1 Bene Kolinto 10:16 - Baibo Busansulushi Bwa Libuku Ili

¹⁶ Sa te nditunwita munkomeshi iyo njetulumba kuli Lesa, tulabaana bulowa bwakwe Klistu? Nditulya shinkwa uyo ngotukomoona, sa te tulabaana mubili wakwe Klistu?

1 Bene Kolinto 10:16 ပူးပေါင်းရင်းမြစ်များ

Luka 22:17

Mpomunyaawo Jesu wakabwesa nkomeshi, walumba Lesa, mpeeke wabaambila ayi, “Amutambule munweemo noonse,

Milimo ya Batumwi 2:42

Ciindi coonse bantu aba bakalinga kubungana pantu pomwi ayi batumwi babeeishe. Bakalinga kwikala mubwanabwankashi akulita pantu pomwi alimwi akupaila.

Milimo ya Batumwi 2:46

Bushiku abushiku bakalinga kubungana amoyo womwi muŊanda yakwe Lesa akulita pantu pomwi mumaandaabo amyoyo yakusangalala akuliceesha.

Milimo ya Batumwi 20:11

Kuswawaawo, Paulo wakaboolela alimwi mucipinda ca peculu. Wakakomona shinkwa akulya abashomi boonse abo bakalingaawo. Wakabandikaabo ciindi cilaamfu. Wakaswaako lisuba kalili pafwaafwi kuswa.

Milimo ya Batumwi 20:7

Ono pabushiku butaanshi bwa nsondo, nditwakabungana akulya mulalilo wa Mwaami, Paulo wakatalika kubashimikila Makani Abotu. Wakatolelela kushimikila kushikila pakati ka mashiku mukwiinga wakalinga kusuni kuswaako macuunsa.

1 Bene Kolinto 1:9

Lesa uyo wakamwiita ayi mube mubwanabwankashi aMwanaakwe Jesu Klistu Mwaami wesu, ulashomeka.

1 Bene Kolinto 10:15

Ntoomwaambila mbuli mbotwaambila basongo, amuyeeyeshe makani ngondamulwiita.

1 Bene Kolinto 12:13

Mbweeke ubo, swebo soonse, baJuda nabi baswamashi bakunsengwe, basha nabi baangulukite, twakabombekwa muMushimu womwi kwaamba ayi tube mubili womwi alimwi soonse twakatambula Mushimu womwi mumyoyo.

Bene Ebulu 3:14

Mukwiinga soonse tulasebensela pantu pomwi aKlistu kulilabo na twatolelela mulushomo ndotwakatalikaalo kushikila akumeelelesho a buumi bwesu.

1 Joni 1:3

Ico ncetwakabona akunyumfwa ncetutoomushimikila kwaamba ayi mwebo alimwi aswebo tusenkane mubwanabwankashi bwakwe Lesa alimwi aMwanaakwe Jesu Klistu.

1 Joni 1:7

Sombi na katweenda mumumuni, bweenka mbuli mbwaali mumuni lakwe, nkokwaamba ayi tulekala mubwanabwankashi alimwi bulowa bwakwe Jesu Mwanaakwe, bulatusalasha kuswa kushibiibi shoonse.