1 Bene Kolinto 1:27 - Baibo Busansulushi Bwa Libuku Ili

²⁷ Sombi Lesa wakasala shintu bantu nshebayeeya ayi nshabuluya kwaamba ayi shilenshe nsoni basongo alimwi akusala sheesho shiboneka ayi shililefukite kwaamba ayi shilenshe nsoni abo bacite nkusu.

1 Bene Kolinto 1:27 ပူးပေါင်းရင်းမြစ်များ

Kulumbaisha 8:2

Mwakasuminisha baana baniini abakateta ayi bamulumbaishe ceebo ca balwani banu ayi muumushe bamupatite ashikuboosha cishole.

Isaya 29:14

Paceebo ceeco bantu aba ndaakubakankamika alimwi. Balaakubona shaankamiko peculu lya shaankamiko. Ndaakumana busongo bwa basongo, alimwi ndaakulobya maano a bantu bacenjete.”

Isaya 29:19

Ncakwiila bantu balibombya balaakusangalala alimwi muMwaami Lesa. Ee, bakandu balaakusangalala muWooyo Usalalite wa bene Isilaeli.

Isaya 44:25

Ndime Lesa uyo ulubaanya bulaluki bwa balaluki babeshi akulengesha bamukamwaami kuboneka buluya. Ndime Lesa uyo ukoma lushibo lwa basongo akululengesha kuba buluya.

Jelemiya 8:9

Basongo banu balaakulenshekwa nsoni. Balaakulenshekwa buumba akucatwa. Abo bakakaka maswi a Mwaami Lesa, ino mbusongonshi mbobacite?

Sefaniya 3:12

Ndaakushiyamobo beshikulibombya abeshikuliceesha mundabala yanu, ee, bantu abo bacinkite manungo muliina lyangu nebo neMwaami Lesa.

Shakubelenga 22:30

Ayalo mbongolo yakamwiipusha ayi, “Sa nebo teshi ndime mbongolo iyo njemutantaawo mubuumi bwanu boonse? Sa ndakacitawo kale camushobo wooyu kuli ndimwe?” Lyalo Balaamu wakakumbula ayi, “Sobwe.”

Mateyo 11:25

Paciindi ceenka ico Jesu wakapaila ayi, “Ndamulumba Ta, noBaami ba kwiculu acishi ca panshi mukwiinga mwayubulwita bantu bateeite shintu nshemwakashisa kubantu basongo abeeite.

Mateyo 21:16

Bakeepusha Jesu ayi, “Sa utoonyumfwa mbobatokwaamba banike aba?” Lakwe wakabakumbula ayi, “Ee, ndanyumfwa. Ono sa tamuna kubelengawo kale Malembo akwe Lesa akwaamba ayi, ‘Lesa wakabambila limwi ayi baana baniini alimwi abakateta bamulumbaishe.’ ”

Mateyo 9:9

Jesu ndyaakaswaako uko, wakabona musankwa umwi wiitwa ayi Mateyo kaashiite mukaanda ka musonko. Mpeeke Jesu wakamwaambila ayi, “Nkonkele!” Alakwe wakanyamuka, wamukonkela.

Luka 21:15

mukwiinga ndaakumupa maswi a busongo bwakwaamba ayi taaku mulwani wanu eshi akacikoonshe kwaakaka nabi kupikisha.

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Milimo ya Batumwi 7:35

“Uyu ngoMose ngubakakaka bene Isilaeli ndibakeepusha ayi, ‘Wakakusala ayi ube mutanjilili wesu alimwi ashikutoombolosha ngani?’ Ngowooyo Lesa ngwaakatuma ayi abe mutanjilili amupulushi, kwiinda mumunjelo uyo wakaboneka kuli nguwe mucikupu cakalinga kunyaka.

Milimo ya Batumwi 7:54

Ono beendeleshi ba nkuta ndibakanyumfwa maswi akaamba Sitifini, bakakalala abuumbi, kababimbabo.

1 Bene Kolinto 1:20

Ino ono uliimfwi pali musongo? Ino uliimfwi pali muntu wiite? Ino uliimfwi pali shikupikishanya sha mucishi ca panshi? Mukwiinga Lesa watondesha kale ayi busongo bwa bantu taaku mbobubete.

1 Bene Kolinto 1:21

Ceebo Lesa mubusongo bwakwe mwiine wakalengesha kwaamba ayi bantu baalilwe kumwishiba kwiinda mubusongo bwabo. Sombi kwiinda mumakani ngotushimikila ayo bantu ngobabona ayi taaku mbwaabete, Lesa cakamukonda ayi apulushe bashoma kwiinda muli ngawo.

1 Bene Kolinto 2:12

Swebo tatukwe kutambula mushimu wa buntu, sombi twakatambula Mushimu uswa kuli Lesa kwaamba ayi twishibe shipo isho Lesa nshaakatupa.

2 Bene Kolinto 10:10

Ceebo umwi inga waamba ayi, “Makalata ngaaleemba Paulo alicite bulemu alimwi ankusu. Sombi ndyaaba aswebo ulaboneka anga ngumubombu alimwi kwaamba kwakwe nkuubu.”

2 Bene Kolinto 4:7

Sombi swebo tuli anga ninongo mubikitwe bubile, kwaamba ayi cishibikwe ayi nkusu shiindaawo nshetucite tashishi shesu sobeene, sombi nshakwe Lesa.

Jemusi 2:5

Amukutike nobamakwesu basunikwi, Lesa wakasala baboneka ayi mbakandu mucishi ca panshi ayi bakabe babile mulushomo akwinjila muBweene bwakwe Lesa ubo mbwaakashomesha baabo bamusuni.