1 Bene Kolinto 10:22 - Baibo Busansulushi Bwa Libuku Ili

²² Sa tutooyanda kukalasha Mwaami? Nabi sa tulicite nkusu kwiinda nguwe?

1 Bene Kolinto 10:22 ပူးပေါင်းရင်းမြစ်များ

1 Baami 14:22

Bene Juda bakabishisha Mwaami Lesa akusonkomona bukali bwakwe kwiinda bwakacita bamashali babo bakulukulu.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulumbaisha 78:58

Bakakalasha Lesa ceebo ca misena yakulambililaamo balesa ba baswamashi. Bakamulengesha kufutatika moyo ceebo ca shibumbwabumbwa shabo.

Kulonga 20:5

Utafukamini cibumbwabumbwa cili coonse nabi kucilambila, mukwiinga nebo neMwaami Lesa, Lesa wanu, ndi shibusuba. Ndapa mulandu bantu abo bampatite, alimwi akubamulunyungu lwabo kushikila akulishalane lyatatu alyane.

Kulonga 34:14

“Tamweelete kulambila lesa umwi, ceebo nebo neMwaami Lesa, ndishibusuba.

Shikushimikila 6:10

Ico coonse ciliiwo cakaambwabo kalekale ayi cibeewo. Swebo sobantu tulishi mbotubete, sombi taaku muntu ukonsha kupikisha wooyo umwiinda nkusu.

Isaya 45:9

Mapensho kumuntu upikishanya awooyo wakamubumba ceebo lakwe ulibo anga cikaye ca nongo pakati ka shimwi shoonse. Ono sa bulongo inga bwaambila shikubumba ayi, “Anu utoobumbanshi?” Sa nongo inga yamwaambila ayi, “Toocitewo buuya?”

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Jelemiya 7:19

Sa batookalasha ndime? Sa tabatooliletelabo mapensho beene alimwi akulilensha nsoni?

Esekelo 22:14

Sa ulaakunoocicite nkusu nabi kuba ankusu shakusebensesha maansaako bushiku mbweshi nkakulwaane? Nebo neMwaami Lesa ndaamba alimwi ndaakucicita.

Sefaniya 1:18

Silifa nabi golodi wabo teshi shikabafuneewo pabushiku ubo Mwaami Lesa ndyeshi akatondeshe bukali bwakwe. Mubukali bwakwe butenta anga ngumulilo cishi ca panshi cilaakunyonyoolwa coonse. Ulaakucinyonyoola cakufwambaana abantu boonse bekalaamo.

Dutolonomi 32:16

Bakakalasha Mwaami Lesa ceebo cakulambila balesa bamwi, wakabakalalila ceebo ca shibumbwabumbwa shabo shimulensha bunya.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.

Dutolonomi 4:24

Mukwiinga Mwaami Lesa, Lesa wanu ngumukali anga ngumulilo utoobilima. Ngushibusuba kubaabo balambila balesa bamwi.

Dutolonomi 6:15

Na mukalambile balesa bamwi, bukali bwa Mwaami Lesa bulaakwisa pali ndimwe mbuli mulilo akumunyonyoola noonse cakumaninina mukwiinga Mwaami Lesa, Lesa wanu uyo ngomuli akwe ngushibusuba kubaabo balambila balesa bamwi.

Bene Ebulu 10:31

Ncintu ciloondesha abuumbi kulokela mumaansaakwe Lesa muumi!

Joshuwa 24:19

Mpomunyaawo Joshuwa wakaambila bantu ayi, “Mpashi kusebensela Mwaami Lesa cikamuyumine. Mukwiinga lakwe nguLesa usalalite, ucite busuba, aboobo teshi akalekelele bwaashu bwanu alimwi ashibiibi shanu.