Neamaea 1:11 - Godido Vua Maeje

¹¹ Ijadufuo ni ivia baname none igiakiro e one bu oefuo imevo bu oemarekinu a dabe arorakuvejo ijiebuo baname bu isoevo ijene fiejuone. Ni ifejiena baname none ige fie areme abe marejiena kini ige oe fuone ije dabe dakudega fu na giena oefiane abeno kuae. Ro mazani ije naeje na kini ijadufuo do vaeni bu vesena ke ruovo ije samuavo.

Neamaea 1:11 ပူးပေါင်းရင်းမြစ်များ

Iko Zinume 24:42

Ijadufuo na ro mako ije bu do jiavo ijia keke manina mauike oe none ijia baname isoe. Na baname isoena kua, Eburame e ireobo none ijadufuo Godi E Ireobo ni iviama ifejiena irere na rekiro ruaeva ije abena samadirejiene.

Iko Zinume 32:11

Na vierafe uvia none Iso fu ruakuma fuka e boeje ige bara ro baru ije kanuoga noka oe furidufuo. Ijadufuo naka judiemono E Ireobo baname ige na isoena kuaravo igene fiena ifejuone.

Iko Zinume 32:28

Areme e ije fu kuae, Ivia ive one ije bu una Jekafu kuanoekuva baki. A Godi fu farada dabe mamoga aka giriesae. Ro kuke ema buka a dabe vame ise ijia arafiravoga aka are iraraena bu asidiae. Ijadufuo ive one ije bu Isurerono kuakono kuae.

Iko Zinume 40:1

Areme rade maza be E Ijifitiko ijiebuo kini fu e inokiro kevo bu fuefuo imei. E be fu do vaeni bu kinido vese ruovo fu ije samuamo ro be fu burete ifaejemo. Ijadufuo rade maza sibaneke furikoga e inokiro bu ire be kini fu naebe oemarema ijene rei.

Iko Zinume 40:21

E boeje bu ijia afuikoga Kini fu urina e ije fu do vaeni ije bu ke ruovo ije samuamo ijene i fu meno ije abe una mae.

Iko Zinume 41:9

Areme e ije kini ijadufuo do vaeni bu vese ruovo ije samuamo ije fu urina kini kuae, Na iviama ijare vua be na kuaradufuo na totiemo na areva na ije vierafe.

Iko Zinume 43:14

Na Godi e daroki ije baname isoega fure e ireobo ije are Ijifiti samuamo ije oe fuone dabe dakudega fu ja giana oefiane abeke. Fu oefiane abena e Bezimanikiro uvia one be ijene ke uniaejaga ja kaenamia una ruake. Ro na ijeja ame none gue bu una kuke ijiege oega na oefiane abekuva ije fure marekono kiae.

Neamaea 1:6

Ijadufuo baname none ige e oefuo imeno na e Isureroko e ije oefuo imevo ijiebuo mumaza isoevo ige ada irana fiekinu giene. No e Isureroko ige noka orafa nuvuone ijena noneka ma isema rei.

Neamaea 2:1

Areme Kini Atekesi aesakae ije fu samuama ije fune juaevasia tuaedi (20) abema ijia na asame Efuru ijia are fuone ijia fi. Na ijia fivoga bu kinido do vaeni be jiana abe vuakoga na abena kini makiro vae. Ro oefiane none ije na abenoevo ije kini na naebe kuarae.

Neamaea 2:8

Areme nane una kuke kini kuavoga fu fasi bedua isoena e Asafi e ije kini ijadufuo tarare bu ijia ine ufuvo ije samuamo ije nijae. Fu isoena kuaraga e Asafi fu fie vierafekina fu ine fae gikikimana na sidove faere bu kiraeva ijadufuo viene ije amaeriadufuo ijene vajiedufuo. Ro kuke gue na e bijaevo ije bu Godido are ijene juo karivo ijiebuo are gikikima ijadufuo viene ijene amaeriake. Ro gue na kari are none na fidufuo ije sadufuo ijene vajieke. Ro Godi fuka na marejiemo ijadufuo kini ije fuka ire boeje na kuaravo ijadufuo fasi ijene isoena vajie.

Iburu 13:18

Ro ni nuvuoefuo baname isoefo. Ijadufuo maeje no vierafe maza boeje noka mukoreigia vierafekinu vame maeje ijiaru renoekuae vierafe. Ijadufuo na ja soesoena kia ni giriesana noefuo baname isoega Godi fu vame none amaeriga na migegire vuafo.