Revaresoni 1:3 - Godido Vua Maeje

³ E ije erare fu ire ije bu rade rekuvejo ije mukoreigia dana fiemo ije fuka oemaredufuo. Ro kuke erare fu vua ije bu isoeva ije fie areme kena oe fuone ijia nana iriniamo ije fudua fuka oemaredufuo. Ijadufuo maeje maza ije fune ivuaredo ire boeje fu redufuo.

Revaresoni 1:3 ပူးပေါင်းရင်းမြစ်များ

Matiu 24:15

Jesu fu ijiege kuaria areme kiae, Ja Are bu baname isoevo guove ijia ro fata akae ije bu zinone ifaejevo ijia ire ka omeise be ja gake. Ro e Daniero e ije Godido vua vierafena kuaemo be ije fudua fune isuibe ire omeise ijadufuo isoena kuae. Ijadufuo ni ire ise ije fu rekono kuaema ije vierafefo. Ja ire ije gakuva ni e boeje Judia guove ijia kariva ije kiaga bu migegire subinaena uruo mamekanu ije irevo ijia vafo.

Ruki 11:28

Ro Jesu fu una kuae, Vua ije aka ma kuaeme. Ijadufuo na vierafe e ije erare fu Godido vua ije fiena iriniavo ije budua buka oemareno kuae.

Romeni 13:11

Ro ja vua boeje na kuariaeva ije jane ijiege renoevo ijadufuo ja ni nisuina kariva baki. Ijadufuo nine ijiege maza boeje ni nafaena karinoefo. Ijadufuo maeje no iko Jesu no ma vierafeva ijia no kuae maza ije Jesu fu una ruomo ije fune ivuaremano kuae. Rove iviama ijare maza ije funeka ma ivuareme.

Romeni 13:12

Ro maza nuvuone ume igia no karina ruovo ije fune ve irasekuveno ijiege furikuvene. Ro maza ije no una Jesu Kuraesido sanaema ije gakuvejo ije fune ivuareme. Ijadufuo noka vame ise boeje e bu mugu renoejo ijiege no renoejo ije ka kena garege koregaro una vame maeje sanaema ijiaru kenoeke.

1 Fita 4:7

Ro erafano maza ije ire boeje ume igia naovo bu furidufuo ije fune ivuareme. Ijadufuo ni uri ni nafaekinu kojo mukoreigia samuanamikinu giriesana Godi baname isoekinu karinoefo. Ro ire ka ma ireobo ijeja nika mukoreigia jone oetuanamifo. Ja ijiege oetuanamikuva ja kairafa jone bu ja isema revo ije jaka uria faememarena bu oetuakinu karinoeke.

2 Fita 3:8

Ijadufuo kairafano jade vierafero E Ireobo ire ije fu rekiro kuaema ije fu saroena rekiro jade ijiege vierafevo. Ro kuke ni mukoreigia vierafekiro jade totevo. Ijadufuo maeje juaevasia uruvana (1000) furidufuo fu vierafena kuaema ije fuka jiamadogo baki ro fuka mu besu igeki. E gue bu vierafero E Ireobo ije fu saroemo ijadufuo vua ije fu una ruakiro isuibe fu kuaema ije fu naebe ruakiro bu ijiege vierafeve. Rove nika mukoreigia vierafefo. E Ireobo fuka sone oe vafaena ja samuagiana fine. Ijadufuo maeje fu e besukua be fu dabe isekafadufuo ije fuka ijuoneme. Ro fu vierafe e boeje noka ise ije no renoevo ije arena una fuone vaga fu no karaunuokiro fu ije vierafeme.

Revaresoni 22:10

Areme anera ije fu kuke kie, Ade vua ije irere bu rade rekuvejo bu buki igia isoeva ije abe nuriemo. Ijadufuo maeje maza ije funika ivuaredo ire boeje buka redufuo.

Revaresoni 22:12

Ro Jesu fu kuke kuae, Igia fiefo naeje naka iviama igiebuo una ruove. Ro na ruakuva na ire bino kena ruaekina na e ije bu izege noefuo mukoreigia imenoeva ije una ve ire bino vajiake.

Revaresoni 22:20

Jesu Kuraesi e ije vua boeje ige kuaruomo ije fu kume, Ije fuka ma. Naeje naka migegire una ruovono kume. Ro e Joni na una kume, Maremano Jesu E Ireobo ni rono kume!

Revaresoni 3:11

Naka iviama igiebo ruovo ijadufuo giriesana vame maeje ja kevo ije kenofo. Ro jade mamoega e binobe ja asidiana kavene ijadufuo ire maeje ja saove gufia kedufuo ije kevo.