1 Bene Kolinto 10:20 - Baibo Busansulushi Bwa Libuku Ili

²⁰ Sobwe, sombi ntokwaamba ayi shipo shipekwa pashipaililo sha bakunsengwe shilapekwa kubashikaswa kuteshi kuli Lesa. Ono nebo nshisuni kwaamba ayi mwebo munoocatana abashikaswa.

1 Bene Kolinto 10:20 ပူးပေါင်းရင်းမြစ်များ

2 Makani 11:15

Jeloboamu wakasala bapailishi bakwe mwiine ayi banoosebensela pamisena yakulambililaako ya patulundu apa shibumbwabumbwa sha mpongo asha mucende mwaana isho nshaakabumba.

Bene Lefi 17:7

Anu bene Isilaeli tabeelete kutolelela kutashomeka kuli ndime neMwaami Lesa kwiinda mukucaya banyama babo muluundu ayi njimilambu kushibumbwabumbwa shili anga nimpongo. Balyeelete kunoolama mulawo uyu.

Mateyo 4:9

akumwaambila ayi, “Inga ndakupa malelo oonse aya na wafukama akunambila.”

2 Bene Kolinto 4:4

Bantu abo tabashomi ceebo Satana uyo uli anga ngulesa pacishi ca panshi, wabika maano abo mumunshinshe. Ulabakasha kubona mumuni utoomunika pali mbabo, uyo mumuni uswa muMakani Abotu aamba shabulemu bwakwe Klistu. Klistu ngootondesha Lesa mbwaabete.

Bene Galatiya 4:8

Kale kale Lesa temwakalinga kumwishiiwo, aboobo mwakalinga kusebensela shintu shitabete Lesa.

Ciyubululo 2:14

“ ‘Sombi ndicite matongooshi amwi pali ndiwe ceebo mulikoto lyanu muli bamwi bakonkela kwiisha kwakwe Balamu. Lakwe wakeeisha Balaki bwakulengesha bene Isilaeli kubisha kwiinda mukubanyengelela ayi balye shakulya shakabengwa kushibumbwabumbwa alimwi akucita bufuule.

Ciyubululo 2:20

Sombi ndicite litongooshi pali ndiwe ceebo mwanakashi uyo Jesebelo, ulibanda ayi ngumulaluki wakwe Lesa, ulamulangabo. Kwiinda mukwiisha kwakwe, ulabalengesha kubisha ndyaabanyengelela ayi banoocita bufuule akulya shakulya shakabengwa kushibumbwabumbwa.

Ciyubululo 9:20

Ono bantu boonse abo bakacaala, abo batakwe kucaikwa amyaalu yotatwe iyi, tabakwe kusanduka kuswa kushintu isho nshebakalipangila beene. Tabakwe kucileka kulambila bashikaswa, shibumbwabumbwa sha golodi, sha silifa, sha bulonse, sha mabwe alimwi asha shisamu. Shintu ishi tashiboni, kunyumfwa nabi kweenda.