1 Bene Kolinto 10:11 - Baibo Busansulushi Bwa Libuku Ili

¹¹ Shoonse shintu ishi shakacitika kuli mbabo kwaamba ayi shibe shitondesho kubantu bamwi. Shakalembwa alimwi kwaamba ayi shitucenjeshe sotushiite muciindi cino meelelesho a cishi ca panshi ndyaali pafwaafwi.

1 Bene Kolinto 10:11 ပူးပေါင်းရင်းမြစ်များ

Matalikilo 19:35

Aboobo bakanwisha waini ishiwabo mashiku ayo aalo. Mpeeke alakwe mwanikebantu wakaya wakumanaabo. Alimwi tabakwe kwishiba cakacitika.

Kulumbaisha 102:18

Ono ishi ashilembelwe lishalane licisa, kwaamba ayi abo batana kushalwa abalo bakalumbaishe Mwaami Lesa.

Esekelo 5:15

Ncakwiila ndaakumulengesha kuba cintu ceelete kucobolwa akucelebulwa. Mulaakuba cintu cakucenjesheshaako alimwi cintu ciloondesha kumishobo imushingulukite. Ishi shilaakucitika bushiku ndaakumupa mulandu mubukali bwangu, ee, mubukali buyoosha alimwi amukumukalalila cankusu. Nebo neMwaami Lesa ndaamba.

Mateyo 13:39

Ono mulwani wakashanga misonde nguMubiibi. Sombi ciindi ca kutebula ngamamanino a cishi ca panshi alimwi beshikutebula mbaanjelo.

Mateyo 13:40

Bweenka mbuli nsaku ya misonde mboibunganishikwa akutentwa mumulilo, akumamanino a cishi ca panshi bweenka ubo mbweshi kukabe.

Bene Loma 13:11

Aboobo mulyeelete kucita sheeshi mukwiinga mulishi kwaamba ayi ciindi cakubuka kuswa mutulo cashikila. Ncakwiila bushiku Lesa ndyeshi akatupulushe bwasenena kwiinda nditwakashomabo.

Bene Loma 13:12

Ciindi ca mashiku camana butooyanda kuca. Ono atucileeke kucita shamumunshinshe, sombi tubwese shakulwanisha sha mumumuni.

Bene Loma 15:4

Mukwiinga shoonse shili muMalembo akwe Lesa, shilatwiisha ayi tunoolangila kwiinda mukukalika myoyo alimwi akuyuminishikwa kuswa muMalembo.

Bene Loma 4:23

Maswi aya aamba ayi, “Lesa wakamubona ayi uliluleme,” taambi shapali Abulaamu eenka.

1 Bene Kolinto 10:6

Ono shintu shoonse ishi nshitondesho kuli ndiswe shakutucenjesha kwaamba ayi tutasuni shintu shibiibi mbuli mbobakacita balo.

1 Bene Kolinto 7:29

Ncentoomulwiita, nobamakwesu, ncakwaamba ayi ciindi camana. Bulya beebete balyeelete kwikala anga tabeebeteewo.

1 Bene Kolinto 9:10

Sa te wakaamba boobo bunene bunene ceebo ca ndiswe? Ishi shintu ncakwiila shakalembelwa ndiswe ceebo mulimi alimwi ashikutebula balasebensa mukwishiba ayi balaakutambulako shishango isho.

Bene Galatiya 4:24

Makani aya ali anga ncikoshanyo. Banakashi bobilo aba baleemikanina shipangano shobilo. Umwi ulaswa kuKalundu ka Sinayi, nkokwaamba ayi nguAga alimwi bana bakwe mbasha.

Bene Filipi 4:5

Amutondeshe buumi bwakulibombya kubantu boonse ceebo Mwaami Jesu uli pafwaafwi kwisa.

Bene Ebulu 10:25

Anu tutacileeki kwishibila kwesu kwakubungana pantu pomwi, mbuli butoocita bamwi. Sombi twiindilisheewo kuyuminishanya, mukwiinga twaboona ayi Bushiku bwakwisa kwa Mwaami Jesu bwasenena.

Bene Ebulu 10:37

Kweelana abwaamba Malembo akwe Lesa ayi, “Kwacaalabo ciindi ciniinibo kwaamba ayi uyo weelete kwisa ashike, teshi acelweewo, tau.

1 Joni 2:18

Nobana bangu, cino nciindi camamanino! Mwakalwiitwa kwaamba ayi Mulwani wakwe Klistu ulaakwisa. Sombi ono balwani baanji bakwe Klistu baboneka kale, aboobo tuleshiba ayi cino nceciindi camamanino.