Revaresoni 7:2 - Godido Vua Maeje

² Areme na una mazani ajiamo nake ijia gake anera be fu vajae fuone ijia Godi ije maza boeje fivako ijadufuo nuga ije fu vajae fuone ijia nako fu ajiana ruome. Fu anera inokirokiro inokiro ije Godi fu daro miana kia, Jare aesakae igiakiro davare ije kena isekafiano kiaema ije uruvana kumei.

Revaresoni 7:2 ပူးပေါင်းရင်းမြစ်များ

Matiu 16:16

Areme e Saemoni Fita fu una kuae, Na vierafega aeje aka Godi ije maza boeje ijia fivako ijadufuo Fari. E ije bu isuibe kuae fu ruakono kuaema ijeno kuae.

Matiu 26:63

Fu ijiege kuaramoga Jesu fu vua bino naebe una vegue kuarae. Ijadufuo fu una kuae, Nika Godi ijia fivako ijadufuo ive ijia kurana vua maeje kuaruone. A vierafega ane ma Godido Fari e ije fu ruakono kuaema ijega ni ijiege kuaruo no fieno kuae.

Joni 6:27

Ro igia fie, jade maza boeje uri ire ja idufuo ijiaru vierafenoevo. Ijadufuo maeje ire ije maza rade buka bakireke. Ro nika uri ire ije ja ina maza boeje ijia karivadufuo ije vierafena ijadufuo imenofo. Ro ire ije Ema ijiebuo Fari ige nare ja vajiadufuo. Ijadufuo maeje fune Godi Asoe none ijare ire ige na renoevo ijadufuo daro miemano kiae.

Ifisiani 1:13

Ro kuke ja Godido vua maeje ja mukoe fie ro ja Jesu Kuraesi ma vierafeva ijadufuo vua ma ijare ja karauniame. Ro maza ije ja Jesu Kuraesi ma vierafeva ijia Godi fu Kavene Akae fuone fu isuibe kena vajiako kiaema ije fune kena oe jone ijia nuga igege naejiae.

Ifisiani 4:30

Ro jade oenoeno uri vua ise bino kuaena Godido Kavene Akae ije oefiane mavo. Ijadufuo maeje Kavene Akae ije fu oe jone ijia fino. Ro kuke fu Kavene Akae ijare nuga igege jaena namo ijadufuo vakuma rade maza abekuma Godi fu ja karauniake.

1 Tesaroniasi 1:9

Ijadufuo e boeje buka izege ja no oetuana kaenamueva ijene dabe kuaenoeve. Ro kuke buka izege ja godi binobino kufui ije arena una Godi ma ije fu maza boeje ijia fi vako ijadufuo imevo ijene dabe kuaenoeve.

2 Timoti 2:19

Rove Godido tugie gikikimana mune ijieki ije fu abena saema ije fuka uria mukoreigia manine. Ijadufuo maeje Godido e ije bu ma vierafevo ije buje bu tugie ijieki. Ro Godi fu e fuone ijiebuo tugie ijadufuo fu ijiege kuae, E Ireobo ije fu eranebe bu e fuone reva ije fune vierafei. Ro kuke vua be fu ijiege kuae, E boeje eranebe bu kuae no E Ireobo ma vierafevono kuaevo ije buka vame ise ije mukoreigia aguariano kuae.

Iburu 12:22

Rove iviama Kuraesi jaeje fu naebe kaenamiana ruoma uruo ijieki be ume igia ja umui jone ijia farena gaeva ijia uniae. Ro jaeje fuka kaenamiana saove ije Godi fu fino ivuake ijia ruae. Jaeje fu izege e asaerafa jone ije bu uruo Zaeoni Jerusareme sidove ije Godi e daroki fu fino ijia fuone baname isoekinu aroekuae ruaeva fu ijiege kaenamia ruae. Ro kuke fu kaenamiana anera ma uruvana e bu dadufuo baki ije kariva ijia ruae.

Revaresoni 1:3

E ije erare fu ire ije bu rade rekuvejo ije mukoreigia dana fiemo ije fuka oemaredufuo. Ro kuke erare fu vua ije bu isoeva ije fie areme kena oe fuone ijia nana iriniamo ije fudua fuka oemaredufuo. Ijadufuo maeje maza ije fune ivuaredo ire boeje fu redufuo.

Revaresoni 10:1

Areme na kuke ijia manina gake anera daroki be fu saove ijia amite uve ijia burana ari ruome. Ro nigofo fuone ije fuka ire anuage ijare sakura. Ro nikubae fuone fuka maza igege sanae ro masiane fuone buka miane igege naene.

Revaresoni 10:4

Bu kumevoga na migegire vua ije isoekuvejoga e be fu saove ijia na kume, Saove seveni ije bu kumena vua ije kuaevo ije ade isoemo. Ro vua ije nime mauike oe one ijia vierafena areno kumei.

Revaresoni 16:12

Areme anera sigisi ije fune disi fuone ije dabe do ireobo Iufureti kuavo ijia usiakorei. Fu ijia usiakoremoga do ije fuka si furi. Ro do ije fu si furima ije fu e kini boeje are mazani ajiamo nake samuavo ijiebuo vame amaerijiae.

Revaresoni 5:2

Areme na gakoga anera ka ma daroki ijare uruvana vijena kumei, Erare fu manido fu kaje tamuge ije kania turana buki ije uti nijaeva ije abena irakono kumei.

Revaresoni 8:3

Ro anera be fu ire udi mukore urimo bu ifaejavo ijadufuo disi ije bu ire gorodi ijia amaeriva ije abena ruoma fata ije bu Godi zinone ifaejavo irifo ijia mani. Anera ije bu ire udi mukore urimo boeje kena vajavo fu kena e Godi ma vierafena fuefuo imevo ijiebuo baname ijiakuma una Godi zinone ifaejae.

Revaresoni 9:14

Ro vua ije fu anera sigisi ije kume, Ni anera inokirokiro inokiro ije bu kena kiriama do Iufureti irifo ijia uniaeva ije iraseno kumei.

Revaresoni 9:4

Fu daro miana kia, Jade ire bino ume igia ireva ire vajoma ro ine ro ire bino bu tavuavo ije arafiriakinu sakiavo. Ro nime e ije eranebe bu Godido nuga ije naebe variata buone ijia naeva ijiaru sakiano kiae.