Revaresoni 12:3 - Godido Vua Maeje

³ Areme na una kuke ire sumiki be fu saove ijia remo na gae. Ro ire ije fu tabare ka ireobo kavuane bu kua duregonino kuavo ijare ijia kekei. Ro nigofo fuone ije fuka seveni ro muane fuone teni (10) ije bu ire bino gorodi ijia amaeriaeva ijene besubesu ijia sae.

Revaresoni 12:3 ပူးပေါင်းရင်းမြစ်များ

Revaresoni 12:1

Areme na ire sumiki be fu saove ijia remo na gae. Ro ire ije na gaga fu bara ijare ugone ije maza naema ije dabe abiese. Ro dia tare fuone rotire ije fu asame ijare ijia mani. Ro nigofo fuone ije fu ire be gorodi ijia amaeriva zuvi tuero bu ijia ireva ijene abiesei.

Revaresoni 12:13

Maza ijia Setani fu gake bune fu dabe ume igia akoevoga fu bara ije ame nafema ije zinuivena dabe arafiri.

Revaresoni 12:17

Areme ire duregoni ije fuka ireobo defaruimo fu una bara ijadufuo uifari fuone ijena bijaekiro vae. Ro e uifari fuone ijeja e Godido Akae ije mukore irinana ijuebaki nuvekinu Jesudo vua maeje abe e nijasianoejo ijene.

Revaresoni 12:4

Ire duregoni ije fu iviene fuone ijare dabe saove akaegue ijia ire zuvi boeje ireva ije numuna dabe aesakae ijia abie. Areme fune bara ijadufuo nidua ijia mani arega fu ame nafega fu sakina dabe ikiro fu ijia manine.

Revaresoni 12:7

Ro anera ugaeki Maekero fu anera fuone ijena ire duregoni ijiakiro anera fuone ijena ka ireobo saove ijia bijae.

Revaresoni 12:9

Bu ire duregoni ireobo ije bu dabe abievo fu arina ruaema ije fu isuibe ijia fina ruae. Ro ive fuone be bu kua Setanino kuavo fu e boeje ume igia oenoevo ije biesiriamo. Bu saove ijia fu dabe akoevoga fu anera fuone ijena ume igia ari ruae.

Revaresoni 13:1

Areme na una gakoga ire mave kuriae ijare davare guove ijia ajia kekei. Ro nigofo fuone ije buka seveni (7) ro muane fuone ije buka teni (10) ro muane buone besubesu bu ire gorodi ijia amaeriaeva ije saejiae. Ro nigofo besubesu ijia bu ive ise ije ijia isoe ijadufuo maeje bu Godido ive ije dabe buze ikuae bu ije isoe.

Revaresoni 13:2

Ro ire mave kuriae ije davare ijia ajia kekemo na gaeva ije fuka ire busi ireobo bu kua refodino kuavo igeki. Ro dia tare fuone ije fu ire fanuve bu kua beano kuavo igeki ro itire fuone ije fu ire raejoni itire igeki. Ro ire duregoni ijare daro fuone ije fu e ireobo rena fata fuone ijia fina are boeje fu samuagiamo ijene abena mave kuriae ije mae.

Revaresoni 13:4

E boeje bu ire duregoni ije ma vierafena nuvevo ijadufuo maeje fure daro fuone ije una mave kuriae ijene mae. Ro e bu mave kuriae ije irinana nuvekinu fuone baname isoevo ije bu kuaevo, Erare fu mave kuriae ije vareki ro erare fu manido fu fuosiki bijaekono kuaeve?

Revaresoni 15:1

Areme na una saove ijia ire ka sumiki ijene gae. Na gake anera seveni bu ire seveni kena aesakae ije isekafakuae ruove. Ire ijiebe radekuma ijia aesakae ijia isekafaga Godido ziemo ije fu ijia furike.

Revaresoni 16:13

Areme na una gakoga kavene ise ire sabade igeki ijiebe e ise inokubeke ijiebuo itire ijia usiae. Be fu duregoni ijadufuo itire ijia kekei. Ro be fu mave kuriae ijadufuo itire ijia kekei ro be fu e ije vua kufuimeno ijadufuo itire ijia kekei.

Revaresoni 17:12

Ro ire muane teni ije a giaema ije e kini teni bu rade kini redufuo ijene. Bure kini rena mave kuriae ijena aesakae ije maza aokube samuadufuo.

Revaresoni 17:16

Ro ire muane teni ijiakiro mave kuriae ije a giaema ije bu bara ije baru turamo ijene ziegafake. Bu urina ire fuone boeje kame arafiriaejakinu ugone fuone fu saema ije kame faraejaga fu detaba fike. Ro kuke bu vajae birage fuone bino buvuana ikinu dabe miane ifaejega fu baronena furike.

Revaresoni 17:7

Na ije gavo fuka oeseradiemoga anera ije fu kie, A irerefuo oesereme? Nare bara ijiakiro mave kuriae nigofo seveni ro muane teni ije fu bara ije nakusema ijadufuo maeje bu sauiva ije kuarako ni fieno kie.

Revaresoni 19:12

Ro niome fuone ije fuka miane igege naene ro nigofo fuone ije fu ire gorodi ijia amaeriaeva boeje sae. Ro vajae fuone ijia fu ive be ijia nuga nijae. Ro ive ije e bino buka naebe vierafe ro fune fuosukua vierafe.

Revaresoni 20:2

Ro anera ije bune ire duregoni ije bu ude kua tabare Setanino kuavo ije farena seni dabe toma areme juaevasia uvani taoseni (1000) ijiege nujae.