Ruki 7:9 - Godido Vua Maeje

⁹ E ije vua abe ruaeva ije bu vua ijiege Jesu kuaravoga fu fiemo fuka oeserei. Ijadufuo fu una dakude e boeje fu nuve vako ije kiae, Na are Isurero guove igia e bino bu e ige fu ma vierafema ijieki bino naka naebe giaevano kiae.

Ruki 7:9 ပူးပေါင်းရင်းမြစ်များ

Matiu 15:28

Ijadufuo Jesu fu una gue kuae, Bara gure one a na ma vierafema ije fuka ma ireobo ijadufuo irere a vierafema ije na ifejakono kuae. Jesu fu bara ijene ijiege kuarakoga maza besu ijia kabae fuone fune una mae.

Matiu 8:10

E ije fu ijiege kuaramoga Jesu fu vua ijene fiemo fuka urukeigia oesere. Ijadufuo fu una dakude e ije bu fu nuve vako ije kiae, Na are Isurero guove igia e bino e ige fu ma vierafemo ijiege ma vierafevo ije naka naebe giae.

Matiu 9:33

Bu e ije mesiri rovoga Jesu fu saroruba kavene ise ije kuamo fu e ije arena keke vakoga e ije fu ijia una vua kuae. Ijadufuo e boeje buka oeseradiamo bu kuae, No isuibe are Isurero igia ire ijieki be noka gaeva bakino kuae.

Ruki 7:10

Fu ijiege kuariamoga e ije vua abe ruaeva ije bune una vae. Bu una va e ireobo ijadufuo are ijia usiaena gake e ije adame abeno ije fune una mae.

Ruki 7:50

Ro Jesu fu una bara ije kuae, One a ma vierafemo ijare a kenujae. Ijadufuo nime oemarekinu dazena vakiro ade una ije ireobo vierafemono kuae.

Ruki 7:8

Nadua na e none mamekanu ijiebuo rotire ijia imevo. Ro kuke e bijaevo ije nare daro none ijia samuagiako bu imevo. Ijadufuo na e be kuako rono kuavone fu ruomo. Ro na una be kuako vano kuavone fu vako. Ro kuke na e none monifuo imeno baki ije be kuako ire ige reno kuavone fu remono kumei.