1 Bene Kolinto 1:10 - Baibo Busansulushi Bwa Libuku Ili

¹⁰ Ono ndamusenga nobamakwesu muliina lya Mwaami wesu Jesu Klistu ayi kamusuminishana mushintu nshemwaamba, patabi kulipatula pakati kanu. Sombi munoonyumfwana camoyo womwi amuyeeyo womwi.

1 Bene Kolinto 1:10 ပူးပေါင်းရင်းမြစ်များ

Kulumbaisha 133:1

Buumi ubu mbubotu abuumbi alimwi bulakondelesha. Ee, buumi bwa bantu bakwe Lesa bwakwikala mubwanabwankashi!

Jelemiya 32:39

Kuswawaawo ndaakubapa cintu comwi cakucita mubuumi bwabo. Cintu ico nkundemeka ciindi coonse kwaamba ayi shintu shikabeendele kabotu, balo abamulunyungu lwabo.

Mateyo 9:16

“Taaku muntu utunga cimami ca nsalu ipya pacakufwala cikulukulu. Ceebo cimami ico mukukokonyana, nsalu ikulukulu ilakwamuka. Aboobo cilyango cilakomenenaako.

Maako 2:21

“Taaku muntu utunga cimami ca nsalu ipya pacakufwala cikulukulu. Ceebo cimami cipya mukukokonyana, nsalu ikulukulu ilakwamuka mweenka mwakeela cimami. Aboobo cilyango cilakomenenaako.

Maako 3:24

Na cishi calyaabanya mushipansha akutalika kulwana shiine, cishi ico cilawa.

Joni 10:19

Ceebo ca maswi aya baJuda bakapansaana alimwi.

Joni 17:23

Nkokwaamba ayi nebo mbe muli mbabo, amwebo muli ndime. Ababe womwi cancinencine kwaamba ayi bantu boonse bakeshibe ayi ndimwe mwakantuma alimwi ayi mwakabasuna bweenka mbomwakansuna anebo.

Joni 7:43

Paceebo ceeco bantu bakapansaana ceebo cakwe Jesu.

Joni 9:16

BaFalisi bamwi bakaamba ayi, “Uyo muntu wacita ceeci taaswi muli Lesa mukwiinga taakonkeli mulawo wa bushiku bwakookesha bwa Cibelu.” Sombi bamwi bakaamba ayi, “Ino ono mucita shibi inga wacikonsha buyani kucita shaankamiko mbuli sheeshi?” Aboobo bakapansaana beene abeene.

Milimo ya Batumwi 4:32

Likoto lyoonse lya bashomi lyakalinga kucitebo moyo womwi amuyeeyo womwi. Tekwakalinga muntu wakalinga kwaamba ayi cintu ncaacite ncaakwe mwiine, sobwe, sombi lyoonse wakalinga kutola shoonse nshaacite kulikoto.

Bene Loma 1:13

Nobamakwesu, ndisuni kwaamba ayi mwishibe ayi aba mankanda aanji kaanjeya kwisa mukumubona, sombi cakaala. Ndisuni kwaamba ayi bantu bakashome muli Jesu mbuli mbondakacita pabaswamashi bakunsengwe bamwi.

Bene Loma 12:1

Ono nobamakwesu ceebo Lesa wakatunyumfwila nkumbu abuumbi, ndamusenga kwaamba ayi mulibeenge amyoyo yanu yoonse ayi mube mulambu uumi kuli Lesa, usalalite alimwi umusangalasha. Iyi njenshila yancinencine yakulambililaamo Lesa.

Bene Loma 12:16

Kamunyumfwana abantu boonse alimwi mutanoolisumpula, sombi mulyeelete kunoosebensela bamwi. Mutalibiki pabusongo.

Bene Loma 15:30

Ceebo ca lushomo ndotucite muMwaami Jesu Klistu alimwi aceebo ca lusuno lwakatupa Mushimu Usalashi, ndamusenga ayi munoompaililako cankusu kuli Lesa bweenka mboontoopaila.

Bene Loma 16:17

Ndamusenga nobamakwesu ayi mucenjele abantu abo bapansaanya babyaabo akulengesha ayi babishe. Balo baleeisha shipusene asheesho nshemwakeeya. Amubatalamuke!

1 Bene Kolinto 1:11

Ceebo bamwi bamuŋanda yakwe Kuloyi bakandwiita ayi pali kutanyumfwana pakati kanu.

