Revaresoni 7:3 - Godido Vua Maeje

³ Fu kume, Jade aesakae ijiakiro ine ro davare ije kena isekafiavo. Ja nime samuake no Godido nuga ije e Godido imejo ijiebuo variatare ijia nama arega ja sone kena isekafiano kumei.

Revaresoni 7:3 ပူးပေါင်းရင်းမြစ်များ

Una Kaenamiae 12:13

Ro jaeje fanuve kavuane ja kena are ja karivo viene guegue ro ado ijia aziva ijare nuga igege ijia namo ijadufuo na ijia gake. Na kavuane ije gakuva nabe ja kaniakiro na asidiana e Ijifiko ijiaru isekafiake.

Una Kaenamiae 12:23

Ja ijiege reke E Ireobo fu ijia oenoekinu e Ijifitiko ije kaniamo fu viene jone ijia fanu kavuane ije gakuma are jone fu asidiake. Ro fube anera fuone fu e kaniaga bu oevo ije kuaga fu are jone ijia aruna ame fari amure jone ije kaniaga bu oeke.

Matiu 24:22

Rove Godi maza ije fu naebe ufuna una ari ruaemabitie fu e be erare ni uria fivakuma baki. Ro fune Godire e ije fu umui bijiaema ije buefuo maza ije abe ufuna una arike.

Matiu 24:31

Areme gibi ka mamekanu ijiebe ijia ufekega na anera none kena uniaga bu aesakae igadufuo kusoe binobino ijia oenoeke. Bu ijia oenoekinu e none na umui bijiaeva bu aesakae binobino ijia karinoeva ijene kaenamiana una besu afuikono kiae.

Joni 12:26

Ro e be erare fu noefuo imekiro vierafekuma nika uri na kenoevo makae none ijia nuvediefo. Ro e ije noefuo imenoevo ije bu are iziebureki na fivo bu naena ijia karike. Ro kuke erarebe bu noefuo imenoevo ije Asoe none fuka bu kame aroriakono kiae.

Joni 3:33

Ro erare fu vua fuone ije mukoe fiema ije fu vierafero Godi fuka maro fu ijiege vierafemo.

Romeni 6:22

Iviama fune Godire ja karauniae ro fure oe jone samuagiamo ijadufuo jane ise jone ja renoejo ije arena una i fuone menoeve. Jane una e akae fuone reva ijadufuo Godi fune vame ma karivako ije abe miame.

Revaresoni 13:16

Mave kuriae ije fudua fu e boeje e mamekanu ro isesina ro e sinuome zaraeva ro sinuome baki ije kuriaerega bu nuga fuone ije abekiro fu ijiege rei. Ro kuke fu e ije bu e guebuo moni baki imevo ijiakiro e ije bu e guebuo imevo baki ije kuriaerega bu nuga fuone ije umui tare maeneke ro variatare ijia isoekuae fu ijiege rei.

Revaresoni 13:17

Ro e ije nuga naebe abema ije fube ire bino fuaevekinu ro ire gue kena una e guebuo fuaeveke. Ro fune e ije fu mave kuriae ijadufuo ive ro naba ije abema ijare fu ire fuaevedufuo.

Revaresoni 14:1

Areme na una kuke gake Mave-Sifi Ame ije fu uruo Zaeoni ijia manino na gae. Ro fu manino ijia bu e fuone uvani aderedi foti fo taoseni (144,000) ijiege bu ijia irei. Ro variatare buone ije bu ive fuone ijiakiro Asoe fuone ijadufuo ive ijene isoe.

Revaresoni 14:9

Areme anera be fudua anera inokiro ije bu ude baraejona ruaeva ije nuvediana ruae. Fu ruakinu uruvana vijena kumei, Eranebe mave kuriae ijiakiro mave kavene kufui ije bu umui amaeriva ijiebuo nuga ije kena variatare ijiakiro farane ijia nana buone baname isoevo ije Godi fu kame isekafiake. Ijadufuo maeje e ije fune korufuo Godido vuaeni kugi fu ziena e kame isekafiamo ije fu vese nijaema ije dabe do igege fuone ruorenami. Ro e ije bu do vuaeni kugi ije abe rueva ije bu Godido anera akae ijiakiro Mave Sifi Ame ijiebuo nidua ijia miane kavuaema naeno bu kua sarufano kuavo ijia vajae fiane ireobo abedufuo.

Revaresoni 19:2

Ro e ije ise renoejo ije fu kena mazie giamo ije funeka mukoreigia reme. Godi nuvuone ijare sidove ije fu bara igege maza boeje ebuo baru turana vame ise remo ije dabe isekafae. Bara ije fu ijiege fina ise rekoke ise fuone ijare aesakae boeje funeka dabe arafirime. Ro Godire fu dabe isekafae ijadufuo maeje fure e ije Godido imejo ije kaniamano kumei.

Revaresoni 20:4

Na ijia manina saove ijia fata bino e ijia ajia kariva ije giae. Ro e ije kariva ije bu Godire daro vajiaga bu e boeje ijiebuo ise ije kena mazie giadufuo ijiebe ijia kari. Ro na kuke e ije bu ijuebaki Jesudo vua maeje dabe e kuarianoevoga bu kaniaeva ijiebuo kavene ijene ijia giae. E ije bu kine ise mave kuriae ijiakiro kavene umui amaeriva ije naebe buone baname isoekinu ro naebe nuga bino variatare ro farane ijia nae. Ro bume una urina e mamekanu rena juaevasia uvani taoseni bu Kuraesina ume ige samuana kari.

Revaresoni 22:4

Ro kuke Godido nikubae ije bu ijia gake ro ive fuone ije bu variatare buone ijia isoejiake.

Revaresoni 6:6

Areme na fieke ire fo ni uria kariva ije uve ijia ire be fu e igege vua kuaena kumei, E ije kikekimiaga bu moni mamekanu karana ire isesina ijia koreno kumei. Ijadufuo e bu mu besu imekuva bu raesi fasoro besu fuaeveke ro baga farava fasoro besu fuaeveke. Ro ine orivi sunine ijadufuo safine ijiakiro ire vuaeni safini ije ade faradia giamono kumei.

Revaresoni 7:1

Na ire ije gia furi areme na una gake anera inokirokiro inokiro ije bu ume igadufuo kusoe guegue ijia irei. Anera be fu kusoe ije mazani ajiamo nake ijia manikoga be fu kusoe mazani koeno nake ijia mani. Ro inokiro bu ikene guegue ijia irei. Bu irena majaufi ije bu ufina ire boeje aesakae guove ijia naovo ijiakiro davare ije fu avaemo ije bijukuriana irei.

Revaresoni 7:2

Areme na una mazani ajiamo nake ijia gake anera be fu vajae fuone ijia Godi ije maza boeje fivako ijadufuo nuga ije fu vajae fuone ijia nako fu ajiana ruome. Fu anera inokirokiro inokiro ije Godi fu daro miana kia, Jare aesakae igiakiro davare ije kena isekafiano kiaema ije uruvana kumei.

Revaresoni 9:4

Fu daro miana kia, Jade ire bino ume igia ireva ire vajoma ro ine ro ire bino bu tavuavo ije arafiriakinu sakiavo. Ro nime e ije eranebe bu Godido nuga ije naebe variata buone ijia naeva ijiaru sakiano kiae.