Ruki 1:8 - Godido Vua Maeje

⁸ Rove maza be e Zekaraea fu maza fuone fu imedufuo ije romoga fune va Godido Are ijia imei.

Ruki 1:8 ပူးပေါင်းရင်းမြစ်များ

Ruki 1:5

Areme maza ije Erodi fu e Judiakobuo e ireobo rema ijia e Zekaraea fu e Godido zinone ifaejemo ije rena e Abaejado uifari ijena imei. Ro bara fuone Erisabeti fudua fu e Eronido uifari be.

Una Kaenamiae 30:30

Areme nine kuke oere akae ije abena Eronikiro anafa fuone nigofo ijia usiaejiana daro miaekina bu e zinone ifaejevo rena noefuo imenoedufuo.

Una Kaenamiae 29:44

Na ijiege rega Are Muvuaka Akae ijiakiro fata ije zinone ifaejevo ije fuka akae reke. Ro Eronikiro anafa fuone na kena daro miana irigi uniaekina bu e zinone ifaejevo rena noefuo imenoeke.

Una Kaenamiae 29:1

Ro Eronikiro anafa fuone ja kaenamiana E Ireobo na vajiega bu e zinone ifaejevo rena noefuo imedufuo ije ni ige na kuariavo ijiege refo. Ja bu kena daro miakuva ni mave-kau kumate besu ijiakiro mave-sife kumate inokiro naebe garuradiaeva ijia giana faradiafo. Areme nine ire farava vuiti ijia amaeriaeva ije gue usia areme ni ine orivi oere ijia usiana burete gue amaeriafo. Ro burete ijiakiro bisikiti ije ja amaeriakuva jade ire isiti usiaena ijiakuma biemarona amaeriavo. Areme ni bisikiti bino oere baki amaeria areme nine oere ado ijia usiafo.

Una Kaenamiae 28:41

E Ireobo fu ijiege Mosisi kuarama areme kuae, Nine ugone ije karina uvia one Eronikiro farirafa fuone saejiane. Areme ni ine orivi oere ijia abena usiaejiana daro miaekina bure e zinone ifaejevo rena imenoeke.

Una Kaenamiae 28:1

E Ireobo fune Mosisi ijiege kuarama areme kuae, Nine e Isureroko ijiebuo uve ijia e Eronikiro anafa fuone e Nadabikiro Abiu ro Eriesa ro Itama ijene kena irigi uniane. A bu kena ijiege uniaekina bure e zinone ifaejevo ijiege rena noefuo imedufuo.

Ruki 1:7

Ino baraki ije bu ame baki ijadufuo maeje Erisabeti fune debirei ro kuke buneka eoradiae.