Ruti 4:13 - Godido Vua Maeje

¹³ Bu ijiege kuarama arekoga Boazi fune uri bara fuone Ruti mesirina bune una are ijia vae. Areme E Ireobo ijare bara Ruti ifejamogana fu ame fari be biete.

Ruti 4:13 ပူးပေါင်းရင်းမြစ်များ

Iko Zinume 20:17

Ro Kini Abimereki fune vame ise ije Serado rei ijadufuo E Ireobo fune kini ijadufuo bara ro e fuone imejo ijiebuo bara ije bijukuriamoga bu naebe una ame tuanae. Ijadufuo Eburame fune una Kini Abimerekikiro e fuone boeje ijiebuo baname isoe. Fu baname isoekina Godi fu una Abimereki ifejaga irufui ijia namo ije fu una bakireke kinido bara ijiakina e fuone imevo ijiebuo bara ije bu una ame tuanadufuo.

Iko Zinume 25:21

Bara Ribeka fu ame bino naebe nafekoga fune juaevasia tuaedi (20) ijiege furi. Ijadufuo Aeseki fu uri fuefuo E Ireobo baname isoe. Fu baname isoemoga E Ireobo fu baname fuone ije fiena ifejamoga Ribeka fu e fudie.

Iko Zinume 29:31

Ijiege rena E Ireobo Godi fu gake Jekafu fu Ria sibaneke oetuagaro Resero fuka ireobo oetuamo fu ije gae. Ijadufuo fu Ria oemarejana ifejamo fu ame nafekoga Resero fu debirei.

Iko Zinume 30:2

Fu ijiege kuaramoga Jekafu fu vua ije fiemo fuka defarui ijadufuo fu urina Resero kua, Vame ije ame nafedufuo fune Godire fuone vierafema ijia bijukurae. Ro naeje na izege Godi asina vame ijiege rekono kuae?

Iko Zinume 33:5

Bune ijiege niraema areme Iso fune uri bara ije bu ame ije mediruiva ije giama areme uri Jekafu kuae, E boeje gure aena ruaeva ije eranebeno kuae. Iso fu ijiege kuaramoga Jekafu fu kuae, E ijeja Godire fuone izege fu na marejiemo ijia fu e ige vajiema ijeno kuae.

Ruti 3:11

Ro e boeje sidove igia kariva ije bu vame izege a mukoreigia kenoeno ije bune vierafe. Ijadufuo kabaeno ade ireobo vierafemo irere a kuariema ije na ijiege reke.

Ruti 4:12

Ro kuke izege e Judakiro bara fuone Temabuo fari e Ferezido uifari ije buka e daroki reva ijiege no vierafe bara one Rutido duvado ijia uifari one ije budua bu e daroki rekono kuae.