1 Bene Kolinto 11:18

Kutaanguna ndakanyumfwa kwaamba ayi ndimubungana mushoonde shanu mulasalululana. Anebo ndasumina ayi cikani ici ncalushinisho paniini.

1 Bene Kolinto 12:25

Cakaba boobo kwaamba ayi kutabi kupansaana mumubili, sombi kwaamba ayi shipansha shoonse shinoocafwana.

1 Bene Kolinto 3:3

Mwebo mucicita shintu shakunsengwe. Ceebo na kapacili munyono akwaambana pakati kanu, sa ingayi ubo tamubete mbuli bakunsengwe?

1 Bene Kolinto 4:16

Aboobo ndamusenga kwaamba ayi mukonkele nsheencita.

2 Bene Kolinto 10:1

Nebo nePaulo, ntooyanda kumusenga ono. Bantu balaamba ayi na kaandi amwebo ndalibombya, sombi na nkaantabete amwebo ndamukalalila. Kwiinda mukulibombya ankuumbu shakwe Klistu ntoomusenga ayi

2 Bene Kolinto 13:11

Ono nobamakwesu, amucaale kabotu. Amululamike buumi bwanu, mukutike milasho yangu. Kamunyumfwana, mwikale muluumuno. Lyalo Lesa shilusuno aluumuno ulaakuba amwebo.

2 Bene Kolinto 13:9

Swebo tulasangalala kwaamba ayi tulilefukite, mwebo muli bayumu. Aboobo ncetupailila nkwaamba ayi mukaswitilile kabotu.

2 Bene Kolinto 5:20

Mbulya ono, tutokwiimikanina Klistu. Nceceeco Lesa utoosengesha bantu boonse kwiinda muli ndiswe. Aboobo twamusenga muliina lyakwe Jesu kwaamba ayi mube beshicibusa bakwe Lesa.

2 Bene Kolinto 6:1

Kweelana ambotusebensela pantu pomwi aLesa, twamusenga kwaamba ayi nomwakatambula shoolwe sha luse lwakwe Lesa mutakashinyonyoolibo.

Bene Galatiya 4:12

Nobamakwesu, ndamusenga ayi mube mbuli ndime mukwiinga anebo ndaba mbuli ndimwe. Tamukwe kumbishishaawo.

Bene Filipi 1:27

Ono cinene ncakwaamba ayi bwikaalo bwanu bulyeelete kweendelana aMakani Abotu ayo aamba shakwe Klistu. Nabi ndesa mukumubona nabi ndabuula kwisa, ndyeelete kunyumfwa ayi mulimfwibo cakutatenkaana camuyeeyo womwi alimwi ayi mulacafwana kwiimikanina lushomo ndomucite muMakani Abotu.

Bene Filipi 3:16

Aboobo nabi caba buyani, atwikale kweelana aciimo ca lushomo lwesu ici ncetwashikaamo.

1 Bene Tesalonika 5:13

Amubatondeshe bulemu buunji alusuno ceebo ca mulimo wabo. Amwikale muluumuno lyoonse.

2 Bene Tesalonika 2:1

Ono nobamakwesu, pamakani akwisa kwa Mwaami wesu Jesu Klistu ashakubunganishikwa kwaamba ayi tumutambule, ndamusenga ayi

1 Timoti 5:21

Ndakusenga cankusu, pameenso akwe Lesa, Klistu Jesu alimwi abaanjelo basalitwe, kwaamba ayi ukonkele milasho yoonse iyi cakutasalulula alimwi mushintu shoonse nshoocita tooelete kusuula umwi.

2 Timoti 4:1

Pameenso akwe Lesa aKlistu Jesu, uyo eshi akoomboloshe boomi abafu alimwi ceebo cakwaamba ayi ulaakwisa mubwaami, ntoosenga cankusu ayi

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

1 Pita 2:11

Nomusunikwi, ntoomusenga cankusu, mbuli beensu bapalangene mucishi ca panshi, amuswe kulunkumbwa lwa mubili ulo lulwana amuuya wanu.

1 Pita 5:10

Pakumana kupenshekwa kwaciindi ciniini, Lesa shiluse loonse, uyo wakamwiita ayi kwiinda muli Klistu mukatambule bulemu bwakwe butamaani, ulaakumubotesha cakumaninina mumushimu. Ulaakumuyumya mulushomo, kumupa nkusu alimwi akumubika palwiimbi luyumu.