1 Bene Kolinto 11:25 - Baibo Busansulushi Bwa Libuku Ili

²⁵ Mbweeke ubo ndibakamana kulya Mulalilo wakabwesa nkomeshi akwaamba ayi, “Nkomeshi iyi ncecipangano cipya cakwe Lesa ciyuminishikwa abulowa bwangu. Lyoonse pakunwa kamucita boobo mukunjibaluka.”

1 Bene Kolinto 11:25 ပူးပေါင်းရင်းမြစ်များ

Kulonga 24:6

Mose wakabwesa musa wa bulowa bwa bacende akububika mumbale shifongomene, bumwi bwakacaalaawo, wakabusanseela pacipaililo.

Kulonga 24:8

Lyalo Mose wakabwesa bulowa ubo bwakalinga mumbale shifongomene akubusanseela pabantu. Wakaamba ayi, “Ubu mbobulowa buyuminisha cipangano ico Mwaami Lesa ncaakapanga ndyaakamupa milawo iyi yoonse.”

Jelemiya 31:31

Mwaami Lesa waamba ayi, “Inshiku shilaakwisa, ndyeshi nkapange cipangano cipya abene Isilaeli alimwi abene Juda.

Luka 22:20

Mbweeke ubo, ndibakamana kulya mulalilo, Jesu wakapa bashikwiiya bakwe nkomeshi akubaambila ayi, “Nkomeshi iyi ncecipangano cipya cakwe Lesa ca mubulowa bwangu bweshi bukatiilwe ceebo ca ndimwe.]

1 Bene Kolinto 10:16

Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

1 Bene Kolinto 11:24

walumba Lesa, wacikomoona akwaamba ayi, “Uyu ngumubili wangu uyo waabwa ceebo ca ndimwe. Kamucita bobulya mukunjibaluka.”

2 Bene Kolinto 3:14

Ncakwiila maano abo alicalitwe ceebo kushikila sunu cisani ceenka ico cilafweka maano abo ndibabelenga Cipangano ca Kale kale. Cisani cilakushikwabo na muntu wekala muli Klistu.

2 Bene Kolinto 3:6

Lakwe ngootupa nkusu shakwaamba ayi tube basebenshi ba cipangano cipya, ico citakwe kupangwa aMilawo ilembetwe, sombi aMushimu Usalashi. Milawo ilembetwe ilaleta lufu, sombi Mushimu ulapa buumi butamaani.

Bene Ebulu 13:20

Lesa upa luumuno, uyo wakabusha Mwaami Jesu kuswa kubafu, lakwe ngoMweembeshi munene wa mbelele mukwiinga wakalibenga ayi acaikwe alimwi kwiinda mulufu lwakwe, wakabika cipangano citamaani.