Romeni 1:9 - Godido Vua Maeje

^9-10 Ro Godi fune izege na oe none ijiakuma Fari fuone ijadufuo vua maeje abena e gue kuariavo ije fune vierafei. Ro kuke na maza boeje joefuo baname isoevo ije fune gie. Ijadufuo na vierafe na baname isoena Godi kuaga fure vame none amaeriga na rade una vua ja giake.

Romeni 1:9 ပူးပေါင်းရင်းမြစ်များ

Maki 1:1

Vua ige fu e Jesu Kuraesi Godido Fari ijadufuo vua maeje. Ro vua fuone ije bune izege e Asaea e ije Godido vua vierafena kuaemo fu kuaema bu ijiege isoe, Godi fu Fari fuone kuae, Na e vua none abe oenoeno be kuaga fu ude vame one ije amaeriga a rade vake.

Ruki 18:1

Areme Jesu fu una kuke vua be mena e vua fuone fievo ije kuariae. Fu ijiege kuariaga bu vierafekina buka maza boeje baname isoekiro bube ijuonedufuo fu ije kuariae.

Ekisi 19:21

Areme rade Foru fu Godido Kavene ijare nijaemoga fune aesakae Mesedoniakiro Akaea ijia urana una Jerusareme vakiro vierafei. Ijadufuo fu kuae, Na va Jerusareme fina areme nane una sidove ireobo Romu ijia vakono kuae.

Ekisi 24:14

Ijadufuo igia fie, naeje na asaerafa nuvuone ijiebuo Godi ije baname isoekinu ro Vame ige bu kuae kufuino kuaevo na ijene nuvevo. Na ijiege rekinu ro naka Mosisido akae boeje ijiakiro e Godido vua vierafena kuaevo ijiebuo vua ije ma vierafevo.

Ekisi 27:23

Ijadufuo maeje Godi none na maza boeje fuone baname isoevo ije fu ivia muge anera fuone kuamo fu none ruae.

Ekisi 3:26

Ijadufuo Godi fu ude Jesu e ije e ifejiamo ije kuamoga fu jone ruae. Godi fu vierafe fu Jesu kuaga fu ro ja ifejiaga ja vame ise jone ije arena una vame ma ijia kari vakiro fu ijadufuo kuamo fu ruae.

Romeni 9:1

Erafano na vua bedua kuariakuvejo ni fiefo. Naeje na Jesu Kuraesiki besu reva ijadufuo vua irere na kuaevo ije na kufuimevo baki. Ro kuke vua na kuaevo ije fune Kavene Akae ije fu oe none ijia imeno ijare giena vierafema ijadufuo na kufuimevo baki.

2 Koriniti 1:23

Ro vua ige na kuariavo ije Godi fune giena vierafema ijadufuo naka ma kuariave. Na vierafe na una are Koriniti vuakuva naka irufui abena ja miake. Ijadufuo na vame ije na ijia vuadufuo amaeriva ije na arena una vame be amaeri.

2 Koriniti 11:31

Ro vua ige na kuariakuvejo ije fune Godi E Ireobo Jesu Kuraesido Asoe ijare gie ijadufuo fu vierafe na kufuimevo baki. (Ro Godi nuvuone fuka e daroki ijadufuo na vierafe noka maza boeje fuone oemaredufuo).

Garesiani 1:20

Ijadufuo na irere iviama isoevo ije Godi fu vierafe na kufuimejo baki ro nane vua ma ijiaru isoeve.

Ifisiani 6:18

Ro ire boeje ja revo ije ni maza boeje baname isoena Kavene Akae ije kuaga fure nijasiaga ja ijia nuvena kenoefo. Ro jade dazena karinoekiro nika urina samuafo. Ro maza binobino ja baname isoevo ije nika e ije Godi ma vierafevo ijiebuo baname isoefo.

Firifiani 1:3

Maza boeje naka ja vierafevo ijadufuo na joefuo Godi Asoe nuvuone ije fuone oemareve.

Firifiani 1:4

Ro maza boeje baname none na e boeje joefuo isoevo ije naka oemarekinu isoeve. Ijadufuo maeje ja iko zinume ijia na Jesu Kuraesido vua maeje kuariavo jaka fie. Ijadufuo ja urina ire binobino naejiekinu bijuakievo ije ja uria rena ruove.

Firifiani 2:22

Ro Timoti fuka e ma ro fure izege ame ije fu asoe fuone ifejamo ijiege fure ifejiemo na Godido vua maeje abe e gue nijasiae.

Firifiani 3:3

Ijadufuo ni e ijieki ije mukoreigia aguariafo. Ijadufuo maeje Godi fu vierafega buje bu nuga fuone maeje abeva baki. Ro no nore ma nuga fuone maeje abei ijadufuo maeje no Kavene Akae ije ma vierafena Godi baname isoevo. Ro kuke no Jesu Kuraesi ire boeje fu nuvuefuo rema ije ma vierafekinu oemarevo. Ijadufuo nobe akae binobino ema ijiebe naeva ije ma vierafekinu iriniana renoeke. Ijadufuo maeje no ijiege renoekuva nobe Godido nidua ijia maturaedufuo.

1 Tesaroniasi 1:2

Ijadufuo maza boeje no baname isoevo ije noka ja vierafekinu joefuo Godido oemareve.

1 Tesaroniasi 3:10

No mu maza noka oe nuvuone ijiakuma Godi baname isoena kuaga fu ifejuoga no una nikubae jone giakuae no ije vierafe. Fu ifejuoga no una vua giana vame bino ja oe jone ijia ma vierafe rove ja naebe giriesana kevo ije una nijasiakuae vierafe.

1 Timoti 2:7

Ijadufuo naka ma kuaria ro na kufuimevo baki. Godi fune na kumema ijadufuo na Afasero rena e Jiusi baki ije vua fuone maeje nijasiako bu Jesu Kuraesi ma vierafeve.

2 Timoti 1:3

Ro Timoti na baname none na mumaza isoevo ije naka a vierafekinu Godido baname isoena oemarevo. Naka asaerafa none izege bu reva nadua nane ijiege oe none ijia mukoreigia vierafekinu fuefuo imenoeve.

Firimoni 1:4

Eko Firimoni uviano, maza boeje na baname isoevo ije naka oefuo isoekinu Godido oemareve.