Revaresoni 17:3 - Godido Vua Maeje

³ Na ijia manivoga Kavene Akae ije fu na nirokiemoga anera ijare na dabaniena ae sao ijia vae. Na ijia va gake bara ijare mave kuriae vajae kavuane ijia ajiana fine. Ro mave ijadufuo vajae ijia bu vua bino isoena Godido ive dabe buzei. Ro mave kuriae ijadufuo nigofo ije fuka seveni ro ire muane fuone ije buka teni.

Revaresoni 17:3 ပူးပေါင်းရင်းမြစ်များ

Matiu 27:28

Bu ijiege rena uri ugone fuone fu saema ije azoeja areme uri ugone jaraeki kavuane ije be dabe abiesejae.

Ekisi 8:39

Areme bune una ajia duome ijia ruovo ijia Godido Kavene ije fune Firifi mesirina vae. Fu vakoga e ireobo ije fu gake Firifi fu baga fu una fata ijia ajia fina Godido oemarekinu fune vae.

2 Tesaroniasi 2:4

Ro e ije ka ise uruvana renoeno ije fuka kavene binobino ro godi binobino ema bu baname isoevo ijiebuo vua ise kuaekinu bu kame buzeimiake. Fu ijiege rena fuka korufuo dabe e anuigi rena una ire boeje samuagiake. Fu ijiege rekinu ro kuke fuka va Godido are ijia aru fime e boeje kuariana kiako fuje fuka Godino kiake.

Revaresoni 1:10

Ro na e Ireobo ijadufuo mazani ijia Godido Kavene ijare na nirokie. Fu nirokiemoga na ijuone none ijia fieke vua be fuka uruvana vegu igege ufei.

Revaresoni 12:14

Rove Godire bara ije ume buruome ijadufuo adave ije kena vajamoga fu ke bijia areme fune baraejona ae sao ijia vae. Bara ije fu vierafe fu ijia vaekina ire duregoni ije fube sakikiro fu ijadufuo ijia vae. Ijadufuo fu ijia vakoga Godi fu juaevasia inokubeke ro asame sigisi ijiege bara ije samuae.

Revaresoni 12:3

Areme na una kuke ire sumiki be fu saove ijia remo na gae. Ro ire ije fu tabare ka ireobo kavuane bu kua duregonino kuavo ijare ijia kekei. Ro nigofo fuone ije fuka seveni ro muane fuone teni (10) ije bu ire bino gorodi ijia amaeriaeva ijene besubesu ijia sae.

Revaresoni 12:6

Ro bara ije fu kona ae sao ijia are ije Godi fu kanaufuina samuaema ijia vae. Fu va ijia mu uvani taoseni tu aderedi sisiti (1,260) ijiege ijia fikega Godi fu samuakiro fu ijadufuo ijia vae.

Revaresoni 17:18

Ro bara ije a gaema ijeja sidove daroki ije fu kini ije bu aesakae binobino samuagiavo ije samuagiamo ijene.

Revaresoni 17:4

Ro bara ije mave ijia ajia fino ije fu ugone zaraeki kazine ro kavuane ijene sae. Ro vajae fuone ije fu bidi binobino bu ire gorodi ro mune ma zine igege iramo ijia amaeriaeva ije sae. Ro umui fuone ijia fu kafusi gorodi ijia amaeriva ije farei. Ro kafusi guove ije fu ise fuone ije fu ebuo baru turamo ijiakiro vame ise boeje fu remo ijare iritoejei.

Revaresoni 18:12

Bu ugone buone boeje bu ire gorodikiro siriva ro mune mukore zine igege iramo ijia kena amaeriaeva ije bu erare fuaevekuva baki. Ro kuke ugone ka ni mukore binobino ijiakiro ire vajae azivo udi mukore urivo bu ine ijia amaeriaeva ije bu erare fuaevekuva baki. Ro kuke ire bino mave ubae ro ine ijia amaeriaeva moni mamekanu fuaevevo ro ire ajadekina mune abaeki ijia amaeriaeva ije bu erare fuaevekuva baki ijadufuo buka niraeke.

Revaresoni 18:16

Bu gakinu kuaeko, Sidove ka daroki ije fuka vame ise ijia isejavaeme. Fu ude fuka ugonekiro bidi mukore ni binobino bu amaeriaeva ije sama vajae fuone okuriana fino. Rove maza aokube igia ire boeje fufake zaraema ije fune una iremare furi. Ro e ije sisime kena davare ijia oenoevo ijiakiro e guove ijia imevo ijiakina e ije bu ijia ajiana vako ro e ije bu davare ijia kijume karana moni amaeriavo boeje bu mumabo ijia irena gave.

Revaresoni 21:10

Fu ijiege kiekoga Kavene Akae ijare na nirokiemoga anera ijiebe na mesiriena uruo ireobo ijadufuo kubi ijia ajia vae. No ijia ajia usiaena fune Jerusareme sidove akae ije saove ijia Godire kuaga fu arina ruomo ije nijasie.

Revaresoni 4:2

Areme saroruba Kavene Akae ijare na dabe nirokiemo na saove ijia gake e be fu Godido fata ijia fine.