Revaresoni 2:9 - Godido Vua Maeje

⁹ Ro na irufui jone ije nane vierafei ro na vierafega ja ume igadufuo sinuome ije jaka baki. Rove ja una kavene ijadufuo sinuome ijia jaka uruvana zarae. Ro na e ije bu kuae bu e Jiusino kuaevo ijiebe vua ise bino joesina kuaevo ije nane fiena vierafei. Bu e ijiebe Jesu ijuonena una Setanido e rei.

Revaresoni 2:9 ပူးပေါင်းရင်းမြစ်များ

Matiu 4:10

Areme Jesu fu una gue kuae, Setani garege vane. Ijadufuo maeje vua ije bune isuibe buki akae ijia isoena kuae, Janika E Ireobo Godi jone ma ijiaru fuosukua baname isoekiro jade una e gue iriniavono kuae.

Ruki 12:21

Areme Jesu fu uri vua fuone kuaria furikiro kiae, Vame besu ijiege e buka sinuome zaraena karike. Rove bu naebe Godi ma vierafekuva e ijieki ije bu Godido nidua ijia buka e sinuome baki igekino kiae.

Ruki 22:65

Bu ijiege rekinu uri arafirina vua ise binobino fuesina kuae.

Ruki 4:18

Godido Kavene ije fune na nirokie. Ijadufuo maeje fune Godire na umui bijiena kie, Ni vua none maeje abe va e ije isema karinoejo ije kuariane. Ro kuke ni va e ije dibure karijo ijiakina e ni kuzeki ije ro kuke e ije erabe bu e ise ijiebe samuagiavo ijene karauniane.

Ruki 6:20

Ijiege rena Jesu fune uri e vua fuone fievo ije giakinu kiae, E sinuome baki ije janika Godido oemarefo. Ijadufuo maeje Godire ja kega ja una e ije fu oe buone ijia samuagiamo ijena mazieke.

Joni 16:33

Na vua ijiege kuariaekina vua ije fu ifejiaga ja oemarekinu dazena karinoeke. Ijadufuo maeje e ume igia ise renoejo ije buka ire ise binobino jone rega jaka isejavaeke. Rove igia fie, ume igadufuo daro ije nane nare asi ijadufuo maeje daro none ije fuka ma ireobo. Ijadufuo jade mamoekiro nika giriesano kiae.

Ekisi 14:22

Ro Forukiro Banabasi bu vierafe buka e Jesudo vua fievo ije soesoena ejafiaga bu uria giriesana Jesudo vame ijia nuvekuae bu ijiege vierafei. Ijadufuo bu urina vua maeje dabe e ije kuariae. Areme bu kuke nijasiana kiae, Ume igia no karinoejo ije noka irufui uruvana biediakinu isejavaeke. Rove no uria giriesakuva no una e ije Godi fu oe buone ije samuagiamo ijena besu maziekono kiae.

Ekisi 26:11

Na vierafe naka vame bino ijia bu kame arafiriaga bu buone ma vierafevo buka arekiro na ije vierafe. Ijadufuo maza boeje naka are bu afuina vua kuaevo ijia aruna e ije kame vame ise ijia arafiriae. Na e ije naka bu mukoe ziegafiaeva ijadufuo maza gue na va e ae binoko ijiebuo sidove binobino ijia e ije faradiakinu rerianoe.

Romeni 12:12

Ro ja ma vierafega Godi fu rade ire ma bino jone rekuma ije nika oemarekinu samua karinoefo. Ro kuke ja oenoene vajae fiane binobino biediana isejavaekuva ije nika sone oe vafaena biediafo. Rove maza boeje nika giriesana Godido baname isoekinu karinoefo.

Romeni 2:17

Ro iviama vua ige na e Jiusi ja kuariakuvejo fiefo. Ja kojo ja kuae nono e Jiusino kuaeve. Ja maza boeje ja Godido akae ijia bijuana karikinu kuae, Nono Godido nidua ijia none vame maeje ijia kenoedo Godi fuka no guona oemarekono kuae.

Romeni 5:3

No Godi fu rade no kaenamuoga no fuina karidufuo no ijiaru oemarevo baki. Ro no kuke vajae fiane bino no ume igia biediakinu isejavaevo no ijadufuo oemareve. Ijadufuo maeje na vierafega vame ijiege no isejavaevo ije fu no ifejuoga no uria giriesana Godido vame maeje ijia kenoedufuo.

Romeni 8:35

Jesu Kuraesi fuka no ireobo oetuaemo ijadufuo fu erare no kaenamuo una gariebo be unuokuma baki. No maza gue noka isejavaekinu vajae fiane abeve. Ro kuke noeje no Jesu Kuraesido e no fuefuo imejo. Ijadufuo e gue buka nuvuesina kuaekinu ise binobino nuvuone reve. Ro maza bino noka irekiro sinuome baki reve. Ro kuke maza bino e buka no oedufuo ijia kanuove. E buka ire ise ijieki boeje ije nuvuone reve. Rove bu ire ijiebe no maniaeruga no Jesu Kuraesi izege fu no oetuamo ije arena vako baki.

