1 Bene Kolinto 11:24 - Baibo Busansulushi Bwa Libuku Ili

²⁴ walumba Lesa, wacikomoona akwaamba ayi, “Uyu ngumubili wangu uyo waabwa ceebo ca ndimwe. Kamucita bobulya mukunjibaluka.”

1 Bene Kolinto 11:24 ပူးပေါင်းရင်းမြစ်များ

Kulumbaisha 111:4

Wakalengesha ayi milimo yakwe ikankamika inokwiibalukwa. Ncakwiila Mwaami Lesa ngushiluse alimwi ngushinkumbu.

Kulumbaisha 22:26

Bakandu balaakulya akukuta. Abo balambila Mwaami Lesa balaakumulumbaisha. Ncakwiila kabeendela buumi lyoonse.

Kulumbaisha 22:29

Balisumpula boonse balaakufukama pameenso akwe. Muntu woonse uboola kubulongo, ulaakufukama kunembo lyakwe. Nkokwaamba ayi uyo woonse weenga taalilamini buumi.

Kulonga 12:14

Mulyeelete kunoosekelela bushiku ubu kwaamba ayi mwiibaluke ncendacita nebo neMwaami Lesa. Mukanoosekelela amyaaka yoonse ili kunembo.”

Kulonga 28:12

Kuswawaawo ukaabike pashakupushamo ntambo paefodi kwaamba ayi akanokwiimikanina mikowa ili likumi ayobilo ya bene Isilaeli. Munshila iyo, Aloni ulaakunyamuna meenaabo pashifushi shakwe, ayi nebo neMwaami Lesa nkanoyeeyabo bantu bangu lyoonse.

Tushimpi 9:5

“Kamwisa mulye shakulya shangu akunwa waini uyo ngondakasenkanya.

Lwiimbo lwakwe Solomoni 1:4

Ndoboshe cakufwambaana tunooya! Katiya ube mwaami wangu akuntola mucipinda cako. Tulaakunoosangalala akukondwa muli ndiwe. Tulaakulumbaisha lusuno lwako kwiinda waini. Anu nceceeco bamyooye ncebakusunini!

Lwiimbo lwakwe Solomoni 5:1

Omweensuma, onabwiinga wangu, ndenjila mumuunda wangu. Ndayobolola mule atununkila kabotu tumwi mubuyani. Ndalya mpuma shangu sha buuci. Ndanwa waini amukupa wangu. Amulye nobeensuma, musangalale alimwi munwe kushikila mukolwe kulusuno!

Isaya 25:6

Pakalundu aka, Mwaami Lesa ulaakubambila bantu ba mumishobo yoonse kusekelela. Mukusekelela umo mulaakuba shakulya shiindaawo kubota alimwi awaini ubotu wiindaawo.

Isaya 26:8

Swebo tulacita kweelana akuyanda kwanu alimwi tulalangila muli ndimwe. Tulisuni kubona liina lyanu kalisumpulwa akuya mpuwo.

Mateyo 26:13

Ntoomulwiita calushinisho ayi, kuli koonse bantu nkweshi bakanooshimika Makani Abotu mucishi coonse ca panshi, balaakunokwaamba acikani ici cacita mwanakashi uyu mukumwiibaluka.”

1 Bene Kolinto 11:23

Ceebo maswi ngondakatambula kuswa kuMwaami ngoaayo anebo ngondakamulwiita. Maswi ayo ngakwaamba ayi Mwaami Jesu, mashiku ayo eenka ndyaakaabwa, wakabwesa cimaande,

1 Bene Kolinto 11:25

Mbweeke ubo ndibakamana kulya Mulalilo wakabwesa nkomeshi akwaamba ayi, “Nkomeshi iyi ncecipangano cipya cakwe Lesa ciyuminishikwa abulowa bwangu. Lyoonse pakunwa kamucita boobo mukunjibaluka.”

Joshuwa 4:7

mukanoobalwiita ayi maanshi muMulonga wa Joodani akacileka kukunka Libokoshi lya Mwaami Lesa ndilyakalinga kusubushikwa. Mabwe aya lyoonse alaakunokwiibalusha bene Isilaeli isho shakacitika.”