Taetasi 1:3 - Godido Vua Maeje

³ Ro Godi e ije no karaunuema ije fune maza ma ijia vua fuone na nijasie. Fu na nijasiega nare vua fuone abe kuaena samadirega e bu vua fuone maeje mukoreigia fiena ma vierafeke.

Taetasi 1:3 ပူးပေါင်းရင်းမြစ်များ

Maki 1:15

Fu va ijia kekena e Gareriko ije Godido vua maeje kuariana kiae, Maza ije Godi fu zinuevena oe jone ije samuagiadufuo ije funika ivuare. Ijadufuo ni ise jone ja revo ije arena una oe kuderiana vua maege ige na kuariavo ije fiena ma vierafeno kiae.

Maki 13:10

Ijiege rena e none buka uri Godido vua maeje abena ude e ije are irore ijia karinoeva ije kuarianoena furiga ijare sone rade aesakae ige fu furidufuo.

Maki 16:15

Jesu fu ijiege kuaria areme una kiae, Ni va are irore ijia vua none maeje abena e boeje kuarianoefo. Ro erare fu vua jone fiena una oe dakude na ma vierafena do ruekuma e ije Godi fu kenujake. Rove erare fu naebe na ma vierafekuma Godi fu e ije dabe isekafake.

Ekisi 10:36

Ro igia fie, Godi vua ije fu e Isureroko ije nijiaema ije fu ijiege kumei. Jesu Kuraesi fu e boeje ijiebuo E Ireobo. Ro fure manido fu kafaemo ije abe e boeje miaga bu kafaena karike.

Ekisi 17:26

Godi ijare iko zinume ijia e besu amaerimoga e binobino aesakae boegia kariva ije bu fuone uinuvena ruae. Ro fune fure ude e uifari izege bu ume igia ruadufuo ro kuke bu izia karidufuo ije fune vierafei.

Romeni 15:19

Ro vua gue na kuarianoekinu ro ire bino na renoeva ije na Kavene Akae ijadufuo daro ije abena ire sumiki bino bu giaeva baki ije renoe. Ijadufuo na are Jerusareme ijia urina vakinu Jesu Kuraesido vua maeje abena mukoreigia kuariaeja vakuma are Iririkami ijia keke.

Romeni 16:25

Noka Godido oemaredufuo ijadufuo maeje Jesu Kuraesido vua maeje na abena e nijasianoejo ije fu manido fu ja ifejiaga jone ma vierafevo ije fuka gikikimana reke. Isuibe Jesu Kuraesido vua maeje fuka ma sauina na ruae. Ro iviama vua ije fune e Godido vua vierafena kuaevo ijiebe abe kuaena samadirevo none gae. Ro vua ije e karauniadufuo ije fune Godi e ije maza boeje ijia fi vako ijare kuae. Ijadufuo noka vua ije dabe are irore igia kuaena samadirega e boeje buka Godi ma vierafedufuo.

Romeni 5:6

Isuibe no oenoeva ijia no vame ije no izege daro abena konuvuo karaunianamidufuo ije fuka baki. Rove Godi fuka ireobo no oetuae ijadufuo fu maza ma ijia Jesu Kuraesi kuamo fu ise nuvuone ijadufuo baronei.

1 Koriniti 9:17

Na i ige name nare vierafena menoevobitie na oemarekinu zinume none abeke. Rove i ige na vua maeje abe e kuarianoejo ije fune E Ireobo ijare miema ijadufuo nabe ijuonedufuo.

Garesiani 4:4

Rove rade Godido maza maeje fu romoga fu uri Fari fuone ije kuamoga fu ari ruae. Fu ema igege asie fuone fu bietemoga fu e Jiusi ijiebuo akae rotire ijia finoe.

Ifisiani 1:10

Ro vakuma maza radekuma ijia Godi fu ire boeje fu rekiro vierafema ije redufuo. Godi fu vierafe fuka ire boeje fu amaeriaema bu ume igia ro saove gufia naovo ije kena una besu uniake. Areme fu Jesu Kuraesi kuaga fure nigofo rena ire boeje samuagiakiro fu ijiege vierafe.

Ifisiani 2:17

Ro Kuraesi fu ruaema ije fu vua maeje no kafaena karidufuo ije abena e boege kuariakiro ruae. Fu vua maeje abena e Jiusi baki ije bu mumabo ijia karinoevo ijiakiro e Jiusi ije bu Godi ivuake ijia karinoevo ije kuariakiro ruae.

