Revaresoni 20:3 - Godido Vua Maeje

³ Areme bune dabe mako ijia abiesena viene bijukurae. Bu vierafero fu una kekena e aesakae igia oenoevo ije arafiriakiro bu ije bijukuraedo fu juaevasia uvani taoseni (1000) ijiege fu ijia fidufuo. Fu ijia fina juaevasia ije furiga bu seni irasega fu una kekena maza aokube ijiaru ume igia oenoeke.

Revaresoni 20:3 ပူးပေါင်းရင်းမြစ်များ

Matiu 24:24

Ijadufuo maeje mazani ijia e bino bu usiaena ja biesiriana kiako, Naeje na e ije Godi fu kiemo na ruaeva ijeno urina na nuvedieno kiake. Ro gue bu usiae biesiriana kiako, Noeje no e Godido vua vierafena kuaevo ijeno kiake. Bu ijiege kuaria areme uri nuga ro ire sumiki binobino reke. Ijadufuo maeje bu vierafe buka e ije Godire umui bijiana kema ijiebuo oe ije kame iserekuae buka ijadufuo giriesake.

Matiu 27:66

Ijadufuo e ije bune una va e juo karivo gue kaenamiana mako ije samuakuae vae. E ije bune uri mako viene ijia ane oena areme bu ijia samuana kari.

Maki 4:15

Ro e gue bune uije ije bu duoena vame ijia ariva ijieki. Bu vua none bune fievo rove Setanire migegire ro vua none bu fiena abe oe buone ijia nijavo ije fune kekena kari vako.

Ruki 8:31

Ijadufuo kavene ise e ije niroevo ije bu urina Jesu soesoena kuae, Aesekie ade no kena mako ije dibue baki bu kavene ise isekafiavo ijia samono kuae.

2 Koriniti 11:3

Rove na vierafe e gue buka nigofo jone kame arafiriajiaga ja Jesudo vame mukore ja kenoejo ije janeka arekuvejo ijadufuo naka judieme. Isuibe tabare Setani fu bara Ivi biesirimoga fu vame ise ije rei. Ijadufuo na vierafe e iti kufuiki ije bu nijasianoejo ije buka vame besu ijiege ja biesiriaga ja Kuraesido vame maeje ja kenoejo ije jaka ijuonedufuo.

2 Fita 3:8

Ijadufuo kairafano jade vierafero E Ireobo ire ije fu rekiro kuaema ije fu saroena rekiro jade ijiege vierafevo. Ro kuke ni mukoreigia vierafekiro jade totevo. Ijadufuo maeje juaevasia uruvana (1000) furidufuo fu vierafena kuaema ije fuka jiamadogo baki ro fuka mu besu igeki. E gue bu vierafero E Ireobo ije fu saroemo ijadufuo vua ije fu una ruakiro isuibe fu kuaema ije fu naebe ruakiro bu ijiege vierafeve. Rove nika mukoreigia vierafefo. E Ireobo fuka sone oe vafaena ja samuagiana fine. Ijadufuo maeje fu e besukua be fu dabe isekafadufuo ije fuka ijuoneme. Ro fu vierafe e boeje noka ise ije no renoevo ije arena una fuone vaga fu no karaunuokiro fu ije vierafeme.

Revaresoni 12:9

Bu ire duregoni ireobo ije bu dabe abievo fu arina ruaema ije fu isuibe ijia fina ruae. Ro ive fuone be bu kua Setanino kuavo fu e boeje ume igia oenoevo ije biesiriamo. Bu saove ijia fu dabe akoevoga fu anera fuone ijena ume igia ari ruae.

Revaresoni 13:14

Ro Godi fu mave kuriae ije rade ruaema ijadufuo vame fu naebe bijukurae. Ijadufuo fu mave kuriae be ije ude ruaema ijadufuo akaegue ijia ire sumiki bino rena e boeje ume igia oenoevo ije biesiriana kaenamiae. Ro mave kuriae ije rade ruaema ije fu kuke kiamo bu ire be mave kuriae ije bu ude sime ijia bijae rove fu naebe baronema ijieki ije amaerina fuone baname isoeno kiae.

Revaresoni 17:2

Ro e kini aesakae binobino samuagiavo ije buka fuina vame ise ije renoevo. Ro kuke e boeje aesakae ijia oenoevo ije bu vame fuone ka ise ije bune do vuaeni igege dabe ivo buneka nigofo iseradiae.

Revaresoni 17:8

Fu kie, Mave kuriae ije a gaema ije ude fu ni uria finoe rove iviama fu naebe una ni uria fine. Fu mako ije dibuore game gavo baki ijia ajia ruakuvene. Ijadufuo fu ajia kekekuma Kuraesi fu dabe ma urukeigia isekafaga fu furike. Ro Godi fu e ije bu maza boeje ijia karivadufuo ijiebuo ive ije fune isuibe aesakae ige naebe amaerima ijia buki ijia isoe. Ro e ije eranebe ive buone bu naebe buki ijia isoeva ije bu mave kuriae ije gakuva buka oeseradiake. Ijadufuo maeje fu isuibe ijia fi ruae ro iviama fune ma bakirei ro rade fu una samadireke.

Revaresoni 20:1

Areme na gake anera be fu saove ijia arina ruome. Ro umui fuone ije fu mako ireobo ka dibuore game gavo baki ijadufuo ki ijiakiro ire seni irufuima ijene faradiae.