Ruki 7:3 - Godido Vua Maeje

³ Ijadufuo e ireobo fu fieke Jesu fune Kafoniamu ruaema fu ije fie. Ijadufuo fu una Jiusi e mamekanu gue kiae, Ni va Jesu kuaga fu ro e none imeno ige amaeriga fu una maeno kiamo bu vae.

Ruki 7:3 ပူးပေါင်းရင်းမြစ်များ

Matiu 8:5

Areme maza be Jesu fune ruoma are Kafoniamu kekemoga e Romukobuo e ireobo be ijia fino ijare kekena fu bie. Fu vierafe Jesu fuka fu ifejakiro fu ijiege vierafe. Ijadufuo fu keke Jesu dabe soesoena kuae, E Ireobo e none i meno be fu adame ireobo abena funeka vajae garena are gafia name. Ro fuka vajae fiane ireobo abena isejavaemono kuae.

Ruki 7:2

Ro e Romukobuo e ireobo ijadufuo e fuone imeno be fu oetuamo ije fuka adame ireobo abena funeka baronekiro ijia fine.

Ruki 7:4

E Jiusi ijiebuo e mamekanu ije bune vakuma Jesu fino ijia usiae. Areme bune uri Jesu soesoena kuae, E Nijasiamo, kai nuvuone be e Romukobuo e ireobo ijadufuo imeno ije fuka adame ireobo abei. Ijadufuo no vierafe a va e ije adame fuone ije ifejana amaerike. Ro e ireobo ije fuka e nuvuone ije oetuamo ro kuke fune fure nuvuefuo are ije e bu ijia afuina vua kuaevo ije saejuemano kuae.

Ruki 8:41

Ro Jaerasi e ije are bu afuina vua kuaevo ije samuamo ije fu kekena Jesu bie. Areme fune uri nidua fuone ijia augesana soesoena kuae, Abe nosiki are none ijia vakono kuae.

Joni 4:47

Ijadufuo e ireobo ije fu fieke Jesu fune sakae Juda arena una Gareri ruaema fu fie. Ijadufuo e ije fu vierafe fu va Jesu kuaga fu ro fari fuone fu adame abena baronekuveno ijene ifejana kenujakiro fu vae.

Firimoni 1:10

Ijadufuo na e Onesimasido akaegue ijia na a anadave. Ro e Onesimasi fu Kuraesido ive ijia fuje fuka ma fari none igeki. Ijadufuo maeje na dibure ige na fivo ijia na Godido vua maeje kuaravoga fu fiena oe dakude areme Jesu ma vierafei.