Revaresoni 13:7 - Godido Vua Maeje

⁷ Ro Godi fu arekoga mave kuriae ije fu duregoni ijadufuo daro ije abena una Godido e ijena bijaena fure irarae kania furi. Ro kuke fure daro abena e agane binobino ije samuagiakinu aesakae ro isama ro e surive binobino ije samuagiame.

Revaresoni 13:7 ပူးပေါင်းရင်းမြစ်များ

Una Kaenamiae 9:16

Rove na naebe ijiege re ijadufuo maeje a nane ijadufuo abe nujaevado name daro none fu izieki na ijiaru abe a nijasaga e bu vua ije dabe kuaena are irore boeje ijia vadufuo.

Ruki 4:6

Areme fune una Jesu kuae, Ire boege a giaema ije nare daro none ijia samuagiavo. Ijadufuo a na augesana baname isoena aroriekuma na kuaga are ire boege samuagiakono kuae.

Joni 19:11

Faereti fu ijiege kuaramoga Jesu fu una kuae, A kie na daro abevano kie. Rove igia fie, a osukua daro ijieki ije a izege abekuma baki ro fune Asoe none gufare abe mae. Ijadufuo e ije erare na abena una a maema ije fuka ise ma ireobo remano kuae.

Revaresoni 10:11

Areme fu una kuke kie, Anika Godido vua ije abena aesakae ro e suri binobino ro isama binobino ijiakina e kini aesakae samuavo ije ire bu rade buone redufuo ijene kuariana nijasiano kie.

Revaresoni 11:18

E aesakae binoko ije bu a irinavo baki ro buka aena ziekinu nigaraeve. Rove maza ije a bu isekafiadufuo ijiakiro e ije oeva ijiebuo ise ije a kena mazie giadufuo ije fune ruae. Ro kuke a e one mamekanu ro isesina uruvana ije bu vame one ijia akae karinoeva ijiakiro e ije bu a aguarana jumenoeva ije ire maeje a vajiadufuo maza ije fune ruae. Ijadufuo a e ije bu ume igia e one kame kaniakinu ire one kame isekafiaeva ije a una ve ijadufuo bu kame isekafiake.

Revaresoni 11:7

Bu Godido vua e nijasiana vakuma furino ijia fanu kuriae be fu mako dibuore ije gavo baki ijia ajia kekena e ijena bijaeke. Fu buina bijaema areme fure iraraena sakiaga bu oeke.

Revaresoni 12:17

Areme ire duregoni ije fuka ireobo defaruimo fu una bara ijadufuo uifari fuone ijena bijaekiro vae. Ro e uifari fuone ijeja e Godido Akae ije mukore irinana ijuebaki nuvekinu Jesudo vua maeje abe e nijasianoejo ijene.

Revaresoni 17:15

Ro anera ije fu kuke kie, Do ije ruvako irifo ijia bara ebuo baru turamo ije fu fino ijadufuo maeje ijeja e aesakae ro isamakina vajae surive ro agane binobino ijeno kie.

Revaresoni 5:9

E ije bune dua iviaeko ije urukinu kua, Aeje aneka manima ijadufuo a buki ije anume igeki ije abena irae. A bune kanavoga a baronei areme a kavuane one ije a usiaema ijia ane e boeje agane ro isama binobino ro sakae ro surive binobino ije fuaena kaenamiamo bune una Godido e rei.