Romeni 9:6

Ro Godi irere fu e Jiusi ijiebuo rekiro kuaema ije fu arekuma baki ro fuka reke. Rove e Isureroko gue bu Godido e reva baki. Godi fu isuibe e Eburame ijiege kuae, Na fari one Aeseki daro maga fure e uifari one na kuaraeva ije tuanakono kuae.

2 Koriniti 6:10

Ro maza boeje noka vajae fiane uruvana biediana isejavaeve rove noka uria oemarekinu oenoeve. Ro kuke noeje no e sinuome baki rove no e uruvana none kaenamiana una Godido vame iviaeko ijia uniave. Ro kuke noka ma ire bino baki rove no Kavene Akae ijadufuo sinuome ijia noneka ma zaraeve.

2 Koriniti 8:2

E ije buka ma isejavaena ruae rove Godi fuka bu ma rejiamo ijadufuo buka oemarekinu imeve. Buka e sinuome baki rove buka korobuo oemarekinu vekinu moni buone ka mamekanu ije gue karana no ivajue. Bu moni buone bu imena abevo ije buka asina ajia ado gafa ijia ivajue. Ro ije bu reva ije bu e binobe kiavo bu reva baki ro bume korobuo vierafe buone ijia ijiege rei.

2 Koriniti 8:9

Ja E Ireobo nuvuone Jesu Kuraesi fu izege ja ma rejiamo ije jane vierafei. Ro kuke fuje fu Godido are ije sanaema ijia fuka ire boeje zarae. Rove fu ijia arena una nuvuefuo ume igia arina e sinuome baki rema ije jane vierafei. Jesu Kuraesi fu vierafero fu ijiege rekina ja una Godido e rena vame fuone maeje abekiro fu ijadufuo ijiege rei.

1 Tesaroniasi 3:4

Ro no uria ijia jaena kariva ijia none kuariana kia, Ire ise ijieki ije bu nuvuone ruakono kiae. Ro ire ise ije no kuariaeva ije fune iviama remo jane giana vierafei.

1 Timoti 1:13

Na ude naka vua ise fuesina kuaekinu e fuone ije kame arafiriana vajae fiane vajiae. Rove Godi fuka una none oefiane abe ijadufuo fu naebe dabe isekafie ro fume ise none giena arei. Ijadufuo maeje na naebe Jesu Kuraesi vierafeva ijadufuo irere na renoevo ije na naebe vierafekinu renoe.

1 Timoti 6:18

Ro kuke kiaga bu vame maeje ka uruvana renoekinu ro e vajuki rena maza boeje e ifejiakuae ijafunenoedufuo.

Revaresoni 1:9

No Jesudo ive ijia agane besu reva ijadufuo e Joni naeje naka uvia jone. Ro noeje noka makae fuone ijia nuvevo ijadufuo no isejavaeve. Ro kuke noka kabuaekabuaeki karina mazani ije Kuraesi fu una ume ige samuadufuo no ije samuave. Naeje bu mesiriena do uije be Fatemosi kuavo ijia nujie. Ijadufuo maeje na Godido vua ijiakiro vua maeje Jesu Kuraesi fu nijasiema ije e nijasiavoga bu mesiriena ijia nujie.

Revaresoni 2:13

Ja are izia ja kariva ije nane vierafei ro are ije ja kariva ije kavene ise Setanido fata ije fu ijia name. Ja naebe na totei ro jaka uria na ma vierafeve. Ro e Anitifasi fu naebe mamoe ro fuka ijuoebaki vua none nijasiamo ije bu kavene ise Setanido sidove ijia kanavo fu baronemoga jane gae. Rove jone ja na ma vierafevo ije ja naebe totena arei.

Revaresoni 2:2

Na ire boeje ja renoevo ije nane giana vierafei. Ja naebe mamoe ro jaka daromena imevo ije nane vierafei. Ro kuke ja e ije bu ire ise binobino renoejo ije jaka ijuoneve. Ro ja e ije bu ja biesiriana kia bu Afasero Jesudo imevono kiavo ije jane giana vierafega bu kufuimenoeve.

Revaresoni 2:24

Ro e Taetirako gue ja naebe vua ise ije Jezebero fu nijasiamo ije nuvediave. Ro kuke ja kavene ise Setanido vame sauiki gue ja naebe giana vierafei. Ijadufuo nabe una irufui binodua ado ijia vajiake. Ro nika giriesana vame maeje ja renoevo ijiaru gikikimana faradiana kariga na una ruafo.

Revaresoni 3:9

Ro ni fiefo e itikufuiki ije bu kufuimena kuae no e Jiusino kuae rove bu kavene ise Setanido e ijiebe afuina kufuimenoeve. E ije nare kiaga bu ro nidua jone ijia augesana ja kurituakafiake. Bu ijiege revo ijia vierafero na ja oetuavoro bu ijiege vierafeke.

Revaresoni 7:14

Ro na kuae, E ireobo naeje na naebe vierafe ro aeje ane vierafemano kuae. Ijadufuo fu una na kie, E ije ireva ije bu e ije bu vame ise ijia isejavaena ruoma ubine ijia usiaeva ijiebe irevano kie. Ro ugone buone bu saeva ije fune Mave-Sifi Ame ijadufuo kavuane ijare soejiamoga bune una abaekirae.