Ruki 1:1 - Godido Vua Maeje

¹ Eko Tiofirasi, e boeje bune giriesana ire ije fu igia nuvuone rema ije isoe.

Ruki 1:1 ပူးပေါင်းရင်းမြစ်များ

1 Timoti 3:16

Ro Godi ma vierafedufuo ijadufuo zinume maeje ijeja, Kuraesi fu ema igege ume igia ruae. Ro Kavene Akae ijare nijasuona kuo, Jesu Kuraesi fu ma Godido Farino kue. Ro kuke anera boeje bu fuone maeje sanaema ijene gae. Ro e ije bu fu nuvenoeva ijiebe vua fuone dabe are irore boegia kuariae. Ro e boeje ume igia kariva ije buka fu ma vierafei. Areme fu una saove ije Godi Asoe fuone fu samuamo ijia vae.

Joni 20:31

Ro vame sumiki gue fu kenoema ije na buki igia isoeva ije na e ige joefuo isoe. Na ijiege isoekina ja ijia dana ma vierafero Jesu fu ma Godido Fari ro fure kuamo fu ume igia ari ruaemaro ja ijiege vierafeke. Ja ijiege fu ma vierafekuva ja vame ma karivako ije abeke.

2 Timoti 4:17

Na E Ireobo ije fuka na ifejiena daro miema ijadufuo na Godido vua maeje dabe e boeje kuariae. Na kuariavoga e Jiusi baki ije sidove Romu are ije no koto revo ijia kariva ije bu vua ije fie. Bu fievoga Godi fu e ije bu na kaniekuae vierafeva ijia kenujie.

Maki 16:20

Areme e vua fuone fievo ije bune usiaena aesakae binobino ijia Jesudo vua maeje abena e boeje kuariana vae. Bu ijiege renoekoga E Ireobo fuka korofuo buina oenoekinu ifejiamoga bu ire sumiki uruvana renoe. Ijadufuo e boeje bu ire sumiki ije giavo ijia buka vua buone ije fiena ma vierafei.

Romeni 4:21

Eburame fu ma vierafero Godi irere fu kuaraema ije fuka rekiro fu ijiege vierafei.

Romeni 14:5

Ro kuke e bino bu vierafega fune marema ijadufuo bu maza besukua abena Godi aroeve. Ro e gue bu vierafega fune marema ijadufuo bu maza binobino Godi aroenoeve. Ijadufuo e besubesu irere no renoejo ije no konuvuo vierafena renoeve.

Korosiani 2:2

Na i gikikimana ije na ijiege rekina ja kavene jone ijia daro abeke. Ja daro abena uri jone oetuanamikinuro Godido vua sauiki ije mukoreigia vierafeke. Ro vua sauiki ijeja Kuraesi Fari fuone ijene. Ro igia fie, Godido vierafe maeje fu mukoreigia vierafena remo ije no Kuraesido duvado ijia giadufuo.

Korosiani 4:12

Ro kuke e jone be Efafurasi e ije Jesu Kuraesido imeno ije fudua fu ja anadiae. E ije fu vierafe fuka maza boeje joefuo isejavaekinu baname isoena Godi kuara fu ja ifejiaga ja e damuiki rena darokuma karikiro fu ijiege remo. Ro kuke fu Godi kuaraga fu oe jone kena kuderiaga ja maza boeje irere fu vierafema ije irinana nuvekiro fu ijiege remo.

1 Tesaroniasi 1:5

Ro Godido vua maeje no abe kuariaeva ije nome vua ijiaru kuariaeva baki. Ro noka Godido Kavene Akae ijare daro muomoga noka vua ijene darokuma kuariamoga ja fiena ma vierafei. Ro jane vierafe izege no jaena ijia karinoekinu irere no renoeva ije no jone ma ijadufuo ijiege renoe.

Iburu 6:11

Ijadufuo no vierafe e besubesu jaka giriesana ijiege renoeke. Jaka maza boeje ijiege urukeigia renoekina ja maza rade irere ja oe vafaena samuavo ije kedufuo.