Romeni 10:4 - Godido Vua Maeje

⁴ Bu vierafero bu korobuo giriesana mukoreigia kenokinu akae ije iriniakuva Godi fu karauniakiro bu ijiege vierafe. Rove ije fuka ma baki. Ro bu Jesu Kuraesi ma vierafekuva Godi fu bu karauniana ke una vame fuone maeje ijia uniadufuo.

Romeni 10:4 ပူးပေါင်းရင်းမြစ်များ

Garesiani 3:24

Akae ije fu ijiege no samuaguoko no kari ruoma areme Kuraesi fu ruae. Ro Godi fu nuvuone no Kuraesi ma vierafevo ijia guona kemoga no nidua fuone ijia e maturae.

Joni 1:17

Ro Godido akae ije fu e Mosisire abena no kuarue. Rove fune Jesure korofuo arina vame maeje nijasuokinu no marejue.

Iburu 10:14

Jesu fu vajae fuone kaginu abena zinone ifaejema ijia fune e ije bu fu ma vierafevo ijiebuo oe ije soejiame. Fune ijiege dasumiakinu karauniamo ijadufuo bu maza boeje Godido nidua ijia e maturaena karinoeve.

Korosiani 2:17

Ijadufuo maeje akae boeje binobino bu nana nuvediavo ije bume ire maeje bu rade redufuo ijiebuo kavene ijene. Ro ire ijiebuo zinume maeje fune Jesu Kuraesi.

Korosiani 2:10

Ro jane Jesu abena fuina besu revo ijadufuo kavene jone irere boeje bu vierafevo ije bune fuone bijuana abevo ijadufuo buneka mani. Ijadufuo maeje Jesu fu ire boeje ro kavene daroki boeje bu ire gue samuagiavo ije fure asidiana e nigofo rena samuagiame.

1 Koriniti 1:30

Ro iviama jaeje jane una Godido anafa rei. Godi fu Jesu Kuraesi kuaga fu no karaunuona ifejuoga no ire boeje mukoreigia vierafekinu renoeke. Ro kuke fure ifejuoga no Godido nidua ijia e akae redufuo.

Romeni 3:22

Godi fu e ije bu Jesu Kuraesi ma vierafevo ijiebuo ise ije fu giana aregaro fu karauniana ke una vame fuone ma ijia uniamo. Ro e boeje nono Godido nidua ijia no binobino baki ijadufuo maeje e boege nono ise boeje renoevo. Ro no uria ise renoekuva nobe Godido sanaema ije gake.

Matiu 3:15

Fu ijiege kuaramoga Jesu fu kua, Ije ane ma kuae rove na vierafe abe arekiro a na do ruorieke. No ijiege rekina no maza boeje irere Godi fu kuaruomo ije bino nobe ijuonekiro noka maza boeje fu irinana renoekono kuae. Ijadufuo Joni fu vierafega fune magana fu uri Jesu do ruorae.

Garesiani 4:5

Fu ari ruaema ijadufuo maeje fu e ije bu akae ijare daro fuone ijia samuagiako bu karivo ije karauniaga bu una Godido anafa rekiro fu ijadufuo ruae.