1 Bene Kolinto 12:7 - Baibo Busansulushi Bwa Libuku Ili

⁷ Mushimu Usalashi ulapa womwi awomwi cipo kwaamba ayi acisebenseshe mukucafwa bantu boonse.

1 Bene Kolinto 12:7 ပူးပေါင်းရင်းမြစ်များ

Kulonga 28:3

Ono ukeete bacite buuya bwakutunga, boonse abo mbondakapa busongo, akubalwiita kutunga shakufwala shakwe Aloni kwaamba ayi mukamusalashe akanonsebensela mulimo wa bupailishi.

1 Bene Kolinto 12:12

Klistu uli anga ngumubili womwi ucite shipansha shiinji. Nabi ulicite shipansha shiinji, ngumubili womwi.

1 Bene Kolinto 14:12

Ono ceebo cakwaamba ayi mulisuni abuumbi kutambula shipo sha Mushimu Usalashi, mulyeelete kweelesha kusebensesha bunene isho shicafwa bamucoonde kukula mulushomo.

1 Bene Kolinto 14:17

Nakubi kwaamba ayi walumba kabotu, taaku muntu umwi ucafwikwa.

1 Bene Kolinto 14:19

Sombi mucoonde cilambotela kwaamba maswi alibo osanwe ayo akonsha kunyumfwa bantu kwaamba ayi njiishe bamwi, kwiinda kwaamba maswi ali shuulu likumi mumilaka yeensu.

1 Bene Kolinto 14:5

Ndisuni ayi noonse kamwaamba mumilaka yeensu. Nakubi boobo ndisuni bunene bunene kwaamba ayi noonse kamucite cipo cakwaamba maswi akwe Lesa. Ceebo uyo waamba maswi akwe Lesa uleendaawo pawooyo shikwaamba mumilaka yeensu citobo kapaliiwo shikusansulula nshaamba kwaamba ayi bantu boonse mucoonde bacafwikwe.