Neamaea 4:1 - Godido Vua Maeje

^1-2 Areme e Sanibareti e Sameriako ijiebuo e ireobo fu fieke e Jiusi ije none Jerusareme isuo ije una kiravo fu fie. Fu vua ije fiemo fuka defaruimo fu uri e kairafa ijiakina e Sameriako ijiebuo e azo kevo ijiebuo nidua ijia no kame utifaejena varaemei. Fu kuae, E Jiusi ka e garuki ije bu irere ije rekuae reve? Bu vierafe bu sidove ijene una sakuae vierafe. Bu vierafe bu zinone buone ije ifaejekuva zinone ijare bu ifejiake. Ro kuke bute vierafega bu maza besu sidove ije una sa furikuae bu ijiege vierafe. Mune ije bu kena are ije sakuvejo ije fune miane naena isere ro bu izege una karina sakuae revono kuae?

Neamaea 4:1 ပူးပေါင်းရင်းမြစ်များ

Neamaea 13:28

Ro Joeada e Iraeasibi e ireobo zinone ifaejemo ijadufuo fari ije fu Sanebarate e Oronaetiko ijadufuo kabae ije abei. Ijadufuo na e ijene kuriaerena rorukuravo fu Jerusareme arena una are fuone ijia vae.

Neamaea 2:10

Rove e Bete Orani ijiebuo e ireobo Sanibaretikiro Tobia e Amonaetiko ije bu na una Juda vakiro vako ije fie. Bu fieke e be fu una e Jiusi aesakae Juda kariva ije ifejiakiro vako bu ije fievo buka naebe oemarei.

Neamaea 2:19

None ijiege kuaena ire boeje kanafuinoekoga e Sanibaretikina Tobiakina e Gesame e Arabiko ije bu ire ije no kanafuinoevo ije fie. Bu vua ije fiena kisuokinu no kame varaemena kuaevo, Ire ije ja irere ije abekuae renoevono kue?

Neamaea 6:15

Areme asame Otoba ijadufuo maza tuaedi faeve (25) ijia isuo ijiakiro viene boeje no kiravo ije foteke fune ijia furi. Ro isuo foteke no kiraeva ije no maza fifiti tu (52) ijiege furikoga no ijia kira furi.

Neamaea 6:16

Ijadufuo e ani nuvuone gue sakae nuvuone irifo ijia karinoeva bu vua ijene fievo buka judiae ijadufuo bu una ire be irere rekuva baga bume ijia arei. Ijadufuo maeje bu vierafega fune Godire daro muomoga no isuo ije kiraevaro bu ijiege vierafei.

Matiu 2:16

Areme rade Erodi fu vierafega e ije zuvi ijia nuga rerevo ije buka fu biesirivaga fu urukeigia defarui. Ijadufuo fune urina e bijaevo fuone boeje kiae, Ni va are Betirieme ijia ame fari isesina juaevasia besu ro inokiro furiva boeje kaniafo. Ro kuke ni va are isesina Betirieme ivuake ijia ro juare bu meva ijia oenoekinu ame isesina boeje kania furino kiae. Ijadufuo maeje bune e ije ruaeva ijiebe zuvi ije fu veze manina sanamo bu gaeva ije kuaraeva ijadufuo fu ame ijieki ije kaniano kiae.

Matiu 27:29

Areme bune ukiese ufuna abe atevema dabe Jesudo nigofo ijia abiesejae areme uri mudu abe umui maeneke ijia mavo fu farena mani. Fu ijiege farena manikoga bune nidua fuone ijia auge sakinu varaemena kuavo, E ige fu e Jiusi ijiebuo Kini fu maza boeje ijia fivako ijeno kuae.

Ekisi 5:17

E ireobo Godido zinone ifaejemo ijiakiro e fuone Sejusi gue bu e boeje bu e Afasero ijiebuo vako ije fievo buka defarudiae. Ijadufuo bu uri e Afasero ije toenamiana kame dibure uniae.

Iburu 11:36

Ro e bino bu vije ufemadiakinu madiakinu ifiae ro gue bu seni kena toma areme kena dibure uniae.