1 Bene Kolinto 10:1 - Baibo Busansulushi Bwa Libuku Ili

¹ Nobamakwesu ndisuni kwaamba ayi mwiibaluke shakacitikila bamashali besu bakulukulu. Boonse bakafunwa alikumbi alimwi boonse bakasubuka Lweenge Lusalala.

1 Bene Kolinto 10:1 ပူးပေါင်းရင်းမြစ်များ

Neyemiya 9:19

Sombi tamukwe kubafutatila muluyanga umo ceebo nkumbu shanu shilakankamika abuumbi. Likumbi talikwe kucileka kubatanjilila munshila yabo malumwi nabi mulilo mashiku kucileka kumunikila nshila njebeelete kutola.

Kulumbaisha 105:39

Mwaami Lesa wakabika likumbi kwaamba ayi lifwekelele bantu bakwe. Wakabika mulilo kwaamba ayi unoobamunikila mashiku.

Kulumbaisha 66:6

Wakaalula lweenge lwaba inshi iyumu. Bamashali besu bakulukulu bakasubuka mulonga amyeendobo. Paceebo ceeco tulasangalala abuumbi muli nguwe pacikani ico.

Kulumbaisha 78:53

Wakabatanjilila kabotu cakwaamba ayi boowa bwakamana, sombi balwani babo lweenge lwakesa lwabafwekelesha boonse.

Kulonga 14:29

Sombi bene Isilaeli bakasubuka lweenge kabeenda payumubo nta, amaanshi kaaimikenebo mweela anga ndubumbu lwa ŋanda.

Kulonga 40:34

Mpeeke likumbi lyakafwekelesha Tente ya Cipangano akwiisusha bulemu bwa Mwaami Lesa.

Shakubelenga 14:14

balaakulwiita bantu bekala mucishi ici. Bantu aba banyumfwa kale ayi mwebo noBaami baLesa, muli aswebo. Mulaboneka patuba na likumbi lyanu lyeemikana peculu lyesu, alimwi ayi mulatutanjilila mulicincilo lya likumbi ciindi ca malumwi, amulicincilo lya mulilo ciindi ca mashiku.

Shakubelenga 33:8

Lyalo kuPi Ailoti bakaswaako akwiinda muLweenge Lusalala kuya muluyanga lwa Shuli. Ndibakeenda kwanshiku shotatwe bakayakila misumba kuMala.

Joni 4:20

Bamashali besu bakalinga kulambila Lesa pakalundu aka, sombi mwebo nobaJuda mulaamba ayi nkotweelete kulambilila nkuJelusalemu kweenka.”

Bene Loma 1:13

Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Bene Loma 11:21

Ono na Lesa taakwe kulekabo bene Isilaeli, abo bali anga njimisampi iineiine, sa mutooyeeya ayi inga wamulekabo mwebo?

Bene Loma 4:11

Pesule Abulaamu wakapalulwa ayi cibe cishibilo cakutondesha ayi Lesa wakamululamika ceebo ca lushomo lwakwe. Aboobo Abulaamu ngoishiwabo boonse abo bashoma muli Jesu. Paceebo ceeci Lesa ulabalulamika nabi tabana kupalulwa.

1 Bene Kolinto 12:1

Ono nobamakwesu, pacikani ca shipo sha Mushimu Usalashi, ntooyanda ayi mwishishibishe.

1 Bene Kolinto 14:38

Ono na washisuula, Lesa alakwe ulaakumusuula.

Bene Galatiya 3:29

Na muli bakwe Klistu, nkokwaamba ayi muli bamulunyungu lwakwe Abulaamu, beelete kutambula sheesho Lesa nshaakashomesha.

Dutolonomi 1:33

Wakamutanjilila mulweendo lwanu mulicincilo lya mulilo mashiku alimwi mulicincilo malumwi. Wakalinga kumuyandweeta misena yakuyakawo misumba akumutondesha nshila njemweelete kwiinda.

Bene Ebulu 11:29

Ndushomo lwakalengesha ayi bene Isilaeli basubuke Lweenge Lusalala kabalyatabo payumu, anga temwakalinga maanshi. Sombi bene Ijipiti ndibakeelesha kusubuka, maanshi akabalobya boonse.

Joshuwa 4:23

Mukanoobasansulwita ayi Mwaami Lesa, Lesa wanu wakayumya Mulonga wa Joodani kunembo lyanu kushikila mwasubuka. Wakacita bweenka mbwaakayumya Lweenge Lusalala ayi tusubuke.