Ruti 2:4 - Godido Vua Maeje

⁴ Ruti fu kumune ije karinoeno ijia e Boezi fu are Beturieme vaema una ijia keke. Areme fu uri e fuone imenoevo ije anadiana kiae, Na vierafe E Ireobo fu jaena. Fu ijiege kiamoga bu kuae, No vierafe E Ireobo fu a marejakono kuae.

Ruti 2:4 ပူးပေါင်းရင်းမြစ်များ

Iko Zinume 18:19

Nare fu abeva ijadufuo fure rade anafa ro uifari fuone ijene kuriaerena kuariaga bu na irinieke. Bu na iriniena ire ma ijiaru rekinu vame ma ijia kenoeke. E boeje bu ijiege renoekuva naka ire boeje na fuefuo rekiro kuaeva ijene rejakono kuae.

Iko Zinume 28:3

Na baname isoega Godi ka ma e daroki ijare bara ije one a abeno ijadufuo duvado ijia a daro maga a ame uruvana tua nake. A ijiege rekina are e boeje are irore igia karinoeva ijiebuo asoe reke.

Nabasi 6:24

No baname isoega E Ireobo fu maza boeje ja daro miakinu ro ja samuagiake.

Ruki 1:28

Ijadufuo anera ije fune va kekena Meri kuae, Kafaevo ije fu obiki. E Ireobo ije fu obiki fino ijadufuo fu daro mana vame maeje rejaemano kuae.

2 Tesaroniasi 3:16

Ro na baname isoena E Ireobo nuvuone kuaraga fu maza boeje ifejiaga ja ire binobino kafaena renoeke. Ro na vierafe E Ireobo fu e besubesu jaena oenoeke.

1 Timoti 6:2

Ro e ije moni baki imevo eranebe bu e mamekanu Godi ma vierafevo ijiebuo imevo ije bube nese giakiro buka mukoreigia buefuo imenoedufuo. Ijadufuo maeje e mamekanu ije budua buka Kuraesi ma vierafekinu ro e ije buefuo imevo ije bu mukoreigia oetuavo. Ro Timoti na vierafe a vua ige nijasia ro kuke e ije darokuma kuariaga bu vua ije mukoreigia irinadufuo.

2 Timoti 4:22

Na vierafe Godido Kavene fu kavene one ijiaki fike Godi fu ma rejiana ifejiaga ja mukoreigia kari vake. Fune ijene.

Josua 24:15

Ro ja fu oetuakinu irinadufuo ije ja isediakuva ni ivia samadukua ja era oetuakinu irinadufuo ije kuaefo. Ja vierafe ja asaerafa jone ijiebuo godi kufui ije bu are Mesofotemia do irifo ijia karina buone baname isoeva ije baname isoekuva ni ijiege kuaefo. Ro kuke gaga ja e Amoraetiko ijiebuo godi kufui ije baname isoekuva ni ijiege kuaega na fiefo. Ro naeje na agane none boeje ijena no vierafe no nuvuosukua no uria E Ireobo ije oetuakinu irinakono kiae.

Ruti 2:3

Ijadufuo Ruti fune vakuma juare gamia kekena e ije imevo ije nuvedianoekinu ire bari ije bu asena karigaro gue bu duega bu ijia arevo fu ije karinoe. Ro kumune vare ije duevo ije e imevo bu karivo baki. Ro bu ijia arega e ire baki ijiakina bara amune ijiebe karivo. Ruti fu kumune ije karinoeno ijia fu fie fu Boezi e Irimerekido agane ijadufuo juare ijia oenoeno fu ije fie.

Ruti 2:5

Areme e Boezi fu uri Ruti gana una e ije fu e fuone imevo ije samuagiamo ijene kuae, Ro bara nikaki gafe fu erado kabaeno kuae?

Ruti 4:11

Boezi fu ijiege kuariamoga e mamekanu ije abero e gue ijia afuiva ije bune urina kuae, Ke ivia a nidua nuvuone ijia bara amune ije abeno none gae. Ijadufuo no vierafe E Ireobo ijare bara one ije daro maga fure izege e Isureroko bu bara Resorokiro Riabuo duvado ijia uinevena ruaeva ijiege fure uifari uruvana tuanake. Ro kuke no vierafe are Eferata ijia are e anuigi reke. Ro kuke are Betirieme ijia ive one fuka ireobo reke.