Nabasi 24:5 - Godido Vua Maeje

⁵ Ro na e Isureroko ijiebuo are muvuaka bu sana karinoevo ije na giaga buka ma mukore.

Nabasi 24:5 ပူးပေါင်းရင်းမြစ်များ

Neamaea 13:2

Ijadufuo maeje isuibe maza ije e Isureroko bu aesakae Ijifiti arena usiae ruaeva ije e Amonaetiko ijiakiro e Mobaetiko ije buka naebe bu oemarejiana irekiro do ifejiana vajiae. Rove buka una e Isureroko ijene ire ise rekuae vierafei. Ijadufuo bu uri moni karana e Berame fuaeve arega fu e Isureroko ije kuravajiana vafiakiro bu ijiege rei. Ro Godi nuvuone fu Beramedo vua ije fu e Isureroko kuravajiakiro vierafema ije fu abe dakudemoga e Berame fume una vua ma ijiaru e Isureroko ijiebuo kuae.

Una Kaenamiae 38:21

Ro maza ije bu Are Muvuaka Akae ije saeva ijia Mosisi fu e Rivaeti ije kiamoga bu sinuome binobino irere bu kena are ije saeva ijene isoe. Ro e Rivaeti ije bu Eroni e zinone ifaejemo ijadufuo fari e Itama ijare samuagiakoga bu imei. Ro Are Muvuaka Akae ije bu mune inokiro ije Godi fu akae fuone teni ijene isoena abe Mosisi maema ije bu gucve ijia nijavo.

Nabasi 24:2

Fu ijia mani gake e Isureroko ije buka agane buone binobino ijia afuina are muvuaka sana karinoeva fu giae. Fu ijiege manina giamoga Godido Kavene ije fu arina fu niromoga fu uri vua ijiege kuae, Vua ige e Berame e Beodo fari ije nare kuaeve. Na iviama ijare vame maeje nane mukoreigia giana vierafei.

Nabasi 24:4

Ro kuke na Godido vua ije naneka mukoreigia fievo. Na irere E Ireobo Ka E Daroki fu vierafe na giakiro fu vierafema na ije nimamaena giavo. Na giaga fuka oeseradiega na tuana uimutumutu sakaedo ijia dijevo.

Nabasi 24:6

Ro are buone mukore ije bu amare ijia kariva ije na giaga buka suve igege abe ira nirie. Ro kuke buka juare ije bu do irifo ijia meva ro kuke bu ine tabuave bu do irifo ijia ireva igeki. Ro buje buka ine ije udi mukore urimo E Ireobo ijare korufuo abena oema igeki.

Josua 24:10

E Berame fu na baname isoena kumenoga na naebe fiena ifejae. Rove naka vierafe fuone ije dabe dakudevoga fu una ja daro miakinu vua ma ijiaru joesina kuaemoga na karauniavo ja irufui ije daoveabue.