1 Bene Kolinto 10:31 - Baibo Busansulushi Bwa Libuku Ili

³¹ Ono aboobo kulilabo ncemutoocita, kulya nabi kunwa, amushiciite shoonse mukupa bulemu kuli Lesa.

1 Bene Kolinto 10:31 ပူးပေါင်းရင်းမြစ်များ

Sekaliya 14:21

Mipika yoonse muJelusalemu amuJuda ilaakunoosalalite kuMwaami Lesa Shinkusu shoonse. Lyalo boonse beshi bakanoosa mukubenga milambu balaakunooisebensesha kutelekelaamo nyama ya mulambu. Ncakwiila pabushiku ubo teshi kukabewo shimakwebo muŊanda yakwe Mwaami Lesa Shinkusu shoonse.

Luka 11:41

Amupe bapengete isho shintu shili munkomeshi ambale, lyalo shoonse shintu shilaakumusalalila.

1 Bene Kolinto 7:34

Aboobo ulacata mambili. Mwanakashi uteebetwe nabi utana kwishiba musankwa ulalisukama shapali nguwe mwiine amulimo wa Mwaami ceebo ulisuni kuba muntu ushomeka mumubili amumushimu. Sombi mwanakashi weebetwe ulalisukama shintu sha buumi bwa cishi, ceebo cakuyanda kukondelesha ibaye.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Bene Kolose 3:17

Nkokwaamba ayi shoonse nshemucita nabi kwaamba, mulyeelete kushicita muliina lya Mwaami Jesu akulumba Lesa Ishiwesu kwiinda muli nguwe.

Bene Kolose 3:23

Ono coonse cintu ncemutoocita, amuciciite amoyo womwi anga mutoocitila Mwaami Jesu, kuteshi bantu.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.