Nabasi 24:4 - Godido Vua Maeje

⁴ Ro kuke na Godido vua ije naneka mukoreigia fievo. Na irere E Ireobo Ka E Daroki fu vierafe na giakiro fu vierafema na ije nimamaena giavo. Na giaga fuka oeseradiega na tuana uimutumutu sakaedo ijia dijevo.

Nabasi 24:4 ပူးပေါင်းရင်းမြစ်များ

Iko Zinume 15:1

Areme rade e Aburame fu nimamaena fieke E Ireobo fu kumei, Nare ire afiki bino bu one vuakuvejo ijia samuagakinu ro nare ire mamekanu bino kena a vajakuvejo ijadufuo ade jumemono kumei.

Iko Zinume 15:12

Areme ve fune titutekuveno ijia Aburame fu ni ireobo nae. Fu ni naena uri gake fune ka ve ireobo titutemoga fuka ireobo jumei.

Nabasi 22:20

Areme muge ijia Godi fu una ari Berame kuae, E ije bu ro a kuavo ije nine buina vane. Ro a vakuma ade ire bino rekiro nime vua irere na kuaraeva ijiaru reno kuae.

Nabasi 22:31

Areme E Ireobo fune ijia uri Beramedo ni ije ke kuderiamoga fu ijia anera ije fu sime farena vame ijia manino ijene gae. Fu ije ga areme uri fu manino ijia auge sana tua uimutumutu sakaedo ijia dije.

Nabasi 24:15

Vua ige Berame e Beodo fari ije nare kuaeve. Na iviama ijare vame maeje nane mukoreigia giana vierafevo.

Nabasi 24:5

Ro na e Isureroko ijiebuo are muvuaka bu sana karinoevo ije na giaga buka ma mukore.

Ekisi 10:10

Fita fuka vasiaoema ijadufuo fu ire ikiro vierafe ijadufuo bu fuefuo ire amaerikoga fu ijia nimamae. Fu nimamae gake saove ijia viene fu dauvekoga ire ugone igeki ireobo ijare ijia ari ruome.

Ekisi 10:19

Ro Fita fu uria ijia fina ire ije fu nimamaena gaema ije vierafemo ijia Godido Kavene fu kuae. Saemoni, e inokubeke bu a reravono ni arina vane. Ro ade buina vakiro ijuemo ijadufuo maeje e ije nare kiavo bu ruaevano kuae.

Ekisi 22:17

Fu ijiege kuariemoga nane una va Jerusareme ijia keke areme nana Godido Are ijia aruna baname isoekiro vae. Na va ijia baname isoevo ijia na nimamaena E Ireobo ije gae.

Revaresoni 1:10

Ro na e Ireobo ijadufuo mazani ijia Godido Kavene ijare na nirokie. Fu nirokiemoga na ijuone none ijia fieke vua be fuka uruvana vegu igege ufei.

Revaresoni 1:17

Na fu gana tua fu manino dia ijia dijena ka e baronema igege ijia nae. Na ijia navoga fu umui fuone maeneke ijia akoena nigofo none ijia nija areme kie, Ibe jumene. Naeje na iko zinume ijene ro radekuma ijeno kie.