Firifiani 1:13

Ijadufuo e juo karijo boeje ro e boeje igia kariva ije bu vame ige fu none rema ije gie. Ijadufuo bu ma vierafega nana ma Kuraesido imevo ijadufuo na dibure fivoro bu ijiege vierafei.

Korosiani 1:23

Ijadufuo nika giriesa ijuoebaki rena darokuma Godi besu ije ma vierafefo. Ro jade mamoena Godido vua maeje ja ude fieva ije arevo. Ro igia fie, na Foru nadua na Godido imena vua besu ije dabe are irore igia nijasianoeve.

Korosiani 1:6

Ro e boeje are irore ijia karinoeva ije bu Godido vua maeje bune fie. Ijadufuo buka oe kuderiana una vame maeje ijia mimata kenoeve. Ro vua maeje ijiakiro Godido marejiamo ije bune dabe are jone ijia kuariana vuakoga jane fiena ma vierafei. Ijadufuo jadua jane urina vua ije oemarekinu nuveve.

1 Tesaroniasi 2:4

Noeje fune Godire isuibe umui tuae ijadufuo no vua irere fu vierafema no ijia kuaenoeke. Ro Godido vua maeje no abe kuaenoevo ije no e ije bu oemadiadufuo ije kuaenoevo baki ro no Godi fu oemaedufuo no ijene abe kuaenoeve. Ijadufuo maeje Godi fu rade oe nuvuone guove ijia guoke.

1 Timoti 1:1

Na Foru e ije Godi fu na umui datena kiega na Afasero reva ije nare fasi ige isoeve. Na Jesu Kuraesi e ije fu vame iviaeko nuvuefuo amaerikiro kuaema ijiakiro Godi ije no karaunuema ijiebe kiega na vua buone abena e boeje kuariavo. Ijadufuo nare fasi ige isoena e Timoti a nijave. Ro a Kuraesi ma vierafemo ijadufuo aeje aka fari none igeki. Na vierafe Godi Asoe ijiakiro Jesu Kuraesi E Ireobo ije bu maza boeje one oefiane abena ma rejakinu samuagaga a e ije Godi ma vierafevo ijia kariva ijena kafaena finoeke.

1 Timoti 1:11

Ro vua boeje akae ijia fu kuaema ije fu Godido vua maeje na abena kuaenoevo ijadufuo guove ijia name. Ro vua maeje fu Godi nuvuone sanaema ka e daroki ijare nuvuefuo nijae.

1 Timoti 2:3

Ro ijiege maza gue e guebuo baname isoevo ije fu vame mukore Godi fu oemaemo ijene. Ro Godi e ije fu no karaunuema ije fu kuke vierafe e boeje bu vua fuone maeje fiena ma vierafega fu rade karauniadufuo.

1 Timoti 4:10

Ro noeje no Godi ije fu ijia fivako fu eranebe fu ma vierafevo ije karauniamo ije ma vierafevo. Ijadufuo noka giriesana isejavaekinu imenoeve.

2 Timoti 4:17

Na E Ireobo ije fuka na ifejiena daro miema ijadufuo na Godido vua maeje dabe e boeje kuariae. Na kuariavoga e Jiusi baki ije sidove Romu are ije no koto revo ijia kariva ije bu vua ije fie. Bu fievoga Godi fu e ije bu na kaniekuae vierafeva ijia kenujie.

Taetasi 2:10

Ro ire bino bube iniemekiro buka e ijuebaki rena i buone menoega e mamekanu ije bu giana bu ma vierafeke. Bu vame ijiege kenoekina e boeje bu ijia giana una Godi nuvuone fu no karaunuema ijadufuo vua ije oemarekinu fiedufuo.

Taetasi 2:13

No ijiege renoekinu maza ije oemarevo ije no abekuae vierafevo ije samua karike. Ro maza ije Jesu Kuraesi Godi nuvuone ije fu ise nuvuone ijia karaunuema ijadufuo sanaema ije fu roga no gake.

Revaresoni 14:16

Fu ijiege kumenoga e ije amite ado ijia fino ije fu uri sime fuone uiki ije dabe ire boeje aesakae igia naovo ije asekinu ire boeje kanaufui.