Revaresoni 4:2 - Godido Vua Maeje

² Areme saroruba Kavene Akae ijare na dabe nirokiemo na saove ijia gake e be fu Godido fata ijia fine.

Revaresoni 4:2 ပူးပေါင်းရင်းမြစ်များ

Matiu 22:43

Areme Jesu fu una kuke kiae, Ro ja vierafega Kavene Akae ije fu irerefuo Devidido oe ijia vierafejamo fu e ije dabe E Ireobono kuae? Ijadufuo maeje fune Devidire buki akae ijia ijiege isoe. Godi E Ireobo ijare una e ireobo none ije kuako, Ni ige umui maeneke igia fine. A ijia fike na e ani one bu aena nigaraenoejo ije kena kania areme ke dia rotire one ijia uniano kuae.

Iburu 8:1

Ro vua boeje na kuariavo ijadufuo zinume ijeja E Ireobo zinone ifaejemo nuvuone ije fune Godi ka ma daroki saove ijia fino ijadufuo umui maeneke ijia fine.

Revaresoni 1:10

Ro na e Ireobo ijadufuo mazani ijia Godido Kavene ijare na nirokie. Fu nirokiemoga na ijuone none ijia fieke vua be fuka uruvana vegu igege ufei.

Revaresoni 12:5

Ro bara ije fune ame ije fu daro abena aesakae boege samuagiadufuo ije bietei. Fu bietemoga ire duregoni ame ije fu naebe saki. Ijadufuo maeje fune Godire ame ije kamazana mesiri fata ije fu fino ijia vae.

Revaresoni 17:3

Na ijia manivoga Kavene Akae ije fu na nirokiemoga anera ijare na dabaniena ae sao ijia vae. Na ijia va gake bara ijare mave kuriae vajae kavuane ijia ajiana fine. Ro mave ijadufuo vajae ijia bu vua bino isoena Godido ive dabe buzei. Ro mave kuriae ijadufuo nigofo ije fuka seveni ro ire muane fuone ije buka teni.

Revaresoni 19:4

Ro e uguaeki tuaedi fo ro ire fo ni uria kariva ije bu tuana Godido fata fu fino nidua ijia dijena fuone baname isoe. Bu baname isoena kuavo, Funeka marema ijadufuo no Godido oemareve.

Revaresoni 20:11

Areme na fata abaeki be e ijia ajia fino ije gae. Ro Godido nidua ijia aesakae ijiakiro saove bune bakirena vakoga na naebe una giae.

Revaresoni 21:10

Fu ijiege kiekoga Kavene Akae ijare na nirokiemoga anera ijiebe na mesiriena uruo ireobo ijadufuo kubi ijia ajia vae. No ijia ajia usiaena fune Jerusareme sidove akae ije saove ijia Godire kuaga fu arina ruomo ije nijasie.

Revaresoni 21:5

Areme e ije fata ijia fino ije fu kumei, Igia gafo. Iviama na ire boeje kena una iviaeko revono kumei. Ro fu una kuke kie, Vua ige isoene ijadufuo maeje vua ije fuka ma ijadufuo buka ma vierafekono kumei.

Revaresoni 3:21

Ro erare fu mukoreigia Setanido vame ise fu biesirimo ijia naebe mamoe ro fu giriesana asidiamo ije nare daro maga fu fata none maeje irifo ijia fike. Fu izege na e boeje ise renoejo ije asidiavoga Asoe none fu fata fuone maeje miega na fivo ijiege na kuke e ije kuaga fu fata none irifo ijia fike.

Revaresoni 4:10

Bu ijiege rekoke e uguaeki tuaedi fo (24) ije kariva ije bu e ije fu fata ije maza boeje fivako ijadufuo nidua ijia tuana umeke dijena fuone baname isoeve. Bu ire ije gorodi ijia amaeriaeva bu nigofo buone ijia saeva ije kari fata rotire ijia korekinu kuaevo, Aeje aka E Ireobo ro Godi nuvuone. Are ire boeje no giavo ije amaeriae. Ro are vierafe one ijia kena uniaema ijadufuo bu ni uria karina imeve. Ijadufuo no daro one ka ireobo ijiakiro one sanaema ije no arorana kafiafirakinu oemarejavo ije fune marema ijadufuo no ijiege renoeve.

Revaresoni 4:5

Areme na gake saove ijare Godido fata ijia karana sanakinu uruvana guroeme. Ro Godido fata ijadufuo nidua ijia na gake ire raete seveni ijiebe ubine ijia naena sanave. Ro raete ije sanamo ije Godido Kavene seveni ijene.

Revaresoni 4:9

Ire fo ni uria ije kariva ijiebe e ije fu fata ijia maza boeje fivako ijadufuo sanaema ije dabe aroekinu oemarejave.

Revaresoni 5:1

Ro na kuke e ije fata ijia fino ijadufuo umui maeneke ijia gake fu ire be buki igeki bu utiva ijene farena fine. Ro ire buki igeki ije fu farena fino ije bu guegue isoena okurama arei ro kave ijia bu kaje seveni tamukuriae.

Revaresoni 5:13

Areme na kuke fieke ire boeje Godi fu amaeriaema bu saove gufia ro ume igia ni uria oenoevo ro sakaekiro davare guove ijia oenoevo ije bu oemarekinu dua uruve. Bu dua urukinu kumevo, E buka maza boeje e ije fata ijia fino ijiakiro Mave-Sifi Ame ijiebuo daro ijiakiro sanaema kame aroriana oemarekinu vakono kumei.

Revaresoni 6:16

Bu ijia sauikinu uruo ijiakiro mune mamekanu ije kumevo, Migegire tuana no okuruofo. No e ije fata ijia fino ijadufuo niome ije gaga fuka judumuome. Ro kuke no Mave-Sifi Ame ije fu no isekafuokiro ziemo ije gaga fuka ma gikikimana ijadufuo migegire tuana no okuruone.