Revaresoni 4:9 - Godido Vua Maeje

⁹ Ire fo ni uria ije kariva ijiebe e ije fu fata ijia maza boeje fivako ijadufuo sanaema ije dabe aroekinu oemarejave.

Revaresoni 4:9 ပူးပေါင်းရင်းမြစ်များ

Una Kaenamiae 15:18

Ro E Ireobo aeje aka maza boeje kini rena e one samuagiakinu vake.

Iburu 7:25

Ijadufuo fune fure iviama ro maza boeje fikinu e ije eranebe bu fuone duvado ijia Godido ruovo ije ise buone boeje ijia foteke karauniame. Ijadufuo maeje fure maza boeje ijia fina e fuone vafariana Godi baname isoemo.

Iburu 7:8

Ro e Isureroko buka sinuome buone gue atana e mamekanu buone Godi zinone ifaejevo ije vajiaga bu kevo rove buje bume ema bune oe. Rove no vierafe e Mekisideki fuje fu e ijieki baki ijadufuo fuje fume maza boeje ijia fivake.

Revaresoni 1:18

Ro kuke fu kie, Naeje na e ije maza boeje ijia fivako ijene ro na ude kurosi ijia baronei ro na una urina ni uria five. Ro na oevo ijiakiro are ije bu oena va karivo ije na daro none ijia samuagiavono kie.

Revaresoni 10:6

Fu akoekinu Godi ije fu maza boeje ijia fivako ro kuke fu saove ijiakiro sakae ro ire boeje ijia oenoevo ije amaeriaema ijadufuo ive ije kurae. Fu kurana kumei, Ire ije rekuveno ije fube areke ro kuke fuka saroekuma bakino kumei.

Revaresoni 15:7

Areme ire fo ni uria kariva ije be fune urina anera seveni ijene disi gorodi ijia amaeriaeva ijene seveni kena vajiae. Ro disi ijia buka Godi ije maza boeje ijia fivako ijadufuo ziemo ijare ijia iritoeje.

Revaresoni 21:5

Areme e ije fata ijia fino ije fu kumei, Igia gafo. Iviama na ire boeje kena una iviaeko revono kumei. Ro fu una kuke kie, Vua ige isoene ijadufuo maeje vua ije fuka ma ijadufuo buka ma vierafekono kumei.

Revaresoni 4:2

Areme saroruba Kavene Akae ijare na dabe nirokiemo na saove ijia gake e be fu Godido fata ijia fine.

Revaresoni 4:8

Ro ire fo ni uria karivo ije besubesu buka adave sigisi (6) ijiege bijianae. Ro ire ijiebuo vajae boeje foteke ro adave rotire ije buneka niome ijiebe okuriae. Ro ire ije kariva ije bu mumaza bu kuaevo, Akae Akae Akae Godi E Ireobo ije fuka E Daroki. Fu iko zinume ijia fi ruae ro iviama fu uria fine ro rade fu una ruadufuo.

Revaresoni 5:1

Ro na kuke e ije fata ijia fino ijadufuo umui maeneke ijia gake fu ire be buki igeki bu utiva ijene farena fine. Ro ire buki igeki ije fu farena fino ije bu guegue isoena okurama arei ro kave ijia bu kaje seveni tamukuriae.

Revaresoni 6:16

Bu ijia sauikinu uruo ijiakiro mune mamekanu ije kumevo, Migegire tuana no okuruofo. No e ije fata ijia fino ijadufuo niome ije gaga fuka judumuome. Ro kuke no Mave-Sifi Ame ije fu no isekafuokiro ziemo ije gaga fuka ma gikikimana ijadufuo migegire tuana no okuruone.

Revaresoni 7:15

Ijadufuo bu mumaza Godido Are ijadufuo fata ije namo ijadufuo nidua ijia imeve. Bu ijia imeko e ije fata ijia fino ijadufuo daro fete ijare bu samuagiame.