Taetasi 1:9 - Godido Vua Maeje

⁹ Ro fuka e be fu Godido vua maeje no nijasiavo ije giriesana uti faradiamo. A e ijieki ije abekuma fure e gue ifejiaga bu giriesana ma vierafeke. Ro kuke fure e ije eranebe bu vame ma ije ijuonena una e ije vua maeje abe kuaenoevo ijena nigaraenoejo ijiebuo ise ije furana e boeje kuariake.

Taetasi 1:9 ပူးပေါင်းရင်းမြစ်များ

1 Koriniti 14:24

Ro ja Godido vua ije sosi jone ijia isama jone ijia kuaevo ije e be fu Godi naebe ma vierafemo fu vua irere ja kuaevo ije fiekuma fuka mukoe vierafedufuo. Areme fu uri kuaeko, Nanaka e ise uruvana renoejo ijadufuo nane vame ije isejavaedufuo ijia manivono kuaeke.

1 Tesaroniasi 5:21

Ro ire boeje binobino e bu renoevo ije mukoreigia giama areme ni ire ma ijiaru renoekiro ire ise ije giana akariafo.

2 Tesaroniasi 2:15

Ijadufuo erafano jade mamoekiro ka uri giriesa vua maeje no abe itire kuariakinu fasi ijia isoena kuariaeva ije dabe mukoreigia uti faradiana karivafo.

1 Timoti 1:10

Ro akae ije fu kuke e ije bu barubara fudaenamina ise revo ro e fari una fari guena fudaenamivo ijiebuo nijae. Ro kuke fu e ije bu e gue mauike tonamiana vaga bu buefuo imejo ijiakina e ije bu vua kufuimejo ijiebuo nijae. Ro kuke fu e ije bu koto guove ijia vua kufuimevo ijiakina e ije bu Godido akae maeje kena tuasevo fu ijiebuo nijae.

1 Timoti 1:15

Ro vua ige na kuariakuvejo ije fuka ma ijadufuo noka mukoreigia fiena ma vierafedufuo. Ro vua ijeja, Jesu Kuraesi ume igia fu ari ruaema ije fu e ise revo ije karauniakiro ruae. Ro ude naeje naka e boeje asidiana ise uruvana renoe rove Godi fu naebe ijadufuo na dabe isekafie. Ro fuka una none oefiane abena ifejie. Fu ijiege ifejiekina e bu none duvado ijia Jesu Kuraesi fu izege kabuaekabuaeki e guebuo ise giana aremo ijene gakuae fu ijiege rei. Ijadufuo e bu ijia giena vierafero budua bu ijiege Godi ma vierafekuva bu vame ma karivako ijene abekiro bu ijiege vierafeke.

1 Timoti 1:19

Ijadufuo ni giriesana one a Godi ma vierafemo ijene abe gikikimana vierafekina a vame fuone maeje mukoreigia giakinu ijia nuvena kenoedufuo. E gue bu vame maeje bu vierafena kenoevo ije bune ijuonena ijia arei. Ijadufuo bu ma vierafevo buone ije bune kame arafiriae. Ro e inokiro e Aemenasikiro Areseda nane kena Setani vajaedo fu kame isekafiaga bu ijia gaekina bube una Kuraesido ive dabe isema kuaenoeke.

1 Timoti 6:3

E gue buka vua kufui bino nijasiakinu vua maeje E Ireobo nuvuone Jesu Kuraesido ije no nijasiavo ije bu ijuoneve. E ijiege renoejo ije buka ire aroekaravo ijiebe oe buone ijia iritoeje ijadufuo bu ire bino buka naebe vierafeve. Ro bu vua isesina ro mamekanu baki ijia mijumana ijadufuo madinamikinu e binobuo oe ije kame kuderiaga bu zienamivo. Ro buka besu afuina karijo baki ro bu vua ise binobino bue kuaekinu ro e bino bu ire gue revo ijene buesina oe isema vierafevo.

2 Timoti 1:13

Ijadufuo ni vua maeje na nijasavo a fiema ijene kena mukoreigia faradiana samuagiane. Ro kuke giriesana Godi ma vierafekinu e boeje oetuane. Ijadufuo maeje no Jesu Kuraesina besu revo ijia no ire inokiro ije kevo.

2 Timoti 2:2

Ro ni vua ije na e boeje bu gieko na nidua buone ijia kuaravo a fiema ije abena e ije mamoevo baki ije kuariaga bu abena una e gue nijasiane.

2 Timoti 2:25

Ro e gue eranebe bu vua fuone naebe fievo ije fuka sone oe vafaena kuariadufuo. Ro fuka ma vierafega Godi fu oe buone kame kuderiaga bu una vame maeje vierafedufuo.

2 Timoti 3:14

Ro Timoti aeje anika Godido vua maeje bu nijasaeva ije mukoreigia giriesana vierafene. Ijadufuo maeje e ije bu a nijasaeva ije buneka mukoreigia nijasiaeva ije ane koro vierafei.

2 Timoti 4:3

Ro maza be ruakuma e boeje buka vua maeje ijuonena bube mukoreigia fiedufuo. Ro buka una vajaema ijadufuo ire ije bu vierafeva ije kenoedufuo. Ro buka una e ije bu vua kufui nijasianoevo ijiebuo vaga bu vua irere bu fiekuae vierafevo ije nijasiadufuo.

Taetasi 1:11

Rove Timoti na vierafe aka vua buone kufui ije bu kuaenoevo ije kuriaerena kiaga bu aredufuo. Ijadufuo maeje bu vua ise na nijasiavo baki bu ije nijasiave. Bu ijiege revo ijia buka e agane bino ijiebuo vierafe ije kame iserejiave. Bu vua kufui ijiaru kuaenoevo baki ro buka moni amaeriakuae vierafevo.

Taetasi 2:1

Ro Taetasi, aeje anika Godido vua ije no nijasaeva ije e boeje nijasiane.

Judi 1:3

Erafano na vierafe naka Jesu Kuraesi izege fu e boeje no karaunuoga no jaena besu karinoevo ijadufuo vua ije isoe nijiakiro vierafei. Rove iviama na una vua be ije isoe nijiave. Ro vua ijeja na soesoena kuariaga ja giriesana Godido vua maeje fu e ije bu fu ma vierafevo ije vajiaema ijadufuo vafaekinu abe mukoreigia samuadufuo.

Revaresoni 3:11

Naka iviama igiebo ruovo ijadufuo giriesana vame maeje ja kevo ije kenofo. Ro jade mamoega e binobe ja asidiana kavene ijadufuo ire maeje ja saove gufia kedufuo ije kevo.

Revaresoni 3:3

Ijadufuo ni vua irere ja amure ma vierafeva ijiaru farena giriesakinu mukoreigia irinafo. Ro vame ije ja ijuegirenoejo ije arena una none ruafo. Ro kuke nika urina rerekinu samuana karinoefo. Ro ja naebe samua karikuva na e iniemejo ijiege vuakuva ja giekuva baki. Ro na maza irerebe jone vuadufuo ije jaka naebe vierafei ijadufuo urina samuakinu karifo.