Revaresoni 17:9 - Godido Vua Maeje

⁹ Ja vua ige na kuariakuvejo ijene mukoreigia fiekuva ja vua ijadufuo zinume maeje fiedufuo. Mave kuriae ijadufuo nigofo seveni ije bu uruo seveni ijene. Ro bara ije fu uruo seveni ije ireva ado ijia ajiana fine. Ro kuke uruo seveni ije bu kini seveni ijene.

Revaresoni 17:9 ပူးပေါင်းရင်းမြစ်များ

Matiu 13:11

Bu ijiege kuaravoga Jesu fu una kiae, Na vame sauiki izege Godi fu e fuone ijiebuo oe ije samuagiamo ije nane e ije ja na nuvedievo ijene kuariana nijasiae. Ro una e gue ije nabe samadukua nijasiakiro name ijiege ke mena kuariake.

Matiu 24:15

Jesu fu ijiege kuaria areme kiae, Ja Are bu baname isoevo guove ijia ro fata akae ije bu zinone ifaejevo ijia ire ka omeise be ja gake. Ro e Daniero e ije Godido vua vierafena kuaemo be ije fudua fune isuibe ire omeise ijadufuo isoena kuae. Ijadufuo ni ire ise ije fu rekono kuaema ije vierafefo. Ja ire ije gakuva ni e boeje Judia guove ijia kariva ije kiaga bu migegire subinaena uruo mamekanu ije irevo ijia vafo.

Revaresoni 13:1

Areme na una gakoga ire mave kuriae ijare davare guove ijia ajia kekei. Ro nigofo fuone ije buka seveni (7) ro muane fuone ije buka teni (10) ro muane buone besubesu bu ire gorodi ijia amaeriaeva ije saejiae. Ro nigofo besubesu ijia bu ive ise ije ijia isoe ijadufuo maeje bu Godido ive ije dabe buze ikuae bu ije isoe.

Revaresoni 13:18

Ro ni vua ige mukoreigia fiefo. Erare fu mukoreigia vierafemo ije ni mave kuriae ijadufuo naba ijadufuo maeje rerena vierafene. Ro naba ije fu sigisi aderedi sisiti sigisi (666). Ja naba ije kena besu maziena dakuva ja mave kuriae ijadufuo ive ije gake.

Revaresoni 17:18

Ro bara ije a gaema ijeja sidove daroki ije fu kini ije bu aesakae binobino samuagiavo ije samuagiamo ijene.

Revaresoni 17:3

Na ijia manivoga Kavene Akae ije fu na nirokiemoga anera ijare na dabaniena ae sao ijia vae. Na ijia va gake bara ijare mave kuriae vajae kavuane ijia ajiana fine. Ro mave ijadufuo vajae ijia bu vua bino isoena Godido ive dabe buzei. Ro mave kuriae ijadufuo nigofo ije fuka seveni ro ire muane fuone ije buka teni.

Revaresoni 17:7

Na ije gavo fuka oeseradiemoga anera ije fu kie, A irerefuo oesereme? Nare bara ijiakiro mave kuriae nigofo seveni ro muane teni ije fu bara ije nakusema ijadufuo maeje bu sauiva ije kuarako ni fieno kie.