1 Bene Kolinto 12:11 - Baibo Busansulushi Bwa Libuku Ili

¹¹ Ono ucita shoonse nguMushimu womwi weenka. Ulapa shipo shipusenepusene kumuntu womwi awomwi kweelana ambwaayanda.

1 Bene Kolinto 12:11 ပူးပေါင်းရင်းမြစ်များ

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Mateyo 11:26

Ncakwiila Ta, mwebo mwakacita kweelana akuyanda kwanu.

Mateyo 20:15

Sa nsheelete kucita mbuli mboonsuni pabuboni bwangu? Mpashi wamfwita munyono mukwiinga nshisalululi pakupa?’ ”

Joni 3:27

Joni wakakumbula ayi, “Taaku cintu muntu nceenga wacana na Lesa taakwe kumupa.

Joni 3:8

Muuwo ulapupila kuli koonse nkoosuni alimwi mulanyumfwa koopupa, sombi tamwishibi nkowaswita nabi nkootooya. Mbweeke ubo mbocibete kumuntu woonse washalwa kuMushimu Usalashi.”

Joni 5:21

Bweenka baIshi mbobabusha bafu akubapa buumi, alakwe Mwaana ulapa buumi kubaabo mbaasuni kupa.

Bene Loma 12:6

Aboobo tulyeelete kusebensesha shipo shesu isho Lesa nshaapa muluse lwakwe. Na cipo cesu nkushimikila Maswi akwe Lesa, tulyeelete kucita boobo kweelana alushomo ndotucite.

Bene Loma 9:18

Anu Lesa ulanyumfwila nkumbu abo mbaasuni kunyumfwila akulengesha cimpamya kubamwi abo mbaasuni.

1 Bene Kolinto 12:18

Ono kweelana mbocibete, Lesa wakabika cipansha comwi comwi mumubili pamusena mpocibete kweelana ambwaakasuna mwiine.

1 Bene Kolinto 12:4

Shipo shilipusenepusene, sombi ushipa nguMushimu Usalashi womwi eenkabo.

1 Bene Kolinto 12:6

Kuli nkusu shipusenepusene, sombi Lesa ngomwi usebensesha nkusu isho mubantu boonse.

1 Bene Kolinto 7:17

Muntu womwi awomwi ulyeelete kwikala bweenka mbuli cipo ncaakapekwa kuswa kuli Lesa alimwi kweelana abuumi ubo Lesa mbwaakamwiitilaamo. Ili ndyelifunde ndyeempa mushoonde shoonse.

1 Bene Kolinto 7:7

Necakabota naakwiinga bantu boonse balinga mbuli ndime. Ono ceebo cakwaamba ayi muntu womwi awomwi ulicite cipo cakwe kuswa kuli Lesa, umwi aumwi ulicite cipo camushobo upusene amubye.

2 Bene Kolinto 10:13

Ono swebo, kulilumbaisha kwesu teshi kukeendilile manyinsa amwi. Tulalilumbaisha mukati ka manyinsa a milimo iyo Lesa njaakatupa. Ncakwiila amwebo muli mumanyinsa a milimo iyo.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Efeso 4:7

Sombi womwi awomwi mulikoto lyesu wakatambula cipo ceelete kuswa kuli Klistu kweelana akuyanda kwakwe mwiine.

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

Jemusi 1:18

Mukuyanda kwakwe mwiine wakatupa buumi kwiinda mumaswi a lushinisho, ayi pakati ka shilengwa shakwe shoonse tube anga nshisepo shitaanshi.