Neamaea 8:10 - Godido Vua Maeje

¹⁰ Ro nime urina va are jone gafia irekiro do vaeni maeje ja naeva ijene ina oemarefo. Areme ni ire jone mukore gue ja naeva ijene karina una e gue eranebe naebe naeva ijene ivajiafo. Ijadufuo maeje mazani ige fuka E Ireobo jone ijadufuo mazani akae ijadufuo jade karina oefiane abevo. Ro no vierafe E Ireobo fu ifejuoga no oemarekinu oenoevo ijia noka una daro abekono kiae.

Neamaea 8:10 ပူးပေါင်းရင်းမြစ်များ

Neamaea 8:11

Bu ijiege revoga e Rivaeti bu urana oenoekinu e ije niraevo ije vafiae. Bu vafiakinu kiae, Maza igeki fuka akae ijadufuo mauike karikiro ije ja oefiane abekinu niraevo ije areno kiae.

Neamaea 8:12

Ijadufuo e boeje bune una va are buone ijia usiaena iro ina oemarei. Bu ijiege urukeigia oemarekinu uri ire ro sinuome buone maeje bu naeva ijene kena una e gue bu ire baki ijene ivajiae. Bu ijiege reva ijadufuo maeje e Rivaeti bune Godido Buki Akae mukoreigia dana nijasiavoga bu vua asune ije fiena vierafei.

Ruki 11:41

Ijadufuo vajae surive jone ije ja kame uruke vierafevo ije arefo. Ro nika urina oe jone ijiakuma ma vierafekinu kairafa jone oetuana ifejiaga fu ja maradiafo.

2 Koriniti 8:2

E ije buka ma isejavaena ruae rove Godi fuka bu ma rejiamo ijadufuo buka oemarekinu imeve. Buka e sinuome baki rove buka korobuo oemarekinu vekinu moni buone ka mamekanu ije gue karana no ivajue. Bu moni buone bu imena abevo ije buka asina ajia ado gafa ijia ivajue. Ro ije bu reva ije bu e binobe kiavo bu reva baki ro bume korobuo vierafe buone ijia ijiege rei.

Firifiani 3:4

Ro vame ijiege bu renoevo ije nadua na ude ijiege renoe rove iviama na una vame ije ma vierafevo baki. Ro erare fu iviama ema ijiebuo akae bu naeva ije ma vierafena renoeno ije ni igia fiene. Ire ijieki ije nare ude ja asidiana ka mukoreigia kenoe.

Revaresoni 11:10

E inokiro ije Godido vua nijasianoevo ije bu oekuva e boeje ume igia oenoevo ije buka ireobo oemaredufuo. Buka iro ina oemarekinu sinuome buone ivajuonamike. Ijadufuo maeje bu e inokiro ijiebe e ume igia oenoevo ije kame arafiriako bu vajae fiane abeve.