1 Bene Kolinto 11:16 - Baibo Busansulushi Bwa Libuku Ili

¹⁶ Ono na kuli weenga wayanda kupikishanya pacikani ici, inga ndaamba ayi swebo tatucite cimwi ncotushibite nabi cishibite bamushoonde shakwe Lesa shoonse.

1 Bene Kolinto 11:16 ပူးပေါင်းရင်းမြစ်များ

Jelemiya 32:11

Pesule, ndakakabwesa nkalata shitondesha bwiine shobilo. Nkokwaamba ayi nkalata yomwi yakalamatikwa aitakwe kulamatikwa.

Milimo ya Batumwi 21:21

Bakalwiitikwa ayi uleeisha baJuda boonse bekala mushishi sha baswamashi bakunsengwe ayi bacileeke kukonkela Milawo yakwe Mose. Bakalwiitikwa alimwi ayi ulabeeisha kucileka kupalula bana babo nabi kukonkela kwishibila kwa baJuda.

Milimo ya Batumwi 21:24

Koyaabo basankwa aba kwaamba ayi ukalisalashishe pantu pomwi ambabo kweelana akwishibila kwesu. Kuswawaawo ubalipilile shoonse shiyandika kupa kuŊanda yakwe Lesa kwaamba ayi baceswe misusu. Wacita boobo, bantu boonse balaakwishiba ayi shoonse nshebakalinga kwaamba pali ndiwe nshakubeca, sombi ayi ulakonkela Milawo yakwe Mose.

1 Bene Kolinto 11:15

sombi misusu ilaamfu kumwanakashi ilamubonesha kabotu, ceebo Lesa wakamupa misusu ilaamfu kwaamba ayi cibe cakufwala kumutwi.

1 Bene Kolinto 16:1

Ono pamakani a shipo shakucafwa bashomi bamwi, amucite bweenka mbondakalwiita shoonde sha kuGalatiya.

1 Bene Kolinto 4:5

Aboobo mutoomboloshi muntu nabi womwi kushikila Jesu Klistu akese mukoombolosha. Lakwe aakwisa ulaakuyubulula shabushishi bwa mumunshinshe alimwi ulaakubika patuba miyeeyo ya mumyoyo ya bantu. Lyalo Lesa ulaakulumbaisha muntu woonse kweelana ambwaaelete.

1 Bene Kolinto 7:17

Muntu womwi awomwi ulyeelete kwikala bweenka mbuli cipo ncaakapekwa kuswa kuli Lesa alimwi kweelana abuumi ubo Lesa mbwaakamwiitilaamo. Ili ndyelifunde ndyeempa mushoonde shoonse.

1 Bene Kolinto 9:1

Sa nshaangulukite? Sa nshishi mutumwi? Sa nshikwe kumubona Jesu Mwaami wesu? Sa te ndimwe shisepo sha mulimo ngondakasebensela Mwaami?

1 Bene Kolinto 9:6

Sa nebo aBanabasi ndiswebo sweenka sotweelete kusebensa kwaamba ayi tucane nshetutacite?

1 Bene Tesalonika 2:14

Ceebo nobamakwesu bweenka bwakapenga shoonde shakwe Lesa mucishi ca Judeya, mbweeke ubo amwebo mbomwakapenga. Bene mishaanu bakamupensha bweenka mbobakapenshekwa kubaJudanyinaabo.