Nabasi 24:9 - Godido Vua Maeje

⁹ Ro izege fanu raejoni fu e sakikiro saui namo igege E Isureroko ije buka e ani buone kaniakuae samua karinoevo. Ijadufuo fu erare bu kame niediakuma baki. Ro eranebe bu e Isureroko ifejiana marejiavo ije Godire bu marejiake. Ro eranebe bu e Isureroko kame isekafiavo ije Godire ve una bu kame isekafiakono kuae.

Nabasi 24:9 ပူးပေါင်းရင်းမြစ်များ

Iko Zinume 12:3

Ro nare e ije erarebe bu a marejavo ijene daro miana samuagiakinu marejiake. Ro erarebe bu a kuravajana vafakuva ije nare una ve bu kuravajiana vafiake. Ro e boeje aesakae igia karinoeva ije na one duvado ijia bu marejiake.

Iko Zinume 27:29

Ro e aesakae gue ijia karivo uruvana bu una oefuo imekinu ro a kurituakafake. Ro are uviarafa one ijiebuo e ireobo rega asie one ijadufuo farirafa ije budua a kurituakafake. Ro erare a kuravajana vafavo ije Godire ve bu kuravajiana vafiake. Ro erare a ifejana daro mamo ije Godire ve daro miana ifejiake.

Iko Zinume 49:9

Ro kuke aeje aka fanu raejoni ige fu kuriaerena efunena e sakia buvua ino ijiege reke. A ijiege remo ijadufuo e buka a jumedufuo.

Una Kaenamiae 23:22

Ro ja vua boeje fu kuariamo ije mukoreigia fiekinu ro irere na kuariaeva ije renoekuva nare e ani jone bu ja ijuonena jaena bijaevo ije ziegafiana kame isekafiake.

Nabasi 22:12

Rove Godi fu una Berame kuae, A e gafe kuravajiakuma ade e ijena vako. Ijadufuo maeje e ije nane nare daro miaevano kuae.

Nabasi 22:6

Ro e ije buka e daroki ijadufuo ni ro na ifejiena e ije kuravajiadufuo. A ijiege kuravajiakina bu darobirega na bite kaniakuriaga bu are ige arena vake. Ro na vierafega e ije erane a kuravajiamo ije buka irufui biediavo. Ro erane a daro miamo ije buka daro abevono kuano kiae.

Nabasi 23:24

Ro e Isureroko ije buka fanu raejoni ije fu vasia oega fu fanu gue sakiana buvua ikiro samua namo igeki. Fu samuana fi vakuma fanu be gakuma fu sakina i furikono kuae.

Nabasi 24:10

Berame fu ijiege kuaena e Isureroko ije daro miamoga Beraki fu ije gamo fuka ma ireobo defarui. Ijadufuo fu uri ubaeje sakinamikinu Berame kuae, Na aeje na kua a e ani none ije kuravajiano kuae rove aka maza inokubeke una bu daro miae.

Matiu 25:40

Bu ijiege kuariekuva E Ireobo ige na una kiako, Vua ige naka ma kuariave. Ire boeje ja kairafa none ige e anuigi baki igiebuo reva ije ja none revano kiake.

Matiu 25:45

Bu ijiege kuariega E Ireobo ige na una kiako, Vua ige naka ma kuariave. Maza ije ja e gue anuigi baki ije naebe ifejiaeva ije ja na naebe ifejie.

Ekisi 9:5

Fu ijiege kumenoga Soru fu una kume, E Ireobo aeje a erareno kumei? Ro fu una kume, Na Jesu e ije a vame ise none remo ijene.