Revaresoni 1:9 - Godido Vua Maeje

⁹ No Jesudo ive ijia agane besu reva ijadufuo e Joni naeje naka uvia jone. Ro noeje noka makae fuone ijia nuvevo ijadufuo no isejavaeve. Ro kuke noka kabuaekabuaeki karina mazani ije Kuraesi fu una ume ige samuadufuo no ije samuave. Naeje bu mesiriena do uije be Fatemosi kuavo ijia nujie. Ijadufuo maeje na Godido vua ijiakiro vua maeje Jesu Kuraesi fu nijasiema ije e nijasiavoga bu mesiriena ijia nujie.

Revaresoni 1:9 ပူးပေါင်းရင်းမြစ်များ

Matiu 20:23

Areme Jesu fu una kiae, Ire ije e bu none rega na isejavaekuvejo ije na vierafe jadua bu ijiege jone rega ja isejavaeke. Ro igia fie, e ije bu are umui none maeneke ro aeneke ijia karidufuo ije ja kuarievo ije nare rekuva baki. Ro are ije fu Asoe none ijare e ije fu kemo ijiebuo amaerijiamono kiae.

Maki 10:39

Areme bune una kuae, No vierafe none manido no rekono kuae. Bu ijiege kuaravoga Jesu fu una kiae, Na vierafe e buka ire ise bu none rega na isejavaedufuo ije bu kuke jone rega jadua ja ijiege isejavaeke.

Joni 16:33

Na vua ijiege kuariaekina vua ije fu ifejiaga ja oemarekinu dazena karinoeke. Ijadufuo maeje e ume igia ise renoejo ije buka ire ise binobino jone rega jaka isejavaeke. Rove igia fie, ume igadufuo daro ije nane nare asi ijadufuo maeje daro none ije fuka ma ireobo. Ijadufuo jade mamoekiro nika giriesano kiae.

Ekisi 1:15

Areme mu sibaneke furikoga e boeje Jesu ma vierafevo uvani aderedi tuaedi (120) bu una besu afui. Bu ijiege afuikoga Fita fu urina kiae, Erafano Godido vua bu isuibe isoeva ije funeka riarei. Ro vua ije fune isuibe Godido Kavene ijare e Devidido itire ijia e Judasido kuae fure e ani ijiebuo vame amaeriga bu Jesu tokono kuae.

Ekisi 14:22

Ro Forukiro Banabasi bu vierafe buka e Jesudo vua fievo ije soesoena ejafiaga bu uria giriesana Jesudo vame ijia nuvekuae bu ijiege vierafei. Ijadufuo bu urina vua maeje dabe e ije kuariae. Areme bu kuke nijasiana kiae, Ume igia no karinoejo ije noka irufui uruvana biediakinu isejavaeke. Rove no uria giriesakuva no una e ije Godi fu oe buone ije samuagiamo ijena besu maziekono kiae.

Romeni 8:17

Noeje no Godido anafa ijadufuo maza rade Godi fu ire maeje fu kena anafa fuone naejiaema ije gue fu kena no vajuoke. Ro ude noka urina Jesu Kuraesi fu isejavaema no ijiege isejavaekuva Godi fu ire maeje fu kena Jesu Kuraesi naejaema ije gue fu kena no vajuoke. Ro kuke no fuone sanaema ije akaegue abedufuo.

Romeni 8:25

Ro no ire bino no ni nuvuone ijia giavo baki ije ma vierafena samuakuva ije noka sone oe vafaena samua karike.

2 Koriniti 1:7

Ro kairafano no ma vierafega ja uria giriesana karinoeve. Ro no vierafe jaka vame izege no isejavaevo ijiege jadua jaka isejavaeve. Ro kuke no vierafega Godi fuka izege fu no uruvana ifejuomo ijiege fu ja ifejiame.

Firifiani 1:7

Ro jaeje naka maza boeje oe none igia vierafenoeve. Ijadufuo na vierafe ije fu maredo na ijiege ja vierafekinu finoke. Ijadufuo maeje e boeje jaka na ifejiena i mukore ige Godi fu abe miema ije meve. Ja dibure ige na fijo ijia ro kuke nane kekeva ijia jaka Godido vua maeje ige na vafaena abe kuaenoevo ije ifejie. Ijadufuo e boeje buka vua ije fiena uri giriesana vua ije abe uti farekinu ma vierafeve.

Firifiani 4:14

Ro ja irufui none ije ifejievo ije fuka ireobo mare.

2 Tesaroniasi 3:5

Ro kuke no baname isoega E Ireobo fu vame jone amaeriga ja maza boeje ijuoebaki fuefuo imenoeke. Ro fure ifejiaga ja izege Godi fu ja oetuamo ije gakinu karivake.

2 Timoti 1:8

Ijadufuo ade E Ireobo nuvuone ijadufuo vua ije fu e boeje ifejiana karauniamo ije kuariakiro jaevemo. Ro kuke ade ige na fuefuo imevo ijadufuo na dibure fivo ijadufuo jaevemo. Ro anika izege na Godido vua ije na kuaevo ijadufuo isejavaevo ijiege adua isejavaene. Ro a ijiege isejavaekuva Godi fu daro maga a giriesana renoedufuo.

Iburu 10:36

Ijadufuo janika oe vafaena mumaza Godi ma vierafefo. Ja ijiege Godi irere fu vierafema ije renoekuva ja ire ije Godi fu kiaema ije kedufuo.

1 Fita 5:1

Ijadufuo na e mamekanu sosi akae samuavo ije ja ejafiana kuariavo fiefo. Nadua na sosi ijadufuo e ireobo be nare Kuraesi fu isejavaema ije gae. Ro kuke maza ije fu una ruomo ijia Godi fu sanaema fuone ije dabe e boeje nijasiamo ijia nadua na jaena sanaema fuone akaegue abeke.

