kuswa kuli Lesa.

Bene Ebulu 11:33

Kwiinda mulushomo, bantu aba bakalwana shishi alimwi akukoma. Bakacita shiluleme, mpeeke alakwe Lesa wakabapa nshaakabashomesha. Bakalengesha milomo ya nkalamu kutacaluka,