Taetasi 2:3 - Godido Vua Maeje

³ Ro kuke ni bara maki ije kuariaga buka bara akae igege kenoedufuo. Ro bube va kairafa guena karina una kairafa guebuo vua kuaekinu ro do kugi inoejo. Ro bunika vame ma ijiaru kenoekinu bara nikaki ije nijasianoedufuo.

Taetasi 2:3 ပူးပေါင်းရင်းမြစ်များ

Romeni 1:29

Bu ijiege revo ijadufuo nigofo buone buka ire ise boeje renoekuae vierafei. Bu ire ise e kairafa ijiebuo sinuome giana oetuakinu ro vajae surive ijadufuo ire ise ije ireobo vierafevo. Ro kuke bu e bino be ire gue revone buka giana mauike buesina kuaekinu ro e kaniavo. Ro buka e gue ziegafiakinu vua kufui kuaekinu ire ka ma ise ije renoekuae vierafevo. Ro kuke bu kairafa buone ijene madiakinuro Godi buka ijuonevo. Ro kuke buka kairafa gue kiavo jaeje jaka ise renoevono kiakinu buka aroekarana ive buone kame ajiavo. Ro maza boeje buka ire ise iviaeko bino rekuae vierafekinuro orafa buone iriniavo baki. Ro vierafe buone fuka ma ise ijiaru ro kuke bu Godido akae boeje buka ma vierafena ijia kenoevo baki. Ro bu kairafa buone bu mukoreigia oetuakinu ro kuke giana buone oefiane abevo baki.

Romeni 16:2

Na bara ijadufuo kuariaga ja vierafekina fu ijia vuakuma ja fu oemarekinu E Ireobo ijadufuo e igege mesirike. Ro na vierafe ja ire boeje fu vierafedufuo ije jaka oemarekinu ifejake. Ijadufuo maeje bara ije fuka e boeje Jesu ma vierafevo ije ifejiakinu na mukoreigia ifejiemo.

Ifisiani 5:3

Ro jaeje jane Godido e rei ijadufuo jade uri siroe igege rena barubara fudaenaminoejo. Ro kuke jade uri sinuome ro moni josukua iraraena kekinu ro vua ise binobino kuaenoejo. Ijadufuo maeje ire ise ijieki ije Godido e akae ije bube ijiege renoeke.

1 Timoti 3:11

Ro kuke fuka e be fu bara fuone ijiaki mukoreigia finoeno ije abedufuo. Ro bara fuone fu naebe e bino buesina kuaenoeno ro fuka korufuo mukoe samuanamikinu maza boeje ijuoebaki imenoeno.

1 Timoti 3:8

Ro kuke igia fie, ja e gue kega bu sosi guove ijia imekuva ni e ije bu vua ma ijiaru kuaenoekinu ro vame maeje kenoeko e bu giana aguariavo ijia kedufuo. Ro e ije bube do kugi uruvana ikinu ro moni uruvana oetuana kekuae vierafeke.

1 Timoti 5:23

Ro do gaeki ijiaru ade ino ro nika do vuaeni isekube iga fu devatua one ije ifejane. Ro kuke fu adame one a maza boeje abeno ije ifejane.

Taetasi 1:7

Ro vierafe e ije fu Godido i ije samuakuveno ijadufuo fube ise bino renoeke. Ro fude vierafero fuka e ireoboro aroekaramo. Ro kuke e ije fuka naebe migegire ziekinu ro do kugi ino ro bijaenoekinu ro ire uruvana fuosukua kekiro vierafemo.

Taetasi 2:4

Bu ijiege rekina bure urina bara ije iviama baru maniavo ije nijasiana kuariaga bu barurafa buone ijiakina anafa buone ije mukoreigia oetuana samuagiake.

Iburu 5:12

Ja Godi janeka isuibe ma vierafena ruae ijadufuo iviama ja una e gue nijasiadufuo rove jaka naebe mani. Jaeje jaka ame isesina ije bu muije ivo ijieki. Ijadufuo ja uria mamoedo e bino buka una vua maeje soegi ije ja nijasiadufuo.

Revaresoni 2:20

Rove na ise jone be nijasiako ni fiefo. Ja bara Jezebero irere fu vierafena nijasiamo ije ja kuriaerevo baki. Fu kia fu Godido vua e nijasianoeno kiana fu e none ije kaenamiana una vame ise ijia nijasiame. Fu nijasiana kia fune maremano kiaga bu barubara fudaenamikinu fanu bu kavene ise ije zinone ifaejiavo ije inoeve.