Revaresoni 1:1

Buki ige fu Godi ire ije fu iviama igiebo redufuo fu abena Jesu Kuraesi nijae. Ijadufuo fu abena e ije bu fu irinana fuefuo imejo ije nijasiaema ijene. Jesu fu anera fuone ije kuamoga fu arina Joni e ije fuefuo imeno ijene ire ije nijae.

Revaresoni 1:2

E Jonire Godido vua maeje ijiakiro Jesu Kuraesi ire ije fu nijaemo fu giaema ije abe e boeje kuariae.

Revaresoni 1:4

Joni nare vua ige isoena e Jesu ma vierafevo bu sidove seveni aesakae Esia guove sosi ijia afuina baname isoevo ije nijiave. Na baname isoega Godi e ije fu isuibe ijia fina ruaema ro kuke fu uria fido fu rade ruadufuo ije fu maza boeje ja ma rejiana mukoreigia ifejiakinu samuagiaga ja kafaena karinoedufuo. Ro kuke na vierafe Kavene Akae ije Godido fata maeje ijadufuo nidua ijia i seveni meno ije fudua ja ijiege samuagiadufuo.

Revaresoni 1:6

Areme fu no kena e sosi samuavo ije rejuedo no fuina e fuone samuakinu Godi fuone ro Asoe fuone ijadufuo imeke. Ro no ive fuone abe ajiana aroekinu fuone baname isoega fu maza boeje daro fuone ijia no samuaguona vake. Mare!

Revaresoni 11:7

Bu Godido vua e nijasiana vakuma furino ijia fanu kuriae be fu mako dibuore ije gavo baki ijia ajia kekena e ijena bijaeke. Fu buina bijaema areme fure iraraena sakiaga bu oeke.

Revaresoni 12:11

Ro e kairafa nuvuone ije Godi ma vierafevo ije bune Jesu Kuraesido kavuane ro vua fuone maeje bu e nijasiavo ijadufuo duvado ijia Setanido daro ije asi. Ijadufuo ume igia bu karivo ije bu naebe ireobo vierafe. Ro bu vierafe buka Jesu Kuraesido isejavaena oekuae bu ije vierafeve.

Revaresoni 12:17

Areme ire duregoni ije fuka ireobo defaruimo fu una bara ijadufuo uifari fuone ijena bijaekiro vae. Ro e uifari fuone ijeja e Godido Akae ije mukore irinana ijuebaki nuvekinu Jesudo vua maeje abe e nijasianoejo ijene.

Revaresoni 13:10

Ro Godi fu vierafe ja Jesu Kuraesido ive ijadufuo dibure karikuva ije fu arega ja ijiege dibure karike. Ro fu vierafega bu sime uiki ijia kena bijiaga ja oekuva ije fu arega bu ijiege reke. Ire ijieki ije buka rade jone reke rove Godido e ije nika sone oe vafaena uria giriesana ma vierafekinu imenoefo.

Revaresoni 14:12

Ijadufuo e ije Godi ma vierafevo ije nika giriesana kabuaekabuaeki oe vafaena Godido akae ije irinakinuro Jesu fuosukua ma vierafefo.

Revaresoni 19:10

Na fu manino ijia dijena fuone atoge sana baname isoekuvejo fu kie, Ade na augesana baname isoekiro ni una Godido baname isoene. Ijadufuo maeje nana e be a vareki. No besu kairafa nuvuonena no Godido imena Jesudo vua maeje ma vierafena kuariavo. Ro e ije Godido vua vierafena e kuariavo ijiebuo i maeje bu mevo ije bu Jesu Kuraesido vua ije abe e kuarianoevo.

Revaresoni 20:4

Na ijia manina saove ijia fata bino e ijia ajia kariva ije giae. Ro e ije kariva ije bu Godire daro vajiaga bu e boeje ijiebuo ise ije kena mazie giadufuo ijiebe ijia kari. Ro na kuke e ije bu ijuebaki Jesudo vua maeje dabe e kuarianoevoga bu kaniaeva ijiebuo kavene ijene ijia giae. E ije bu kine ise mave kuriae ijiakiro kavene umui amaeriva ije naebe buone baname isoekinu ro naebe nuga bino variatare ro farane ijia nae. Ro bume una urina e mamekanu rena juaevasia uvani taoseni bu Kuraesina ume ige samuana kari.

Revaresoni 3:10

Na izege ja kabuaekabuaeki isejavaedufuo ije nane nijasiavo ja fiena irinie. Ijadufuo na maza ije na una aesakae ige abe isekafakiro ruovo ijia na ja karauniake. Ro na una ruovo ije na e ume igia oenoeva ije biesiriana giakiro ruove.

Revaresoni 6:9

Areme Mave-Sifi Ame ije fune ire anume faeve (5) ije abena irasekoga na are fata ije bu ijia Godido zinone ifaejevo rotire ijia ga e kavene bino bu ijia kari. Ro e kavene ije bu e ije bu Godido vua ije ma vierafena ijuebaki nijasiaeva ijiakiro e ije bu Godido ire maeje fu oemaedufuo bu renoejoga bu kaniaeva ijiebe ijia kari.

Revaresoni 7:14

Ro na kuae, E ireobo naeje na naebe vierafe ro aeje ane vierafemano kuae. Ijadufuo fu una na kie, E ije ireva ije bu e ije bu vame ise ijia isejavaena ruoma ubine ijia usiaeva ijiebe irevano kie. Ro ugone buone bu saeva ije fune Mave-Sifi Ame ijadufuo kavuane ijare soejiamoga bune una abaekirae.